هذه المره من بلاد الشمس المشرقة...خواطر 5

stan · #1 23-08-2009, 10:17 PM

هذا العام برنامج خواطر 5 و ذلك في حلقات من الجزر التي أرتمت في أقصى الأرض

نائية بنفسها عن سخف العالم و حماقاته

اليابان

الحلقة الأولى لم أشاهدها البارحه و أطلعت اليوم على الحلقة الثانية و ذلك بصحبة أحد الأصدقاء

و كانت عن مدينة كامله من

مستشفيات...
بنوك...
قناة تلفزيون...
شركة كهرباء...
دائرة إطفاء...
و حتى محطات بنزين...

و كلها يديرها أطفال نقرتين لعرض الصورة في صفحة مستقلة

يا ربااااااه الواحد يلطم و لا أيش

صديقي بادرني بالقول :يا خي إيش دا مو زي مدارسنا مالها داعي يبغالنا نودي بزورتنا

أجبته: أنا ابغى أروح أيت بزوره نقرتين لعرض الصورة في صفحة مستقلة

<<<طقت في راسي من جد

الإنسان يشوف أطفالهم كيف كتاكيت و محترمين كل شويه حانين ظهورهم و منزلين راسهم نقرتين لعرض الصورة في صفحة مستقلة

أنا رجعت شفت الحلقة الأولى في اليوتيوب

كانت عباره عن مقدمه و فيها لمحات عن اليابان كبلد و الغايه من هذه الحلقات

و لماذا اليابان بالذات

بلد ماشيه بالمسطره و القلم .......و كمان بالفرجار<كدا ينكتب نقرتين لعرض الصورة في صفحة مستقلة

و البلد نظيفه و الناس كيف منظمه و محد يدخل القطار قبل ما يخرجوا كل الناس

خلاص كفايه كدا<<<قلبي ده ممتعه للجميع

الحلقات طبعاً موجوده في يوتيوب لمن أراد المتابعة

إكتبوا خواطر 5

الحلقة الأولى:صباح الخير يا مسلمين

الحلقة الثانية:كيدزانيا (مدينة الأطفال)

سؤال ليه إحنا ما نكون منظمين زيهم ؟

في النهاية...

الموضوع سيكون عباره عن خواطر و آراء نابعه من نفس الحلقات

و أتمنى من الإخوه و الأخوات المتابعين للحلقات أن ينيروا الموضوع بآرائهم القيمه

إن كان سلباً او إيجابا تجاه الحلقات

و رمضان كريم للجميع...

Hiromi · 23-08-2009, 10:23 PM

اليابان عاشت في الظلام فترة طويلة

ولكنها انتجت مالم يستطيع العالم انتاجاه وأثبتت وجودها بالقوة

شكراً على الموضوع

تـفـاااحـه · 23-08-2009, 10:28 PM

بصراحه برنامج روعه انا متايعنته من3 سنوات
وكل حلقاته روعه يقدم النصيحه ويوعينا على الحياه باسلوب شبابي وبطريقه ظريفه وممتعه حتى الكل يتقبله

اما حلقة اليوم خطيره طفلين بعمر 6 و4 سنوات قامو بعمليه اتئصال المراره لرجال كبير شي روعه الصراحه

بسلمووو

طـمـوح · 23-08-2009, 10:28 PM

^
الشقيري إنسان متحضر متواضع قابلته بنفسي شخصيا بالمقهى حقوه بحي الأندلس بجده
وقعدنا نتكلم قريب الساعتين
يبغى السعوديه خااصه
والعالم العربي والإسلامي يتعد الأوربيون والغرب بتطورهم وتحضرهم

طـمـوح

طـمـوح · 23-08-2009, 10:29 PM

^
الشقيري إنسان متحضر متواضع قابلته بنفسي شخصيا بالمقهى حقوه بحي الأندلس بجده
وقعدنا نتكلم قريب الساعتين
يبغى السعوديه خااصه
والعالم العربي والإسلامي يتعد الأوربيون والغرب بتطورهم وتحضرهم
وقدر يوصل للعالم بتحضره وفكره البناء
بخالف مئات المتديين
وفقك الله يالشقيري وكل ماأقابله أو أكلمه عن جد أحس بفخر مو طبيعي
طـمـوح

wow. · 23-08-2009, 10:32 PM

برنامج اكثر من رآئع
واختيارهم لليابان في محله
حلقة اليوم كانت صدمه ...تسأل نفسك حنا وين عايشين
بصرآحه قمه ...~

