المسلسلات الـ ... كوح كوح < يا ويلك يا رهف

[RHF]

السلام

دوبو جا على بالي الموضوع دا ،

لاحظت في الفترة الاخيرة ،، اقصد السنوات الاخيرة ، انو حاطين مصايبنا كلها على المسلسلات التركية ، مع انو على مر السنين كان في افلام و مسلسلات امريكية و هندية و مكسيكية

لاكن ليه بالزات التركييييييييييييية هي اللي حطيناها في بالنا ،،

مع انها تقريبن زي المكسيكية ، نفس القصص البلهة الضعيفة ، ونفس الفترة اللي تستمر شهور < الناس الفاضين هم اللي يربطو نفسهم شهوررر بمسلسل تافه

عمومن ، طبعن انا ما انكر وجود الغزو الفكري في كل حاجة في الدنيا ، واحنا كمان ما تركنا شي الا قولنا عنو غزو فكري ، من ماركات لأكلات لبرامج لاختراعات ،، كل حاجة في الدنيا

لاكن انا استغرب فعلن ، انو مش معقولة كل ما حصلت مصيبة عندنا ، قولنا دا بسبب المسلسلات التركية ،!!!

يعني وحدة حابة جوزها يكون رومنسي ، يجي يقولها دا كلو بسبب انك تشوفي مسلسلات تركية ،
طيب الحرمة سواء شافت المسلسلات دي ، او ما شافتها ، طبيعي انها تبا جوزها يكون رومنسي

طبعن بالمقابل في امسلة مالها داعي ، زي انو الحريم اتجننو كلهم يبو يتجوزو واحد شبه مهند ( من عدالتو ) ، يحسبو الناس كلهم زي كدا شكلهم

وانا للتأكيد ، ضد الفكرة دي ، لانو مافي احد زي ابو سروال و فلينة :( بشهامتو و رجولتو و وراسو المفقش و وجهو المجرح :(

/////////////////////

قبل ما اختم مووضوعي المتواضع ، باسترجع قصة حصلت قبل 4 سنوات تقريبن ،، ايام طلع مسلسل مهند و نور وعمل اكبر ضجة في الدونيا

وللاسف انا مني من متابعين التلفزيون خير شر ، بالتالي مالي في المسلسلات ولا ادري عنها شي ،،

عمومن ، في اليوم داكا ، كنا متجمعين عالعشا ، جدتي و انا و امي و حريم اعمامي و بنات عمي ، قاعدين حولين السفرة في الارض ، وحضرة مهند و نور شغالة الحلقة ،،

وانا باتزكر كنت اقول لبنات عمي

أنا : طيب مين داااااا ؟؟؟
بنت عمي : ما تعررررررررررفي مين داااا ؟ دااا مهننننننننننننند
انا : طيب ميييييييييييييييين ديييييييييييييي ؟؟
بنت عمي : دي نووووووووووووووور مرتو

وقتها بينما كلنا عيوننا عالشاشة و بنتناقش مين دا ومين دي ، جات لقطة ، ( مهند شايل نور في حضنو ، يطلعها الدرجة ) الصراحة كان المشهد مؤثر خخخخخخخخخخ

لاكن من دا كلو فجأة سرنا نسمع صوت احد يبكي و يشهق بالبكا ، بكااااااااااااااااا اقوا شي

ونطالع ،، نلاقيها جدتي !!!!!!!!!!!!!!!!!

االلي قامت تجيب مناديل ، واللي جابتلها موية ، واللي تسلم على راسها تحضنها ،،

- ايشبك يا جدة ؟؟؟؟؟؟؟؟؟؟؟؟؟؟؟

تقول : <<< صوتها يرن في ادني

( كان جدكم يشيلني زي كدا ، ويطلعني الدرجة وهو يجررررررررري ، يا سوبحان الله كيف الدنيا اتغيرت ) !!!!!!!!!!

