على قد فلوسك مد لحاف تخصصك ..<<ياوزارة التعليم العالي ...يامسؤلين ....الى متى هالحال

[حلم وامال وطموح]

السلام عليكم ورحمة الله وبركاااااااته

مساكم /وصباحكم ...ورد

حيام الله فردا فردا ,,,

ياجماااااعه ..الخير ..بكلمكم بكل اريحيه وبعيد عن كل التنميقات ..ولا التكلف ...

اللي دفعني لفتح الموضوع الحالة النفسيه الرهييييييييبه اللي اعانيها مع وزارة التعليم العالي <<اوخس ...

الحين محدثكم اللي هو انا <<<اخلصي علينا
قدمت في 3 جامعات ...علما باني خريجة العام الماضي ...وتخصصي تربوي ..وتقدير مرتفع ...ومعي دبلوم حاسب ..ودورت سكرتارية ...ولغتي جيدة بعد ...<<قصة حياتك ذي ياخاله

المهم مالكم بالطويله جامعتين من 3 ماسوت مقابله الاختيار كان نهائي بعد الاختبار ..نظرا لظيق الوقت ...ووحده جامعه ترشحت من بين 400 وكنت من اخر 30 طالبه ....دخلو المقابله ..وربي ماكتب لي قبول مع انهم اخذو النص ...
طيب ..الحين تعالو باقولكم ...ماتلاحظون ان جامعاتنا صايرة بقمة التعقيدات ؟؟؟في اجراءاتها ..وفي شروطها ..وفي انظمتها ...
المصيبه ..فيه تباين غريييييب بين الجامعات المملكة...وكانها تتخذ قرارات عشوائية ..مالها اي مرجع في وزارة التعليم العالي ...
انا اقولكم شلون ؟؟......الحين جامعاتنا تفرض للقبول بديل التوفل على تخصصات تعليم الماستر فيها باللغة العربيه .....؟والمصيبه ان هالشرط ضروري حتى للدكتوراه ...يعني الواحد يخبر مرتين يمكن الاول يعدي بالحظ...وبالثانيه ..يقعد فيها !!
يعني دام وصل لها المرحله من العلم ..المفروض يكون فيه تقدير لها الشئ..
كله كووووووووووم واختبارات القبول للجامعيين كوم ثاني ....بالله وش نسوي بعمرنا .؟؟
تعبنا وسهرنا وجبنا معدلات...وتخرجنا ..ولقينا اكبر عواااااائق في وجيهنا لتكميل العلم ...مانبي وظايف ...اذا هي عثرة بوجة المسؤليين او الدوله ؟؟<<دقه على خفيف
نبغى فرصة وحق مكتسب لاي مواطن في افقر دوله على سطح الارض ..مو عاد في بلد زي السعوديه؟؟؟..!!

وين المشكلة مايكو ن التعليم للجميع ..؟؟؟!!!.....في أغلب دول العالم يحق للطالب اكمال دراسته ...بدون تعقيدات ....مو بس اصحاب المعدلات العاليه...يعني حتى المادة ممكن تلعب دور بس بأسعار رمزيه ....في مصر ...اللي نص الشعب عندهم دكاتره مشاءالله عليهم ..تكلفة الماجستير مع قيمة الكتب للطالب المصري طبعا ماتجاوز اربعة الاف ريال سعودي ..
واحنا حضرت المسؤلين يتفنون بقيمة الماستر حسب نوع التخصص ...يعني التخصص المرغوب في سوق العمل ب92 الف ....والثاني ب72 الف ريال ...والنوع الثالث ب42 الف ريال ...؟؟

وش هالابتزاز النفسي التعليمي اللي حاصل عندنا .؟؟؟
ياعالم خلونا نرتقي بانفسنا وبمجتمعنا ..؟؟لمتى ندفع هالقيم الخياليه ...عشان ناخذ فرصة لحقنا اصلا في التعليم؟؟؟
ابغى احد يبرر لي بأي وجة حق انا اخذ تخصص ماابيه عشان امكانياتي ماتسمحلي اخذ ابو 92 الف ريال ؟؟؟
من المسؤل عن الوضع المأساوي الي حاصل بالعملية التعليمية للتعليم العالي؟؟
جامعة تفرض الاختبارات والتعقيدات ..وجامعه ثانيه الماستر سنتين مع التحضيري صارو ثلاثه ...وجامعه مفتوحة لعيال المسؤلين ...وجامعه لعيال الطبقة الفقيرة هذا اللي ناقص ؟؟؟
لا تزعلون مني ...والي عنده كلمة حق يجي يقولها ...واللي ماعنده .؟؟يوفرها؛<<اخلاقها خربت من الاضطهاد...
نبي ندرس ....تعبنا ...بنشيب واحنا مانعطينا حق ...
تكفون انتخبوني وزيرة للتعليم ...هع <<احلامها ورديه