.,.نيــــــــــــــــــــران.,. · 23-08-2009, 10:37 PM

حقيقي لازم نرجع نتعلم كيف نعتمد على نفسنا ،،
احنا في كل شي معتمدين على برا
أكلنا - ادواتنا - في بيوتنا
حياتنا أغلبها غلط مع الاسف

الله يصلح حالنا

FrfoSha · 23-08-2009, 10:54 PM

أحمد الشقيري ,, عرف كيف ينصح الشباب ويوعيهم بأسلوب رائع ,, لانه هوا عايش في مرحلتهم وعصرهم ,,

واختيارهـ لليابان كان جدا موفق ,, لان اليابان عانت في تاريخها الكثير واعطت الكثير ,,

شكرا على الموضوع الرائع ,, وان شاء الله لي عودة للتعليق على بقيه الحلقات ,,

تقبلوآ مروري ,,

soma al7elwa · 23-08-2009, 10:55 PM

منجد منجد كانت حلقة وااااااااااااو

نتفرج انا واخواني واخواتي ونضحك

احلى شي النهاية كانت دقة مررررا قوية

اختي قالت حتى لو فتحوا هنا حتكون الاسعار ناااار

قامت اختي الصغيرة عمرها 12 سنة قالت حتلاقوها من أول سنة كويسة وبعد كدا مافي صيانة <<< فشلة اختي الصغيرة تقول دا الكلام خخخخ

موجودة الفكرة بشكل مبسط ومصغر في روائع المكتبات

أما لو كانت بدا الحجم فمنجد وااااااااااااااااو

_______

لشقيري إنسان متحضر متواضع قابلته بنفسي شخصيا بالمقهى حقوه بحي الأندلس بجده
وقعدنا نتكلم قريب الساعتين
يبغى السعوديه خااصه
والعالم العربي والإسلامي يتعد الأوربيون والغرب بتطورهم وتحضرهم
وقدر يوصل للعالم بتحضره وفكره البناء
بخالف مئات المتديين
وفقك الله يالشقيري وكل ماأقابله أو أكلمه عن جد أحس بفخر مو طبيعي
طـمـوح

منجد منجد في الحقيقة مرررررررا متواضع

وبعد محاضراتو تلاقي الناس متلمين عليه وهوا يسلم عليهم كأنو يعرفهم

في رمضان الي فات كان عندو محاضرة في الغرفة التجارية

وبعد المحاضرة الناس اتلموا عليه وجلس يسلموا عليه ويكلموه وكدا

لما خرج برا وهما حواليه في الاخير اتكتم مو قادر يتنفس المهم قاموا بعدوا الناس شوية كدا وخرج برا القاعة وكنت انا وصحباتي برا القاعه

شفناه ورحت عندو ابغى اتصور معاه مسكين جالس الكرسي وفاتح ازرارين من التوب من فوق شكلو منجد كان تعبان

وجيت ابغى اكلمو جاني رجال من اللي معاه قال حرام هوا تعبان شوية قلتلو الله يخليك بس صورة الله يخليك وصحبتي تقرصني فوسطي خخخخ

قام جا أستاز أحمد قال خلاص تعالي

وجوا صحباتي من بعيد يجروا وهوا "حياكم الله ، شرفني وجودكم ، سعيد بلقائكم" الله يسعدو يارب

وكمان قسورة الخطيب مررة لزوز الله يسعدهم

واتصورنا معاهم وتمت العملية بسلام

خخخخخخ

بس منجد ما شا الله عليه

أمو وأبوه زوجته وكل أهله أكيد فخورين بيه مررررا كتير

هي دي النوعية من الشباب اللي نبغاهم اليوم

قاهر المتكبرين · 23-08-2009, 11:10 PM

على فكرة يا حبايب ارى فيه محاضرة لأحمد الشقيري يوم الربوع في الغرفة التجارية في اقعة إسماعيل بن داوود الدخول بخمسين ريال :) لا يفوتكم ..

أمس ما لحقت الحلقة .. لكن اليوم شفتها والله شي جبار .. أنا كنت سمعت قبل كدا بهالمدينة لكن ما اتصورتها لهالدرجة ..

أنا كمان قابلت الأستاذ أحمد في الأندلسية .. ويكفي أن أقول لكم أنني شككت -والله بدون مبالغة- أنه يعرفني من قبل بسبب حفاوته وحسن استقباله لي .. وقد أهداني كتابه "خواطر شاب"

تحياتي واحترامي للأستاذ القدير .. ولصاحب الموضوع ..

هذه المره من بلاد الشمس المشرقة...خواطر 5

الساحة العامة