وليل يا جدة !! الرجال قريب عمرو من ال70 ولسا تباه يشيلها ويجري في الدرجة ؟؟

!!!!!!!!!!!!!!!!

الصراحة مرة اتأثرنا بجدتي وكيف انو جدي كان رومنسي لاكن الزمن غيرهم :(

عرفت وقتها ان المسلسلات دي تأثر على العجايز :(

فما بالنا بالشباب الغلابة :(

،،،،،،،،،،،،،،،،،،،،،،،،،،،،،،


اخر شي جا على بالي سؤال ،،

هل الامريكي ، لمن يتفرج مسلسل خليجي ، كلو مشاكل ، ومضاربات وتلطيش ، والحماة مدري ايش تعمل لكنتها ، والولد الصايع ماسك شركة ابوه خلاها تفلس ، و و و

وبعد فترة ، حصلت مشكلة بين الامريكي و مرتو ، وطلبت الطلاق ،، هل حيحط اللوم ، على المسلسلات الخليجية و كيف انها عملت لمرتو الغلبانة غزو فكري ؟

او هل حيقعد معاها على جنب و يشوفو الاسباب اللي وصلتهم لهادي المرحلة ،،



( لكم النقاش )


للتزكير : تراني رافعة الراية البيضا




رهف

[إحساس ناجح]

أنا عن نفسي ما أحب المسلسلات التركية والخليجية مو داخلة مزاجي كلو حب ورومانسية مكررة وأفكار قديمة هبلة
أتابع الأمريكي أحسن لي يعني يارهف المسلسلات الأوروبية مثلا يكون فيه الحب والأكشن والرومانسية على مجموعة أشخاص
يعني الكل بشارك في القصة أما مسلسلاتنا الغبية تركز على شخص أو شخصين دون تقدم أو تطوير ويجلس دولا الإنثين طوال المسلسل حتى لو عدد الحلقات 300 نفس الرتم ومافي شيء يتغير هم نفسهم اللي كانو الحلقة الأولى نفسهم في الحلقة الأخيرة ونفس الكلام يتكرر ومافي شيء جديد على العموم المسلسلات التركية والخليجية مو داخلة مزاجي يجيني مغص لما أشوفها شكرا لك رهف وتقبلي مروري أخوك إياد

[RHF]

أنا عن نفسي ما أحب المسلسلات التركية والخليجية مو داخلة مزاجي كلو حب ورومانسية مكررة وأفكار قديمة هبلة أتابع الأمريكي أحسن لي يعني يارهف المسلسلات الأوروبية مثلا يكون فيه الحب والأكشن والرومانسية على مجموعة أشخاص يعني الكل بشارك في القصة أما مسلسلاتنا الغبية تركز على شخص أو شخصين دون تقدم أو تطوير ويجلس دولا الإنثين طوال المسلسل حتى لو عدد الحلقات 300 نفس الرتم ومافي شيء يتغير هم نفسهم اللي كانو الحلقة الأولى نفسهم في الحلقة الأخيرة ونفس الكلام يتكرر ومافي شيء جديد على العموم المسلسلات التركية والخليجية مو داخلة مزاجي يجيني مغص لما أشوفها شكرا لك رهف وتقبلي مروري أخوك إياد

اهلين اياد ، نورت الموضوع

على قولتك القصص و الحكاوي والحلقات تعيد نفسها !!

