بخصوص السماح للموظفين بأداء الاختبارات

[مـازن]

شباب السلام عليكم

تكفوووووووووون ساعدوني هل في نص صريح وواضح من قانون العمل السعودي (هذا لو كان القانون موجود) ؟؟؟

يفيد بحق الموظف بأداء اختباراته و تسهيل كل أموره من هالناحية

أو بمعنى آخر اعطاؤه اجازة لأداء الاختبارات

هل هذا الشي موجووووود فعلا لاني أقوله و انا ماني داري هو صحيح و الا لا ..

الهرجة و مافيها اني كنت شغال بشركة و كان مديري سعودي و الله يجزاه بالخير كنت اقدم لك خطاب مرفق معاه جدول الاختبارات و يووووووووافق على طول على الاجازة لااااااا و يشجعني كمان الله يستر عليه

بعدها قدمت استقالة و رحت شركة ثانية و كان رئيسي سعودي و نفس الكلام بالضبط بكل اريحيية يعطيني اجازة براتب و الوضع كان تمام التمام
و بعدها بمدة نقلوني لقسم ثاني و رئيسي سوداني و آه يالبلشه نااااااشب لي ذا السوداني يقول لي تداوم و بعد الدوام تروح تختبر يعني كان عندي الخميس اختبار الساعة اربعة و حضرته يبغاني اداوم له من 8 الصباح الى 1 الظهر وفي نفس اليوم اختباري 4 العصر

ما اطول عليكم بشق الانفس اخذت اجازة او بالاحرى اذن اروح اختبار و انا حاااااااس انه السوداني ذا اذا خلصت الاختبارات ان شاء الله و رجعت راح يخصم لي الايام اللي اختبرتها من راتبي عشان كذا فكرت اتغدا فيه قبل لا يتعشى فيه ..

آآآآآآآآآآسف جدا طولت عليكم أبغى من الآآآآآآآآخر كذا نص صريح و واضح على انه من حق الموظف يؤدي امتحانه و ابغى بالضبط هل من حقي آخذ راتب عن يوم الاختبار و الا اجازة بدون راتب

ابغى اعرف اللي لي و اللي علي قبل لا انبلش مع ذا السوداني حسبي الله عليه

أشكككككككركم و اكرر اسفي على الاطالة

[khonaiti]

بعد السلام والتحية

من موقع وزارة العمل

http://www.mol.gov.sa/ar/Pages/OrganizeWork.aspx?m=3

اختر
الباب السادس (شروط العمل وظروفه)


الرجاء قراءة
المادة الخامسه عشرة بعد المائه



بنسبه لي تم اعطائي اجازة اختبارات من قبل شركتي


تحياااااتي

[بعيد المرام]

الأنظمه في مكتب العمل وفي مركز المعلومات والمحفوظات الوطني فيها اي نظام يخص الدوله

[% سلطان الخبر %]

نعم اخوى يوجد نص واضح وصريح

يحق للموظف اجازه بنفس اليوم الى يكون فيه الاختبار ولا يخصم من الراتب

ولا عليك من السودانى من قهر منك علشانك تدرس

بس إن شاء الله تتخرج وتدعس على .....

الله يوفقك ياررررب

[Bay3ha]

يحق لك الاجازة في نفس يوم الاختبار

واما اليوم اللي مافيه اختبار تداوم

والله يعينك ...

[أبوجنى]

أخوي فيه نقطة هامة جدا جدا وهي موافقة جهة العمل على إكمالك للدراسة .... من هنا يبدأ نص القانون ... إذا فيه موافقة من جهة العمل لا أكبرها ولا أسمنها يقولك مافيه إجازة . إذا ماعندك موافقة فإنت زي اللي رابط حبل المشنقة على رقبته يترجى ويترحم عشان يوافقون يعطونه إجازة والحق معهم لإنه راح يقولك حنا ماوفقنالك تدرس دبر عمرك .
موافقة جهة العمل شيء أساسي وقبل ماتسوي أي حاجة لا زم تاخذ الموافقة ... و إلا لامكتب عمل ولاغيره راح ينفعك ..

