بنات البايوك .. مستوى خامس

[رشة امل]

اوك , اول شي السلام حبايبي كيفكم ان شاء الله مبسوطين بالاجازة يارب ومبروك للي نجحوا وبالتوفيق للبقية ..

حبيباتي زي ماتعرفوا بعد كم يوم يفتح الحذف والاضافة وانا دحين مستوى خامس ان شاء الله بس الترمين اللي راحو عدد ساعاتي كانوا : 14 و 15 بمعدلي 4,24
ف تنصحوني اكمل 18 الترم ذا ولا ضغط عليا ؟ اخاف المعدل ينزل
واذا اكمل ؟ اباكم تقولولي اش اخذ من المواد دي المناسب منها وكذا واتمنى اللي تعرف تقوللي طبيعة كل مادة صعبة او لا؟ ومين احسن استاذة فيها؟
ساعدوني بليييز الله يسعدكممم.....


ايض 2 / احياء 202 / كيح تغذية / ثقافة او عربي او الاثنين / صحة فرد / كيح غير عضوية / كيح أمراض او مناعة ( مواد اختيارية )
مع العلم انو مااخذت كيمياء عامة حتى الان لانو الكل يقوللي لاتاخذيها الا على تخرج

...............................................
والله يوفق اللي تساعدني دنيا و أخرررة ويجعل لها ف كل خطوة سلامة يارب

[السعادة كنز لا يفنى]

أيض 2 أسهل من أيض 1 وشي ضروري لازم تاخذيه لانه متطلب لتنظيم الأيض
أحياء 202 سسهل جدا بس أتوقع صار موحد فما عندي خلفية عنه بعد التوحيد
كيمياء حيوية تغذية أخذتها مع الدكتورة خلود سهلتها لنا مررة وكانت حلوة
صحة الفرد ما عندي خلفية عنها بس حتكون تقريبا قريبة من الحيوية التغذية
غير عضوية مع الدكتورة منال سسهلة
كيمياء أمراض مع الدكتور سسهلة جدا جدا
المناعة أفضل ما تأخذيها صح أوراق مع الدكتورة عزة لكن كثيرررة ومتعبة
والكيمياء العامة نصيحة مني أنا أخذته أخر ترم ونزل معدلي بشكل كبير ولاحظت الفرق
لكن لمن تاخذيه في الأول تقدري تتخرجي بمعدل يرضيك

وهذا اقتراحي اذا بدك :
كيمياء عامة 202 / 4 ساعات .. صحة فرد / 3 ساعات .. أيض2 / 3 ساعات .. أمراض / 2 ساعة .. ثقافة / 2 ساعة .. كيمياء حيوية غير عضوية / 2 ساعة
كذا عشان تركزي على الكيمياء والأيض أكثثر
وبالتوفيق يا عسل

[رشة امل]

يعطيكي العافية يارب افدتيني مررة تسملي حبيبتي
بس كثير قالولي أمراض ابعدي عنها ثقيلة دم المادة جداا , وياقلبي بما انك اخذتي الاثنين كيف المادة عربي ولا ؟ وكيف نظام استاذتك كان
وغير كدا كيم202 كثييير صحباتي ياحملوها يا نزلتلهم المعدل وانا معدلي ماصدقت على الله يرتفع اخاف اخذها تخربلي الدنيا
ف اذا اخذتيها مع مين تنصحي؟

واسفة اذا ثقلت عليكي ,, اتمنى البقية يفيدوني

[طُهرٌ أنَا..]

لا تاخذي كيم 202 رجاءً
مادة مش لطيفة ابداً
واغلب استاذاتها مش كويسين
بس تنزل معدلك ولا تحمليها
لا تجازفي وتاخذيها
خليها في الاخير احسن
انا اخذتها مع سناء عرب
نجحت فيها بالقوة
أما المادة الحرة اخذت صحة فرد مع تغريد
لطيفة جدا الاستاذة وحبوبة
تعمل دوري واحد من 30 درجة
وكان سهل كله اسئلة موضوعية
عددي ، فراغات ، صح وخطأ مع التصحيح ، عرفي
النهائي من 50 كله صح وخطأ مع التصحيح واختياري و صلي
النهائي كان اسهل
يبقالك 20 هذي تكاليف
تطلبك تعملي 4 أو 3 تكاليف
ونهاية الترم تعملوا معرض و تعرضوها وتقيّمك عليها
فيه وحده ثانية بتعطي صحة فرد اسمها ايمان
لا تاخذي عندها ، صحباتي كانوا عندها
نكبتهم في الاختبارات
وبالتوفيق

[رشة امل]

المشاركة الأصلية كتبت بواسطة طُهرٌ أنَا.. لا تاخذي كيم 202 رجاءً مادة مش لطيفة ابداً واغلب استاذاتها مش كويسين بس تنزل معدلك ولا تحمليها لا تجازفي وتاخذيها خليها في الاخير احسن انا اخذتها مع سناء عرب نجحت فيها بالقوة أما المادة الحرة اخذت صحة فرد مع تغريد لطيفة جدا الاستاذة وحبوبة تعمل دوري واحد من 30 درجة وكان سهل كله اسئلة موضوعية عددي ، فراغات ، صح وخطأ مع التصحيح ، عرفي النهائي من 50 كله صح وخطأ مع التصحيح واختياري و صلي النهائي كان اسهل يبقالك 20 هذي تكاليف تطلبك تعملي 4 أو 3 تكاليف ونهاية الترم تعملوا معرض و تعرضوها وتقيّمك عليها فيه وحده ثانية بتعطي صحة فرد اسمها ايمان لا تاخذي عندها ، صحباتي كانوا عندها نكبتهم في الاختبارات وبالتوفيق

اوك ,, يعطيكي العافية حبيبتي

[بحوور!]