تشكر عالرد

[بيو كيميائية ^_^]

المسلسلات التركية كلهمـ تقريبًا نفس القصة بإختلاف الأشكال والأحداث

لازم البنت يحبونهـا ثنين

والخليجية من مصيبة لمصيبة

أنا إذا طفشانة أجلس أتفرج تلفزيون أسلي نفسي شوي بس أنا أحب أكثر شيء الأفلام الأمريكية

بس أحس من التفاهه إني أتأثر فيهم وأقلدهمـ

[RHF]

المسلسلات التركية كلهمـ تقريبًا نفس القصة بإختلاف الأشكال والأحداث لازم البنت يحبونهـا ثنين والخليجية من مصيبة لمصيبة أنا إذا طفشانة أجلس أتفرج تلفزيون أسلي نفسي شوي بس أنا أحب أكثر شيء الأفلام الأمريكية بس أحس من التفاهه إني أتأثر فيهم وأقلدهمـ

اهلين بيو ضحكني انو التركية يحبوها اتنين والخليجية من مصيبة لمصيبة

وحشتينا يختي

[pinkberry]

شوفي صراحه ههههههههه انا اتفرجها بس مو حبا فيها لكن كل العيله عندنا تتفرج
فغصبن عنك لازم تتفرجي !!
دا غير انو تصريف وقت
بس انا يعني مو متابعه من الدرجه الاولى تلاقينا اتفرج حلقه وحده او حلقتين في الاسبوع والباقي يحكوني ايش سار
ومن ناحيه الغزو الفكري فنعم هوا غزو فكري !!!
وترى البنات يتأثرو لما يشوفو كدا واخص اكتر ( المتزوجات ) لما الوحده تشوف مناظر رومنسيه تتمنى انو يسير معاها كدا

اما ماما عالم تاني ما تتفرج الا عشان تشوف ملابسهم ومكياجهم وشعورهم ...الخ

بس على قولتك ما نستغنى عن ابو سروال وفلينه

تقبلي مروري ,,,

[دافئ الإحساس]

انا زمان قريت في موقع استفتاء

يعني اللي عندو مشكلة يكتبها للشيوخ

وهما يحللولو هيا

وفي واحد كتب وقال انو طلق مرتو

بسبب تعلقها للتماسيل الواطية دي

وزعلانة لي ما يسويلها زي كده

مع العلم انها من قبل لا تشوف دي التماسيل كانت مبسوطة معاه

وماكانت تحصل مشاكل كتيرة

واول ما تابعتها حصلت المشاكل وكلي يوم مشكلة

الا ان وصلت للطلاق

وبعد ما طلقها بعدة اشهر اعتزرت منه وتبا ترجعلو !!

وعانت عشين ترجعلو وهوا رفض واتزوج وحده تانية
.....

يعني ماجا من ورى دي التماسيل غير المشاكل

الله يهدي الجميع يارب

ويوفقهم للطريق الصالح المبين

[دافئ الإحساس]

هااي

موضوعك جيد

طبعا هوا اول شي غزو فكري بالتاكيد ومافيها كلام

بعض الشباب والبنات يعجبوني ما يتاثرو بدي الاشياء التافهة

واللي مالها هدف من اساسو وماشيين في حياتهم وتعاملهم في الحياة ع حسب اصولهم

اللي اتربو عليها >>اهنييييهم

والاكترررر اللي يتأثر بيها

بعض الابنات او الاكتر عشين اكون واقعي تقريبا

من البنات يبو جوزهم زي مهند بجمالو وبطولو وبشعرو كمان

ولا كأنو استغفرالله ملاك

وطبعا هوا اللي مجملو المكياج والبلاوي اللي بيحطها في وشوو

ولا هوا اصلن في الحقيقة ..... ماحبيت اقول هوا ايش لنو كلمة عيب تنقال!!

من حقها انو تبا زوجها يكون رومنسي والرومنسيين من الاولاد كتيرين

لكن الرومنسية درجات وكلي واحد و ع حسب بيئتو اللي نشأ بيها بيعامل بيها

مرتو ومو الكل حيكون نفس الطبع اللي بيتعامل فيه مهند مع مرتو

وبعدين تمسيليات مهند كلها زي ما انتو عارفين تمثيل

والله اعلم بالواقع كيف بيعاملها ازا كان هوا اصلن متزوج ^_^

واكيد البعض لمن يتفرج افلام رعب بيخاف من الفلم ويترعب منو

والبعض ما يقدر ينام في الليل وهادا هوا التأثير اللي نتج من الفلم دا

والتاثير اللي حصل من الافلام الرومنسية انو يتمنا نفسو او نفسها

في نفس دا الموقف !!!

