لمن يملك إجابة ,,, بخصوص معادلة مادة الحاسب..

[حياتي لله]

السلام عليكم
صباح النور و الأفراح لكل البنات و الأولاد..
يا رب السمستر الجاي يكون مرة حلو...
المهم:
دحين أنا لقيت دورة حاسب في 10 أيام و تاخد شهادة ما أدري أظن إسمها (lcd) أو يشبهه..
و قالت لي صاحبتي إنك لو أخديها تعادلي بيها الحاسب و خلاص ما تدرسيه....
المهم إني مررررررررررررة فرحت عشان حأتخلص من دي المادة و تخف عليا مواد الترم الجاي.
بس بنت تانية قالت لي إنو لو تبغي تعادي بشهادة مادة لازم تجيبيها من بداية السنة ((الترم الأول)) فإذا أخدتي الدورة دحين و بعدين و ديتي الشهادة لهم ما راح يعادلولك المادة و حتدرسيها .. و تكوني تعبتي نفسك على الفاضي..
لإنو الدورة حتبدأ يوم السبت الجاي..
فــاللي عادل الحاسب بشهادة أو اللي عندو معلومة متأكد منها يقولي..
عشان ما أبغى أطفش نفسي و أدخل دورة في الإجازة و هيا 4 ساعات كل يوم..و بعدين ما يعادلولي المادة..
بلييييييييييز الله يوفقكم و يفتح لكم كل أبواب الخير’’’’’’’’ أرشدوني..

[University girls]

والله ماعندي معلومه بس انا انصحك خذيها بتستفيدي يعني ايش عندك في الاجازه والله طفش على الاقل تلاقي شئ تسلي نفسك في وبتفيدك الشهاده كثير بعد كذا في الوظيفه الله يسهلك ان شاءالله

[حياتي لله]

شكرا على مرورك العطر يا بنت الجامعة...
بس يا قلبي.. أنا من مكة و الدورة في جدة..
أنا ما صدقت تجي الإجازة عشان أستريح من المشوار اليومي مكة جدة..
فما أبغى أدخل دي الدورة إلا إذا كانت حتحذفلي مادة الحاسب..
و مرررررررررررة يسلمو يا قمر..

[bnt]

وآلله ششوفي

انا اخوي أخذ الدوره هذي على اسآس بيعآدلهآ فآلجآمعه
وقآلو له لما نعآدلها لك بس تآخذ درجة النجآح
يعني مآيآخذ فيهآ100" الدرجه الكآمله " .!

أخوي اخذ الدوره بس مآيبغى يعآدلها فالجآمعه
يقول الحآسب سهل وونجيب فيه درجه عآليه ترفع المعدل
بدآل مآ آخذ درجة النجاح وآلمآده سهله اصلاً .. !



ووبالتووفيق

[حياتي لله]

وااااااااااااو...
مرا شكرا يا قلبي على دي المعلومة..
أجل ليش أتعب نفسي و آخدها..
أدرس المادة و الأجر على الله..
الله ينور لك طريقك و يسخر لك كووووووول الناس يخدموك
مررررررررررررررا شكرا
و جزاك الله خير..

[roroo]

الحااااسب مررررررره سهلللله و على الدورة لو أنا مكانك أخذها :)
تفيدني في المستقبل يعني مو لازم ألحين يعني حتى لو بنهاية السنة زي كذا المهم إنها تفيدك في المستقبل :)

[TURKI ALharbi]

ممكن تعادليها عايدي بس اهم شيء تكون معك رخصه قياده الحاسب وترى للفايده افضل شيء انك ماتعادليها ترى وربي هذا الماده بذات سهله جدا واقل شيء راح تجيبيه فيها 85 من 100

[نجمة ليل]

شوفي أختي أنا عادلت الحاسب وما يحسبو أي درجة للمادة لأنها انحذفت
وبصراحة أنا ارتحت منها

[صامته بزمن هزاز]

متأكدين الماده سهله وش البرامج الي ندرسها لاني فاااااااااااشله في الحاسب مرررره واكرهها بعد

[TURKI ALharbi]

الوورد والاكسل والاكسس والبريد الالكترونى والباوربوينت والانترنت قوقل وخلافه مره سهل