ياهاجسي عطني من أجزل معانيك

[الصقر (صقرالعالم سابقاً)]

هذي قصيدة الشاعر خالد المريخي اهديها لخوي الغالي واعز انسان ماجد ربي يوفقه ويسعده دنيا واخره ولكم ياغالين


ياهاجسي عطني من أجزل معانيك

وبصير انا ياهاجسي كاتب لك

وأعرف ترى بعض البشر مايقديك

و بعض البشر ينفعك لكن يذلك

أبيك تنخى اللي ليا قام يشفيك

وإليا فعل ماقال انا فاعل(ن) لك

وابيك تنخى شخص لومايحاكيك

إليا سمع بك شي جاء فازع لك

نظيف قلب وبه حميا تخليك

تحبه راسه ولو ماهو شايب لك

هذاك ابو راشد ولا فيه تشكيك

هذاك هو اللي انا ذاخرلك

قل ياصقر خمسين نعم بطاريك

وخمسين نعم ياصقر في سجلك

فعلت هاذي ماتبي منفعة ذيك

ولا أنت بفاعلها لجل حاجة لك

ولا انت براجي من حدا الناس يعطيك

مير العلوم الغانمه عادة لك

في المرجلة ياصقر كلن يزكيك

حتى الزمن كان نطق شاهد لك

ومن رافقك والله حشا مايخليك

لو عاشرك كل الدهر مايملك

أنا اشهد أني حرت مدري وش اسميك

كل الخصال النادرة ينتمن لك

[الصقر (صقرالعالم سابقاً)]

........

[الصقر (صقرالعالم سابقاً)]

شكراً على قراتكم القصيده وتقبلوا فائق تقديري واحترامي ودمتم بود

[الشــامخ]

بارك الله فيك اخي على هـ النقل الجميل

سلمت يداك

[No CoMmEnT]

صح لسان خالد
وسلمت هاليد اللي نقلتــــ

أنا اشهد أني حرت مدري وش اسميك كل الخصال النادرة ينتمن لك

انا اشهد بعض البشر تحتار وش تسميهم

لــــ ندرتهم

شكراً لكـ

[الصقر (صقرالعالم سابقاً)]

شكراً على قراتكم القصيده وتقبلوا فائق تقديري واحترامي ودمتم بود

[دوللا]

مشكور عانقل

[الظل الطويل]

مبدع اخـ ... الصقر ... سلمت يداك ... والله ما يحرمنا من هـ الموضيع,,,

و بعض البشر ينفعك لكن يذلك ...صح لسانك .

تحيتي وودي لك ...

[الصقر (صقرالعالم سابقاً)]

دوللا العفو وتسلمي على ردك وتقبلي فائق تقديري واحترامي ودمتي بود

[الصقر (صقرالعالم سابقاً)]

تسلمي أختي الظل الطويل على مرورك الرائع وردك الأروع الجميل وتقبلي فائق تقديري واحترامي ودمتي بود