انا عارف انو البنات بشكل عام حساسيين

والبعض حساسسين زيادة اللزوم !!

الحساسيين اول ما يشوفو دي التمسليات يتأثرو فيها بكل بساطة للاسف!!

طبعا لحد ينسى ثقافة كلي بلد

وكلي بلد لها ثقافتها اللي بتتعامل بيه

عشين لحد يقولي انتا بتهرج ع البنات بس اش معنى!!!

حتكلم عن الاولاد

الاولاد البعض منهم يقولي لمن نتكلم عن الزواج انو يبا وحده زي

لميس في جمالها

وزي

نور في رقتها !!

انا جاتني رسالة في الايميل عن وجة لميس الحقيقي

وطلع..... (الله يستر ع عبادو بس)

ولمن اقولو اش تستفيد لو جاتك وحده زي جمالهم ورقتهم ؟؟

يقولي احب يكون شكلها زي كده !!!

قلتلو افرض لقيت وحده زي كده طيب ما يهمك تعاملها واخلاقها !!

الاكتر لمن اقولو كده ما يتكلم من دي الناحية وطبعا يغير الهرجة

لنو مو عارف اش يقول واتعزق في الهرجة

والبعض يقولي ابا اجنبية

سوري , لبنانية , الخ

ولمن اسال اش السبب؟؟

نفس معنى الجواب واللي هوا عشين الجمال فقطـــ :(

انا عن نفسي مابا الا من بلدي

والجمال ما يهمني

وطبعا البعض حيكذبني في سرو ويقول اتحداك ما يهمك الجمال

انا اقصد مو معقولا حاخد وحده شكلها زي الايش!!

لا طبعا انا صحيح انو اهتم بالجمال

لكن مني حاطو كأول خانة او كأول شرط من شروطي

الجمال في السعوديات هوا احلى من الجمال الخارجي >>هادا رأي الخاص

واوول شي اهتم فيه كيف تعاملها مع اهلها ومع امها بالتحديد ؟؟

عصبية ولا لا ؟؟

والاخلاق فوق كلي شي !!

ازا اصلها طيب وقلبها طيب هوا دا اللي يهمني غير كده ما يهمني

لنو الجمال زي ما قلت مو كلي شي

الجمال ظاهري !! فقط

وقد تغدر بالرجل بجمالها ويكتشف بأخلاقها تحت الحظيظ !!

ان الله جميل يحب الجمال فمن حق الرجل والمرآة اختيار الرجل او المرآة الجميلة !!

انا اوافق !!

لكن ارجو ان لا نضع الجمال كمرتبة اولى في اختيارنا للشخص!!

لقب بالرجل السعودي بابو فلينة وسروال

ولقبت المرآة بالركبة السوداء

صراحة يناسبك يا رجل او يا امرآة

ان يناديك الرجل او المرآة بالالقاب دي!!

انا اشوفها انو فيها اهانة لكلا الطرفين !!

بال نسبة للرجل ( الذي لقب بأبو فلينة وسروال)

ترضي يا ايتها المرآة ان ينادي زوجك من قبل اختك او صديقاتك

ان يقول لكي اخيرن اتزوجتتتتتتتي !!!

ولا بأبو فلينة وسروال

كان اخدتلك واحد زي مهند..؟

الله يعينك والله حيبهدلك بهدلة زي الايش!!

طبعا ازا تحبي زوجك حتغاري عليه لا اراديا

وما ترضي احد ينادي زوجك بالقلب السخيف دا!!

افرضي اخدتي واحد زي مهند (ع قولتلكم)

تتوقعي حيسعدك حياتك كلها !!

تتوقعي محا تسير مشاكل ابدن بالمره !!

