شباب اللي اخذو الترم الماضي موارد بشرية انجليش bus 463 مع خالد ميمني

[الفتـى الذهبـي]

تعرفون اللغه مش ولا بد لكن قلت انزل الموضوع يمكن القى مرادي فيه

ودي بكل طالب اخذ المادة يذكر الملخص اللي اعتمد علية بالمذاكرة ولا ينسى يكتب تجربته مع الاختبار

لان الظاهر الدكتور ساحب لا يرد جوال ولا ايميل حسب ما ذكر الاخوان بموضوعهم

شطحه

ودي افهم حاجه

دائما اذا في باص يوصل الموظفين العمل مثل ( موظفين التحلية الشعيبه ) تسمع كلمة يابوي اشتري راسك وروح بسيارتك مع العلم المسافه رايح جاي 200 كيللو
او اذا تعبت لا سمح الله الكل يقول روح المستشفى الخاص ولا الحكومه علشان ما تموت والموعد ما جا
يعني نفهم ان اي شي تدفع فيه فلوس ترتاح نفسياً وتلقى الخدمه او المنفعه اللي تتوقعها
طيب احنا الفلوس اللي ندفعها للجامعه مزورة ولا ايش الموضوع

[khalid05]

بعد عدة مراسلات من إيميلات و رسائل جوال..أخيراً رد علي و قال (روح لمكتبة خوارزم في كليتنا الاقتصاد) الاقتصاد...فقط!!
طبعا هذي رسائل مشفرة من كوكب آخر غير كوكبنا بس قدرت أحل شفرتها...الدكتور يقصد روح لمكتبة خوازم اللي في كلية الاقتصاد و الإدارة و تحصل المقرر هناك و اشتريه من عندهم!!!
لا توضيح لأي مذكرة و لاحتى توضيح للمواضيع المعتمدة!!
وربك يعين ياشيخ...كل ترم دافعين قيمته من روتبنا و تعبنا...وفي الأخير يعامولنا كأننا ندرس بنظام الصدقات و الجمعيات الخيرية!!! وماراح يفوقوا إلا لمن يجي ترتيبهم الأول من تحت...وقتها يردوا علي و عليك!!
ماعلينا إلا أننا نتوكل على الله سحبانه القوي العزيز!!

[الفتـى الذهبـي]

المشاركة الأصلية كتبت بواسطة khalid05 بعد عدة مراسلات من إيميلات و رسائل جوال..أخيراً رد علي و قال (روح لمكتبة خوارزم في كليتنا الاقتصاد) الاقتصاد...فقط!! طبعا هذي رسائل مشفرة من كوكب آخر غير كوكبنا بس قدرت أحل شفرتها...الدكتور يقصد روح لمكتبة خوازم اللي في كلية الاقتصاد و الإدارة و تحصل المقرر هناك و اشتريه من عندهم!!! لا توضيح لأي مذكرة و لاحتى توضيح للمواضيع المعتمدة!! وربك يعين ياشيخ...كل ترم دافعين قيمته من روتبنا و تعبنا...وفي الأخير يعامولنا كأننا ندرس بنظام الصدقات و الجمعيات الخيرية!!! وماراح يفوقوا إلا لمن يجي ترتيبهم الأول من تحت...وقتها يردوا علي و عليك!! ماعلينا إلا أننا نتوكل على الله سحبانه القوي العزيز!!

بيض الله وجهك يابوخلود ماقصرت

[khalid05]

نفسي أعلق و أضيف كلام لين بكره الصبح....لكن الله يصبرنا

[khalid05]

ولا يهمك ياذهبي...
و بإذن واحد أحد نتوفق و نتخرج...

[منتسب طالب1]

وش الجديد عن الدكتور

[أبو حسام]

أنا اشتريت راسي وحذفتها للصيفي يمكن يتغير الدكتور

[الفتـى الذهبـي]

المشاركة الأصلية كتبت بواسطة أبو حسام أنا اشتريت راسي وحذفتها للصيفي يمكن يتغير الدكتور

الحذف ماهو حل انا حذفتها الترم الماضي والحين باذن الله خريج والدكتور ما تغير بالعكس الضغط زاد علية طبعاً علشان آخر ترم اذا الله اراد <<< تكفى مبارة تأهل لكأس العالم ولا خروج مغلوب هههه
المهم في نقطه حبيت اوضحها شوف رد بندر العمري الدكتور عله يهدد باختبار مقالي !!!!
الشي الثاني في موضوع بالمنتدى عن محاسبة 1 او 2 ماني متذكر المهم صاحب الموضوع الظاهر مقاسمني بالنحس وقلة الحظ نزل مادة المحاسبة بالصيفي بعد ما رسب فيها اككثر من مره وشوف المصيبة اللي جاته الاختبار كان كتابة وحل مسائل لان العدد قليل ورجع صاحبنا وحمل المادة !!!

وانت ادرى بنفسك حبيت انصح وبسسسسسسسسسسس

الله يوفقك

[بندر العمري]

السلام عليكم ورحمة الله وبركاته :
بالنسبة للدكتور انا حضرت عنده الدورة التاهيلية هذا الشهر شهر 5 والدكتور مقرر الكتاب نفس كلام الاخوان تلقاه في مكتبة ابن سينا اللي في الجامعة مصور طبعا لان الاصلي غالي ولا حدد لنا اي ملخص او شي من المكاتب وقال لاتعتمدوا الا ع الكتاب الدكتور كلامه طيب واخلاقه حلوة بس المشكلة لغتنا ماهي تمام والاختبار الله يعين بس طبعا ماقال نفس اسلة الاترام السابقة بيجيب لاكن اذا احد لغته حلوة نسبيا يذاكر الكلام الموجود في يسار الصفحات يعني جملة وتفسيرها تحتها على شكل جمل تجي هيه الاهم ومركز عليها الدكتور يعني مفردات والاختبار قال لو عددكم قليل اقل من 100 بيكون في اختبار مقالي بس لوعددكم اكثر من 100 بتكون الاسئلة اختياري وقال عددكم صار 300 وشوي يعني اختياري ان شاء الله هذا مااردت ان انوهكم عنه وانا بعد اتمني الاقي ترجمه للمفردات اللي قلتلكم لان لغتي ماش بقوة واتمنى اكون افدتكم ،،، بندر

[هلالي1]

شباب نبي المساعده وننزل الاسئلة ( أسئلة العام والاترام السابقه المحلوله )
والمذكره المعتمده لدى الدكتور

اتمنى للجميع التوفيق