عندي مشكلة في اختبار الEnglish تبع اليوم "بلييز ردو"

[نداء محمد]

السلام عليكم
كيفكم ياحلويـن؟؟
انا عندي مشكلة في اختبار الانجلش تبع امسس

ماحليت السؤال تبع ال speaking لان ماكنت اعرف انو المرة دي محا نسمعو
ومحد من الاستاذات الي راقبو قالولنا ولا جابوو سيررة مرة

انا صح غلطت عشان ماقريت السؤال بس كمان الاستاذات كان المفرووض يقولولنا
لان لمن سالت البنات الي في الشعب التانية كلهم قالولهم حتى بنات الكلية قالوولهم انو المرة دي انتوا تحلووه

يعني كدا حراام عشرررة درجات تروح عليه لان الفقرات الي سبتها كانت من 1_10 :(
والمشكلة لمن سلمت الورقة الاستادة ماسالتني ولا قالت ليه ماحليتيه يعني مادري بس لو انا في مكانها بسال يعني استحالة تكون طالبة تسيب عشرة فقرات ورا بعض فاضية وتحل الاربعين الباقية
شي يخلي اي واحد يسال

عموما انا امس كلمت المس تبعنا وقالت انو في كزا طالبة نفس المشكلة
وقالت لازم اشوف كم بنت عندها نفس مشكلتي عشان نروح مركز اللغة او نقدم خطاب "هدا حسب كلام المس"

بس من البنات الي اعرفهم ولا وحدة سوت كدا

فأنا نزلت الموضوع عشان اقلكم الي عندها نفس المشكلة تروح يوم السبت مركز اللغة

[plz]

احنا والله قالت


يارب يتفهمو وضعك ويحزفولك هيا

[Nothing]

ندووو لاتشيلي هم ..
ربي حيسهلك ان شاءالله ..
ام شي زي ماقلتلك خلي احد يردحلهم وربي يجيكي حقك لعندك ..
بس شغل انو طيب خلاص اوك ماينفع معاهم ...

ربي يسهلك يارب وتاخذي الفول مارك .. :)

[كبريآء أنثى]

الله يوفقك،، يآآآرب ويعيينك

ان شاء الله يتفهموآ الوضع

[نداء محمد]

ان شاء الله ياررب
في الجامعة ماينفع الوحدة تسكت مو انو يطول لسانها
بس لازم تتكلم



تسسللللمووو

[ملح الدنيا}●«]

الله يعينك

المفروض ماتسلمي كان سألتي المرآقبه عنهآآ ,,

وعشان اطمنك شوي عليها 5 درجات مو 10 ..~

[نداء محمد]

ماجا على بالي مررة تعرفي الواحد يكون في الاختبار مايعرف يقول شي
وهيا كمان غلطاااااااااانة يعني لمن اجي اديها الورقة وتشوف انو في كزا فقرة مانحللت والمشكلة ورا بعض يعني حااجة تخلي الاعمى يشووف , المفروض هيا تسال
يعني الطالبة وقت لاختبار خلاص ممكن تكون متوترة ولا شي أكييد مايجي في بالها
هيا المفروض توجه وتسال وكدا صح احنا بنات جامعة المفروض كل وحدة تعتمد على نفسها بس معليه يعني هما يعدو ويشوفو البطاقات وخلو البنات يوقعوو مايقدرو كمان يقولو انو السؤال المرة دي طريقتو اتغيرت
يعني صراحة حااجة جدا منرفزة بس انا ان شاء الله مابسسسسسكت والمشكلة تلاتة استادات كانو يراقبو يعني


لاتعلييييييق وخلاص

[{ .. بعثرني غيآبك !]

يختي عادي كلها 5 درجات < هاع


ان شااءلله تكوني حليتي في الاشياء الباقيه وتجيبي درجة حلووا :$

[نداء محمد]

حتى لو خمسة مو قليلة برضو

[خجوله]

يعني معقوله ياندوش مافكرت أنو العشر فقرات
فاضيه كذا ماجاء على بالك تسألي
عموما أنشاء ربنا يوفقك
ويراجعوا ورقتك ويساعدوكي يارب