مافي افضل واحلا من انو الوحدة تاخد من بلدها وبس

لنو الطبع زي بعض تقريبا

الاصول زي بعضها

مفاهيم التقاليد متعودين عليها في السعودين ومعروفة

وبالنسبة للرجل

هل ترضى او يناسبك بأن احد يلقب زوجتك بأم ركب سوداء!!

انا عن نفسي ما ارضى عليها

وغير كده ما ارضاها للبنات كللللهم

لني اغار عليهم

مع اني ما اعرفهم ولا يعرفوني!!

بس انا ما اقدر اسمع زي دي الالقاب ع اخواتي !!

في موقع دخلت عليه زمان ناسي الصراحة اش هوا

كان يتكلم عن الطلاق

واتضح الطلاق للسعوديات الاكثر من المتزوجات من الاجانب!!

والمطلقات من السعوديين اقل نسبتا!!

وبرضو مصريين البعض ع الاجانب!!

الكل له احقية الاختيار ,,,

^_^

لمن اسمع الهروج اللي ع الرجل السعودي انو مهو رومانسي

ومايعرف يتعامل مع المرآة وانو عفش وبس يسكت طول الوقت

وبس يبا يقعد مع نفسوو

وبس يزعق ع المرآة والخ .....

طيب تتوقعو كل الشباب زي ما تقووولوو ؟؟؟!!

اكيد في كده وفي كده

في الهمجي وفي الراقي

في المتعلم وفي الجاهل!!

طيب زي ما قالو البنات زي كده

نحنا نقدر نقول كل البنات ما ما يقدرو الزوج

وكلهم عصبيات

وشايفات نفسهم

وهمهم مرتبة عمل الزوج وراتبو عالي ولا لا

صح ولا لا ؟؟؟

لكن انا اكيد في اولاد كده وكده

يعني مو الكل حيفكر كده

غير اللي متعقد او اللي ما يفهم في الامور دي ومايعرف يقيمها !!

^_^

حضرب مثال!!

البنات القبليات ( البدو بس متحضرات ومو الكل متحضرات)

المهم

انا اقدر اقول انهم كللللهم مو راقييين

وما يفهمو كيف يتعاملو مع زوجهم

وما يعرفو في الحب وكلهم مو حلوين والخ ....

مثال تاني

البنات اللي يرجعو هنود او جاوا او حضارم او يمنى الخ ...

بس طبعا سعوديات

انا اقدر اقول ع اي جنس منهم

انهم ما يفهمو في الاصول

ومالهم داعي

وشايفين نفسهم

وانو هادا الجنس بالزااااات ( اللي ترجع جاوية او هندية او ايييي شي)

مو حلوين مررره

وشكلهم يجيب القرف وانهم ما يهتمو بالنظافه الجسدية ووسخين مررره

الخ .....
..........

ضرب الامثلة دي

عشين اقول شي واحد

انو صعببببببببببب جدآآآآآآآ اي احد يحدد او يضع قرار

او اي شيييي

من شخص واااااحد

او من عينة وحدة

لو مين كان دا الشخص

صعب يحدد اي كمييييييييييية كبيرة من الناااااس

من عينة وحده فقطــــــــــ

الناس ليسو سواء

والمستويات ليست سواء

والكل له ع حسب اصوله والتربية اللي اتربت فيها من بين اهلها

يعني باختصار لو انا مثلا اتعرف ع وحده من اي جنس

وحبينا بعض واضاربنا وكلو

وانفصلنا واقول انا اتعقد من دا الجنس ومابا اتزوج منو !!

لا دا الشي غلط

الجنس ككل ما يتحدد من عينة وحده ( من شخص واحد)

الموية معروفة

بس نقدر نغير في لونها و ع كيفنا كمان !!!

.........

