سؤال عن اختبار الأنقلش الي يوم السبت جاوبوني الله يعافيكم ...........................

[امون الحنون]

السلام عليكم

انا ماكتبت موضوع هنا الا من بعد ماتلفت اعصابي وسرت ما أنام الليل

ابغاكم تشرحولي ايش اختبار الأنقلش الي يوم السبت مرررره خايفه وفي ناس قالولي انو الأختبار

مدته 4 ساااااااعاااااااااات ومررررررره صعب

والشي الثاني انا الأختبار عندي الساعه 8يعني متى اكون بالجامعه الساعه كم بليز ردوعليه

[Queen Designs]

شوفي لاتسمعي كلام الناس ..
الاختبار مافيه شيء يخوف .. هو مجرد تحديد مستوى مافي لو رسوووب ..

مجرد ليسنينق و جرامر و اشياء تانية .. انا زيك ماعرف شيء وراح ادخلو الساعه 8

بس هو مو اربع ساعات هو بس ساعتين من 8 الى 10 بس .. للاداري والانساني ..

بخصوص متى تكوني بالجامعه .. افضل انو تتحركي من البيت بدري ماتعرفي ايش راح تواجهي هناك

هو على حسب مكان بيتك اذا بعيد من الجامعه ولالا .. انا في حي المروة راح اطلع من البيت على الساعه 7 ..

و الله يوفقك و يوفقنا جمييييعاً

[றs.ŞhekặЯ]

الاختبار تبع الاداري من 8 الى 10 كلو ساعتين على بعضو

ثانيا اختبار تحديد مستوى انت تحلي الي تعرفي اختياري وهما يقولوك بعدين انت باي مستوى اول ولا ثاني عشان كلاسات الانجليزي حقتك تكون على حسب مستواكي

لا تخافي ولا هم يحزنون لاعلي درجات ولا حاجه كلو تحديد مستوى

زي لمن تبغي تسجلي بمعهد مو يقلك نختبرك عشان نحدد انت باي مستوى ونحطكم بكلاس واحد هوا زي كدا

الساعه 7 ونص ولا 7 كوني هناك عبال مانلاقي المبنى

يلا ياعسل الله معاك ومعايا يارب ونتوفق اجمعين

[i!i! إيقـاع المطر i!i!]

http://www.skaau.com/vb/showthread.php?t=102533

هنا شرح بسيط

[MNMO0ONA]

ليش ياعسل الخوف دا كلووو
زي ماقالولك مجرد تحديد لمستواكي مافيه لا نجاح ولا رسوب ولاحتى درجات
بس عشان يحطوكي في الكلاس للي يناسب مستواكي

[امون الحنون]

طيب انا شفت الموضوع حقك ايش اختبار ليسنقق انا سمعت انو بس اختياري موقطع ولسننق وحوسه ياربي

[i!i! إيقـاع المطر i!i!]

طيب اختياري

بس فيه لسنقق وفيه قطع << اختبرتوا مرتين :)

[Rana Hesham]

الإختبار صحيح اختياري بس هوا يحدد مستواكي يعني حرام تدرسي مستوى أول وانتي مستواكي أعلى وبالنسبه متى تخرجي أخرجي 7 بس بعد 7 يعتبر متأخر

[امون الحنون]

طيب اختبار حق السننقق والقطع كيف تجي الأسئله برضو اختياري ولا كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Rana Hesham]

يقولوا كلو اختياري