المهم مدو لحافكم على قد تخصصكم...اللي عنده فلوس لا يقصر على عمرة ...واللي ماعنده خله يموت بحسرته ...
المهم

احد عنده سلف 72 الف رياااااااااال <<صدقوني بأردها لكم بعد سنتين ...وعد رجال ...هع <<راحت علومكم ..بس ..

سامحوني طولت عليكم ..

[أطمح للماجستير]

اصفق لك بحراره .. وعشت جووك وربي ..


أضييييييف لكلامك بعد اذنك .. لو سمحت وزارة التعليم العالي يعني وتتكرم علينا .. بقبول أو فتح دراسة الماجستير بطريقة التعليم عن بعد ونظام الإنتساب .. ولو على حسابنا سواء بالداخل او بالخارج .. بنجيبها من أطلق جامعات وفئات العالم بعد <فيس متوتر.. كامبرج وطقتها وعلى حسابنا وسلف وديون طبعا ومثل ماقلتي نسدد بعد التخرج < بعد الوظيفه مع اني متأكده بنبطي عظم < فيس حزين جدا



تفضل ياللي بعدي وعلق

[great expectations]

اااااااخ اااااااااااااااخ
جبتيها على الجرح وقلتي كل اللي في نفسي من يوم مانفتح التقديم وانا ما وقفت تفكير في البديل لاني ابغى اكمل امتداد لتخصصي الانجليزي يا ادب او لغويات وبحول على الخاص وعلى الله يقبلوني ترجمة مهنيه
ليش التعقيدات اذا حلمي اني اكمل تعليم ليش تحطو العوائق في وجهي انتي تبغي احد يسلفك 72000
انا احسن منك ابغى احد يفزع لي ب 54000وانا وعد اني اقسطها له شهريا خخخخخخخخخخخخ
مصدقة نفسها مرة
اقولك ما لنا الا البنوك وترجع لهم بالفوائد الله يحرقهم عاد ايش نسوي

[حلم وامال وطموح]

المشاركة الأصلية كتبت بواسطة great expectations اااااااخ اااااااااااااااخ جبتيها على الجرح وقلتي كل اللي في نفسي من يوم مانفتح التقديم وانا ما وقفت تفكير في البديل لاني ابغى اكمل امتداد لتخصصي الانجليزي يا ادب او لغويات وبحول على الخاص وعلى الله يقبلوني ترجمة مهنيه ليش التعقيدات اذا حلمي اني اكمل تعليم ليش تحطو العوائق في وجهي انتي تبغي احد يسلفك 72000 انا احسن منك ابغى احد يفزع لي ب 54000وانا وعد اني اقسطها له شهريا خخخخخخخخخخخخ مصدقة نفسها مرة اقولك ما لنا الا البنوك وترجع لهم بالفوائد الله يحرقهم عاد ايش نسوي

سلامتك من الااااااخ حبيبتي ....جعله في عدوينك....
اما تبغين سلف مثلي ...اصبري خلي احد يسلفني وبسلفك بعدين <<تنصب عليك ...
نورتي حبيبتي بطلتك ...الله يكتب لك القبول هالسنه

[حلم وامال وطموح]

المشاركة الأصلية كتبت بواسطة أطمح للماجستير اصفق لك بحراره .. وعشت جووك وربي .. أضييييييف لكلامك بعد اذنك .. لو سمحت وزارة التعليم العالي يعني وتتكرم علينا .. بقبول أو فتح دراسة الماجستير بطريقة التعليم عن بعد ونظام الإنتساب .. ولو على حسابنا سواء بالداخل او بالخارج .. بنجيبها من أطلق جامعات وفئات العالم بعد <فيس متوتر.. كامبرج وطقتها وعلى حسابنا وسلف وديون طبعا ومثل ماقلتي نسدد بعد التخرج < بعد الوظيفه مع اني متأكده بنبطي عظم < فيس حزين جدا تفضل ياللي بعدي وعلق