إن شاء الله كلامي واضح ومبسط ومفهوم

اسف لني طولت زيادة عن اللزوم

وامكن اكون اتكلمت عن اكتر من شي

بس حبيت اوضح اقدر من حاجه

بالتوفيق يارب للجميع

وكلي عام وانتم بالف صحة وعافية

^_^

تقبلو مروري

محبكم دافئ الاحساس

[No0o0oN]

أشكرك أختي رهف على طرح مثل هذه المواضيع الساخنه ..

أولا أود أ أبدي رأيي في المسلسلات بشكل عام والمسلسلات التركيه بشكل خاص .
فإنها وكما نرى بأنها تشترك في هدف واحد ألا وهو غرس الافكار المنحطه و اشغال المسلم بامور لافائده منها فترى الانسان
الذي يشاهد هذه المسلسلات مشغول باله بماذا حصل ومالذي سوف يحصل في هذا المسلسل ..

اضافة إلى ما يحصل فيها من مناظر تقشعر لها الابدان صراحه.. من ملامسه الرجل للمرأه وكذلك تخرج المرأه بمظهر خليع فهي تشجع على النظر إلى الحرام
وترك أمر الله بغض البصر حيث اعتاد الناس على مشاهدة العري في الافلام والمسلسلات نسأل الله السلامه ..

وكذلك تساهم في هدم البيوت وتخريب العلاقه بين الزوجين فكم سمعنا من قصص الطلاق التي حدثت وكان سببها الافلام التركيه ..
فالمجتمع العربي غير واع بخطوره هذه المسلسلات التركيه ..فالاثار السلبيه لم تظهر بعد اذن ان المراهقين يشكلون نسبه كبيره ممن يتابع هذه المسلسلات .. فقد تكون في المستقبل أكثر خطوره..

أصلح الله الحال ...


فأنا أتمنى من الجميع محاوله مقاطعتها خاصة ونحن مقبلين على شهر فضيل ...

للأسف الشديد تكثر فيه هذه المسلسلات التافه ..
فهناك أهداف عديده وضعها أعداء الاسلام من كثره هذه المسلسلات في رمضان فهي تفسد الصيام بمافيها من مظاهر خليعه .
وما إلى ذلك من الاهداف العديده
نسأل الله العلي العظيم أن يصلح حالنا
و أن يجعلنا نتمسك بكتابه و بسنه رسوله صلى الله عليه وسلم ..

وشكرا أختي رهف نفع الله بك

و أسفه على الاطاله ولكن في خاطري كلام وددت أن أقوله ..
دمتي .

[bint aboha]