أحب بنات الكيمياء والعلوم بصفة عامة مجتهدين ماشاء الله تبارك الله ويتعبوا كثير في تخصص خصوص المصطلحات الانجليزي

ورموز المواد الكيمائي وتسلسل لي مثل الدرج كانت تجيبه أستاذتي في ثانوي هههههههههههه ذكريات


أنا أنصحك خذي الثقافة مادة ممتعة بس كل ماطلعتي مستوى تكون اسهل بس معلومات شوي كثيرة بس ممتعة ،

وإذا قصدك على عربي 2 فهو جميل وحلو وسهل مهو زي 1 صعب

أما مواد كمياء ما قدر افيدك فيه لان تخصصي غير / بس ماشاء الله تبارك الله ممكن تفيدنا بطريقة مذاكرتي لان معدلي كان 3 أول مادخلت الجامعة بعدين نزل شوي

وأتمنى يصير 4 خاطري أنتظم قبل ما تخرج :( عشان تعتمد شهادتي على الاقل




- ايوة صح نسيت أقولك لا تاخذي نصيحة من بنات أبحثي ب نفسك ب مواقع ولا تنسي من بنت ل بنت يختلف سهولة المادة ومن استاذة تفهم ل أستاذة ماتفهم

وصحبتك لا تسمعي كلامهم عشان ما تتورطي سبق وفسرتك استواعبك غير استواعبهم

والله يوفقك .. لاتنسي تستخيري لواحترتي في مواد ربي بيختر لك الافضل

[رشة امل]

اوك يعني كدا خلاص محدش حيفيدني اكثر ؟ يعني مفيش حد خد المواد قبل كدا يعبرني

[yeroko kyo]

انا خلصت حيوية تغذية لطيفة
معمل الاحياء صار ثقيل ما انصحك تاخذي الان
خلصي الايض والثقافة العربي اذا اثنين خليه بس اذا ١
خذيه

اعتقد نزلوا الشعب بالقسم يوم الخميس الي عنها الشعب او مصورتها تشاركنا بيها 😢

[samrona]

المشاركة الأصلية كتبت بواسطة رشة امل اوك , اول شي السلام حبايبي كيفكم ان شاء الله مبسوطين بالاجازة يارب ومبروك للي نجحوا وبالتوفيق للبقية .. حبيباتي زي ماتعرفوا بعد كم يوم يفتح الحذف والاضافة وانا دحين مستوى خامس ان شاء الله بس الترمين اللي راحو عدد ساعاتي كانوا : 14 و 15 بمعدلي 4,24 ف تنصحوني اكمل 18 الترم ذا ولا ضغط عليا ؟ اخاف المعدل ينزل واذا اكمل ؟ اباكم تقولولي اش اخذ من المواد دي المناسب منها وكذا واتمنى اللي تعرف تقوللي طبيعة كل مادة صعبة او لا؟ ومين احسن استاذة فيها؟ ساعدوني بليييز الله يسعدكممم..... ايض 2 / احياء 202 / كيح تغذية / ثقافة او عربي او الاثنين / صحة فرد / كيح غير عضوية / كيح أمراض او مناعة ( مواد اختيارية ) مع العلم انو مااخذت كيمياء عامة حتى الان لانو الكل يقوللي لاتاخذيها الا على تخرج ............................................... والله يوفق اللي تساعدني دنيا و أخرررة ويجعل لها ف كل خطوة سلامة يارب

ايوهه باقي انا لازم اعطيك افادتي واللي عندي :$
شوفي ياستي انا مع الاخت اللي قالت تختلف سهولة
المادة من بنت لبنت وحسب الاجتهاد
بس اللي قبل انا مأيدتهم لان بيتكلمو من ناحية
القسم كامل وكيف بيقدموه الدكتورات
شوفي افضل الموا لمستوى الخامس
ايض 2 > اسهل من 1 بكثير بس على حسب الدكتوره
كيمياء حيوية تغذية > مررره حلوهه و4 ساعات شدي حيلك وترفع معدلك
كيمياء حيوية غير عضويه > سهله واستاذتها جيدة
كيمياء مناعه > ماخذتها بس مع دكتوره عزه يمدحوها مامنها خوف
صحة فرد > على حسب الاستاذة واسس تغذية
عربي > عربي 1دمه ثقيل شويه بس يمكن عندك يختلف

وبكذا 18 ساعه وموادك حلوه وخفيفه بعيد عن قسم الكيمياء والاحياء
واذا الماده الحره ذي الثانيه انا افضل ما تاخذيها لسه عندك تحليليه
وطبيه وجزيئيه تحتاجي مواد ترفعك ممكن تضيفي احياء بدالها
والاحياء مع دكتوره عايشه علواني مره جميل وفيه كم وحده بعد

- وموفقه يارب

[GaMe_OvEr]

صباح الورد
موادك تمام , لكن أنصحك ابعدي عن صحة الفرد كمادة حرة .... خذي قرآن أو علوم قرآن...أحسها أحلى

أنا نزلت أيض2 , كيح تغذية , كيح غير عضوية بيووولوجيا الخلية ومعمل كيمياء 281
أفكر أنزل ثقافة3 وعربي2 أو وحدة منها ....... اش رأيكم ؟؟؟؟