اطمح للماجستير ...تسلمين على تواجدك وردك....ولا يهمك خذي راحتك ...معاناتي انا متأكدة انها لامست جروح الكثير ....
بس تصدقين ضحكتيني من قلب ...الحين تبغينهم يفتحون تعليم من بعد ..وهم اصلا مو راضين يعترفون بالطلاب اللي جاباولهم اقوى الشهادات من جامعات عالمية ...وهم منتظمين ...بحجة انها مو معتمدة عندنا بوزارة التعليم العالي .....
عاد لو تصير هالخطوة ....بتحل اغلب العوائق اذا مو كلها لطلاب الدراسات العليا ....بس متى ؟؟ مااقدر افيدك...احتمال اذا انا وانتي صارت اعمارنا حول 300<<دينصورات مو اوادم ...خخخخخخخ..

ربي يسعدك ويحقق اللي في بالك ....نورتي

[@sameer@]

صدق الكلام في الصميم
وجبتيها على الجرح

ندرس ....تعبنا ...بنشيب واحنا مانعطينا حق ...
تكفون انتخبوني وزيرة للتعليم ...هع <<

اول واحد انتخبكي ابشري

بشرررررررررط ندخل ماجستيربدون تعقيدات

الله المستعااااان

[حلم وامال وطموح]

المشاركة الأصلية كتبت بواسطة @sameer@ صدق الكلام في الصميم وجبتيها على الجرح ندرس ....تعبنا ...بنشيب واحنا مانعطينا حق ... تكفون انتخبوني وزيرة للتعليم ...هع << اول واحد انتخبكي ابشري بشرررررررررط ندخل ماجستيربدون تعقيدات الله المستعااااان

هههههههههه...خليك عند كلمتك ...تراك انت صاحب اول صوت بترشيحي ...وابشرك انك الوحيد والاخير ...ههههههههه<<صابني احباط

ولا يهمك ...لو صرت وزيرة ...اخلي الدراسه حتى للمقبول ...وافتح كلاسات زي البكالريوس ...ومافي اي شروط ..غير الانضباط ...والجديه <<هاه وش رايك في وزيرة المستقبل ؟؟

نورت ياخوي وتسلم على تواجدك

[saab30]

إلى الله المشتكى
الشكوى لغير الله مذلة
وابغى اقلك ترى في تنبيهات شديدة من مشرفي القسم على فتح موضوع النقاشات في ملتقى الماجستير
المقصود انو موضوعك مو هنا مكانه

[حلم وامال وطموح]

المشاركة الأصلية كتبت بواسطة saab30 إلى الله المشتكى الشكوى لغير الله مذلة وابغى اقلك ترى في تنبيهات شديدة من مشرفي القسم على فتح موضوع النقاشات في ملتقى الماجستير المقصود انو موضوعك مو هنا مكانه

ونعم بالله ...لكن هذي من الاسباب ...وحديث الرسول صلى الله عليه وسلم :(اعقلها وتوكل ) ...لازم ناخذ بالسباب ..ولا بنصير امعه وتبع ....

وشكرا على تنبيهاتك ...لكن اذا موضوع مهم زي هذا ماينطرح في هذا المكان ..؟؟وين ممكن ينطرح ؟؟

غير كذا احنا ماتجاوزنا اي خطوط حمراء ...احنا نطالب بحقنا ...
وانا متأكدة ان المسؤلين عن هذا المنتدى اشتغلو وتعبو ..عشان يفيدون الكل ...الله يجزاهم عننا الف خير ....وهذا اكثر موضوع يصب في مصلحة جميع طلاب الدراسات العليا ...
اتمنى ان اصحاب هذا الصرح ...يوقفو معانا وياخذو بحقنا ..لانهم سباقين للخير ...وجزاهم الله عننا كل خير ..

[حصه الجوهر]

صححححححححححححححححححححححححححح لسانــــــــــــــــــــــــــــــــــــــــــــــ ـــــــــــــــــــــــــــــــــــك