المشاركة الأصلية كتبت بواسطة دافئ الإحساس هااي موضوعك جيد طبعا هوا اول شي غزو فكري بالتاكيد ومافيها كلام بعض الشباب والبنات يعجبوني ما يتاثرو بدي الاشياء التافهة واللي مالها هدف من اساسو وماشيين في حياتهم وتعاملهم في الحياة ع حسب اصولهم اللي اتربو عليها >>اهنييييهم والاكترررر اللي يتأثر بيها بعض الابنات او الاكتر عشين اكون واقعي تقريبا من البنات يبو جوزهم زي مهند بجمالو وبطولو وبشعرو كمان ولا كأنو استغفرالله ملاك وطبعا هوا اللي مجملو المكياج والبلاوي اللي بيحطها في وشوو ولا هوا اصلن في الحقيقة ..... ماحبيت اقول هوا ايش لنو كلمة عيب تنقال!! من حقها انو تبا زوجها يكون رومنسي والرومنسيين من الاولاد كتيرين لكن الرومنسية درجات وكلي واحد و ع حسب بيئتو اللي نشأ بيها بيعامل بيها مرتو ومو الكل حيكون نفس الطبع اللي بيتعامل فيه مهند مع مرتو وبعدين تمسيليات مهند كلها زي ما انتو عارفين تمثيل والله اعلم بالواقع كيف بيعاملها ازا كان هوا اصلن متزوج ^_^ واكيد البعض لمن يتفرج افلام رعب بيخاف من الفلم ويترعب منو والبعض ما يقدر ينام في الليل وهادا هوا التأثير اللي نتج من الفلم دا والتاثير اللي حصل من الافلام الرومنسية انو يتمنا نفسو او نفسها في نفس دا الموقف !!! انا عارف انو البنات بشكل عام حساسيين والبعض حساسسين زيادة اللزوم !! الحساسيين اول ما يشوفو دي التمسليات يتأثرو فيها بكل بساطة للاسف!! طبعا لحد ينسى ثقافة كلي بلد وكلي بلد لها ثقافتها اللي بتتعامل بيه عشين لحد يقولي انتا بتهرج ع البنات بس اش معنى!!! حتكلم عن الاولاد الاولاد البعض منهم يقولي لمن نتكلم عن الزواج انو يبا وحده زي لميس في جمالها وزي نور في رقتها !! انا جاتني رسالة في الايميل عن وجة لميس الحقيقي وطلع..... (الله يستر ع عبادو بس) ولمن اقولو اش تستفيد لو جاتك وحده زي جمالهم ورقتهم ؟؟ يقولي احب يكون شكلها زي كده !!! قلتلو افرض لقيت وحده زي كده طيب ما يهمك تعاملها واخلاقها !! الاكتر لمن اقولو كده ما يتكلم من دي الناحية وطبعا يغير الهرجة لنو مو عارف اش يقول واتعزق في الهرجة والبعض يقولي ابا اجنبية سوري , لبنانية , الخ ولمن اسال اش السبب؟؟ نفس معنى الجواب واللي هوا عشين الجمال فقطـــ :( انا عن نفسي مابا الا من بلدي والجمال ما يهمني وطبعا البعض حيكذبني في سرو ويقول اتحداك ما يهمك الجمال انا اقصد مو معقولا حاخد وحده شكلها زي الايش!! لا طبعا انا صحيح انو اهتم بالجمال لكن مني حاطو كأول خانة او كأول شرط من شروطي الجمال في السعوديات هوا احلى من الجمال الخارجي >>هادا رأي الخاص واوول شي اهتم فيه كيف تعاملها مع اهلها ومع امها بالتحديد ؟؟ عصبية ولا لا ؟؟ والاخلاق فوق كلي شي !! ازا اصلها طيب وقلبها طيب هوا دا اللي يهمني غير كده ما يهمني لنو الجمال زي ما قلت مو كلي شي الجمال ظاهري !! فقط وقد تغدر بالرجل بجمالها ويكتشف بأخلاقها تحت الحظيظ !! ان الله جميل يحب الجمال فمن حق الرجل والمرآة اختيار الرجل او المرآة الجميلة !! انا اوافق !! لكن ارجو ان لا نضع الجمال كمرتبة اولى في اختيارنا للشخص!! لقب بالرجل السعودي بابو فلينة وسروال ولقبت المرآة بالركبة السوداء صراحة يناسبك يا رجل او يا امرآة ان يناديك الرجل او المرآة بالالقاب دي!! انا اشوفها انو فيها اهانة لكلا الطرفين !! بال نسبة للرجل ( الذي لقب بأبو فلينة وسروال) ترضي يا ايتها المرآة ان ينادي زوجك من قبل اختك او صديقاتك ان يقول لكي اخيرن اتزوجتتتتتتتي !!! ولا بأبو فلينة وسروال كان اخدتلك واحد زي مهند..؟ الله يعينك والله حيبهدلك بهدلة زي الايش!! طبعا ازا تحبي زوجك حتغاري عليه لا اراديا وما ترضي احد ينادي زوجك بالقلب السخيف دا!! افرضي اخدتي واحد زي مهند (ع قولتلكم) تتوقعي حيسعدك حياتك كلها !! تتوقعي محا تسير مشاكل ابدن بالمره !! مافي افضل واحلا من انو الوحدة تاخد من بلدها وبس لنو الطبع زي بعض تقريبا الاصول زي بعضها مفاهيم التقاليد متعودين عليها في السعودين ومعروفة وبالنسبة للرجل هل ترضى او يناسبك بأن احد يلقب زوجتك بأم ركب سوداء!! انا عن نفسي ما ارضى عليها وغير كده ما ارضاها للبنات كللللهم لني اغار عليهم مع اني ما اعرفهم ولا يعرفوني!! بس انا ما اقدر اسمع زي دي الالقاب ع اخواتي !! في موقع دخلت عليه زمان ناسي الصراحة اش هوا كان يتكلم عن الطلاق واتضح الطلاق للسعوديات الاكثر من المتزوجات من الاجانب!! والمطلقات من السعوديين اقل نسبتا!! وبرضو مصريين البعض ع الاجانب!! الكل له احقية الاختيار ,,, ^_^ لمن اسمع الهروج اللي ع الرجل السعودي انو مهو رومانسي ومايعرف يتعامل مع المرآة وانو عفش وبس يسكت طول الوقت وبس يبا يقعد مع نفسوو وبس يزعق ع المرآة والخ ..... طيب تتوقعو كل الشباب زي ما تقووولوو ؟؟؟!! اكيد في كده وفي كده في الهمجي وفي الراقي في المتعلم وفي الجاهل!! طيب زي ما قالو البنات زي كده نحنا نقدر نقول كل البنات ما ما يقدرو الزوج وكلهم عصبيات وشايفات نفسهم وهمهم مرتبة عمل الزوج وراتبو عالي ولا لا صح ولا لا ؟؟؟ لكن انا اكيد في اولاد كده وكده يعني مو الكل حيفكر كده غير اللي متعقد او اللي ما يفهم في الامور دي ومايعرف يقيمها !! ^_^ حضرب مثال!! البنات القبليات ( البدو بس متحضرات ومو الكل متحضرات) المهم انا اقدر اقول انهم كللللهم مو راقييين وما يفهمو كيف يتعاملو مع زوجهم وما يعرفو في الحب وكلهم مو حلوين والخ .... مثال تاني البنات اللي يرجعو هنود او جاوا او حضارم او يمنى الخ ... بس طبعا سعوديات انا اقدر اقول ع اي جنس منهم انهم ما يفهمو في الاصول ومالهم داعي وشايفين نفسهم وانو هادا الجنس بالزااااات ( اللي ترجع جاوية او هندية او ايييي شي) مو حلوين مررره وشكلهم يجيب القرف وانهم ما يهتمو بالنظافه الجسدية ووسخين مررره الخ ..... .......... ضرب الامثلة دي عشين اقول شي واحد انو صعببببببببببب جدآآآآآآآ اي احد يحدد او يضع قرار او اي شيييي من شخص واااااحد او من عينة وحدة لو مين كان دا الشخص صعب يحدد اي كمييييييييييية كبيرة من الناااااس من عينة وحده فقطــــــــــ الناس ليسو سواء والمستويات ليست سواء والكل له ع حسب اصوله والتربية اللي اتربت فيها من بين اهلها يعني باختصار لو انا مثلا اتعرف ع وحده من اي جنس وحبينا بعض واضاربنا وكلو وانفصلنا واقول انا اتعقد من دا الجنس ومابا اتزوج منو !! لا دا الشي غلط الجنس ككل ما يتحدد من عينة وحده ( من شخص واحد) الموية معروفة بس نقدر نغير في لونها و ع كيفنا كمان !!! ......... إن شاء الله كلامي واضح ومبسط ومفهوم اسف لني طولت زيادة عن اللزوم وامكن اكون اتكلمت عن اكتر من شي بس حبيت اوضح اقدر من حاجه بالتوفيق يارب للجميع وكلي عام وانتم بالف صحة وعافية ^_^ تقبلو مروري محبكم دافئ الاحساس

+100000


تقبلي مروري