المهزلة اللى حاصلة فى السنتر

[لينا محمد]

مرحبا
مايسير دي الللخبطة اللى فى السنترا دا الترم من جد ضغطي مرفوع منهم
الاحصاء الاجتماعي محاضرتين الاستاذة ماجات
وعلم السكان برضو محاضرتين ماجات
والنظريات الاستاذة نكلمها ماترد علينا وتشرح اشياء ماهي فى المفردات الدنيا عايمه على بعض

والمقدمة برضو الاستاذة ماجات
ابغا افهم ايش المشكلة ليش الاستاذات مايحضرو فين نشتكي عليهم لانو من جد دي المهزلة ماتسير الاسبوع حيخلص واحنا ماخدنا شي
مره مافى دقة فى المواعيد واستهتار الاستاذات بينا للاننا انتساب يعني ولاكيف

[Layla alsumiri]

نفس حالتك
وش النهاية معاهم
يعني قطعوا علينا محاضرة علم الاجتماع الطبي
وماده مانزلوها بالسنترا
واللحين عندي محاضره وهذا ثاني محاضره ماجاء الدكتور
الى متى نسكت على المهزله الي قاعد يصير

[ManooL]

روحو الجامعه واشتكووو

انا خير شر ما نزلولي محاضرات
حسبي الله عليهم من جامعه اخر ترم وبفتك منهم

[frawlah]

لنووووش

شكلك معايا في السكان مع استازة رقية

ماني عارفة احزفها ولا اش اسوي

وربي ضياااااااااااع اكتر شي

[manooola]

حتى انا السكان مع رقيه ثاني محاضره ومافيه حسبي الله عليهم

[عسل عسولة]

انا برضو مع رقية ولا جات اليوم غريبة مو عادتها استادة رقية كدا انا كنت معاها .. لكن كل محاظراتي الحمدلله شغالة تمام بس السكان اللي مدري ايش في ...

[NORY]

نفس الكلام .. أول يوم ماجات أستاذة الإحصاء واليوم جات نص المحاضرة
وأمس ما جا الدكتور عبيد في الإقتصادي
وشكلي معاك يالينا في النظريات .. الأستاذة ما تعرف المفردات وقالت المحاضرة الجاية أقولكم
ونفس الكلام قالته في الرعاية
يااارب تهونها علينا

[لينا محمد]

المشاركة الأصلية كتبت بواسطة nory نفس الكلام .. أول يوم ماجات أستاذة الإحصاء واليوم جات نص المحاضرة وأمس ما جا الدكتور عبيد في الإقتصادي وشكلي معاك يالينا في النظريات .. الأستاذة ما تعرف المفردات وقالت المحاضرة الجاية أقولكم ونفس الكلام قالته في الرعاية يااارب تهونها علينا

والله مشكلة ازا الاستازة ماتعرف مفردات المادة اللى جالسة تشرحها داخلة على عماها واحنا نقولها ايش اللى معانا وايش لا من جد شي يبكي لاننا انتساب طبعن معطيننا اخر طناش واحنا اخر اهتمامتهم
كانهم بيتصدقو علينا

[طالبه جامعيه]

الله يعينكم ويسهل لكم

والله أنا ماتخرجت من جامعة القرف اللي بطلعة الروح ان شاء الله تتسهل اموركم روحوا اشتكوا أو سووا تجمع في الجامعه وخلوهم يرجعوا المحاضرات زي أول حضور 3 أسابيع حرام يدفعوا 3 آلاف على محاضرات ماتشتغل واستاذات مايشرحوا

[لينا محمد]

من جد شي يقهر ويرفع الضغط جامعة مقرفة مايكفى شافطين تلاته الالف مننا وكمان النظام زي وجههم خربان والصوت يقطع وتشويش وازعاج واساتذة مابيحضرو وازا جات على اخر المحاضرة بالله متى يمدينا نختم الكتب كل كتاب اكبر من راسهم فى تلاته اسابيع والله احس نفسي ضايعة حسبي الله عليهم
والمشكلة كل ترم كده وكل مانتكلم مافى شي يتغير