[خالد9876]

المشاركة الأصلية كتبت بواسطة أبوجنى أخوي فيه نقطة هامة جدا جدا وهي موافقة جهة العمل على إكمالك للدراسة .... من هنا يبدأ نص القانون ... إذا فيه موافقة من جهة العمل لا أكبرها ولا أسمنها يقولك مافيه إجازة . إذا ماعندك موافقة فإنت زي اللي رابط حبل المشنقة على رقبته يترجى ويترحم عشان يوافقون يعطونه إجازة والحق معهم لإنه راح يقولك حنا ماوفقنالك تدرس دبر عمرك . موافقة جهة العمل شيء أساسي وقبل ماتسوي أي حاجة لا زم تاخذ الموافقة ... و إلا لامكتب عمل ولاغيره راح ينفعك ..

كلام ابو جنى صحيح بخصوص ضرورة موافقة جهة العمل على الانتساب بس في حالة الواحد انه توظف وهو كان منتسب اصلا في الجامعه هنا تكون موافقة العمل على دراسته بمجرد ذكر انه منتسب في الجامعه في طلب التوظيف (يعني في مثل حالتك). اما اذا كان طلب التوظيف ما كان فيه انه في مرحلة الدراسة بالانتساب فما تعتبر الشركة ملزمه ...
الشي الثاني نظام العمل محدد ان الاجازة تكون عن ايام الاختبار الفعلي وعن مواد ما تكون حملتها قبل وانك لازم تقدمها قبل 15 يوم من تاريخ الاختبار..... بس يبيلك تستفسر من احد الموظفين في ادارة الموارد البشرية عندكم في الشركة عن نظام الاجازات الدراسية ... لان ممكن يكون في اللائحة التنظيمة للشركة ميزة بالنسبة للاجازات الدراسية بمعنى انه ممكن يكون فيها انه( يحق للموظف المنتسب لمؤسسة تعليمية ان يحصل على اجازة مدفوعة الراتب عن مدة الاختبارات) فا اذا كانت موجوده في اللائحة معناه انه لازم يعطونك الاجازة طول فترة اختباراتك.
وبالتوفيق للجميع

[مـازن]

أشكركم جميعا

بالنسبة لموافقة الشركة

يوم كنت في الشركة الاولانية اعطوني خطاب موجه للجامعة يفيد بالموافقة

و لمن قدمت استقالة و رحت للشركة اللي انا فيها الحين قدمت السي في مكتوب فيه اني منتسب و بلغتهم شفهيا عن اجراء الانترفيو اني منتسب و ولا اعترضوا و لا قالوا شي ..

من ناحية قانوية بحته وش الحل هنا ؟؟ يعني وافقوا شفهيا و صراحة حسب خبرتي في العمل الكلام كلام في الهواء لازم شي مكتوب ..

هذا ومن جهة

من جهة ثانية النص حق مكتب العمل هل نص على وجوب موافقة جهة العمل ؟؟؟؟

شكرررررا

[ساره السبيعي]

للرفع

[خالد9876]

اخوي طالما انت كاتبها في CV خلاص تعتبر موافقه منهم ... ونص نظام العمل صريح بخصوص الاجازة وهو ان الموظف يحصل على اجازة دراسيه مدفوعة الراتب عن ايام الاختبارات الفعليه بشرط تقديم طلب الاجازة قبل 15 يوم من موعد الاختبار ... بس اذا رفض مديرك ارجع لادارة شئون الموارد البشريه بالشركه وهم المفروض يحلون المشكلة(المفروض) ...
ونصيحه اخوي لا تحاول تتشدد في في طريقة كلامك معهم لان اذا كنت في فترة التجربه او عقدك محدد المده بيجلسونلك.. وانت حقك حسب النظام بتاخذه بالطيب بدون مشاكل بس يبيلك حسن التصرف وان شاء الله بتنحل...
الشي الثاني اذا كان قيه يوم اختبار يوم الخميس وانتم عندكم اجازة يوم الخميس يعني ما تداومون فيه ...يكون ما يحقلك تطالب بيوم تعويض عنه ....
على العموم اخوي انا موظف في ادارة الموارد البشريه ومن ضمن عملي الامور القانونيه والانظمه واللوائح... اذا بغيت شي تقدر تراسلني على الايميل اذا احتجت شي .
ksaaa898@hotmail.com
والله يوفق الجميع,,,