كيمياء101 وفيزياء101 للي بيتخصصو اداره واقتصاد

[violets]

الموضوع ومافيه انو انا احسب انو حناخد كيمياء اللي دحين بنات العلمي يدرسوها بس طلعت 110
اما احنا اللي حندرسها غير اسمها 101

السؤال انو ابى اعرف هادي الماده اش هيا لاني سالت اكتر من وحده وقالت انو ما في شي اسمو كيميا 101
انا خايفه انو يكون الاسئلة مو اختياري فاللي يعرف اي معلومات عنها بالله يفيدنا؟؟؟

عارفه انو الموضوع مو مرتب بس انا مرره طفشانة من هادي الجامعه!!!:(

[Adel Al-Amoudi]

كل شي في وقته حلو ..

[Admen]

المشاركة الأصلية كتبت بواسطة مجهول و بس . . ! كل شي في وقته حلو ..

اموووت ع الرد هههههههههههههههههههههه

من جد 101 او 110 ماخذينها ماخذينها او فيزياء
المهم الدراسه بتكون فيها باللغه الانجليزية يعني الي ما عنده لغة يحاول يحط رجله من الكيمياء ويروح للفيزياء لانه بيفحط تفحيط مو طبيعي اسئلوني كنت مسار علمي العام الماضي

[أمـيـر]

ريحي قلبك وبالك الماده بتكون عامه

واختياري اختباراتها وانا اضمن لك كمان هالشي

[Mr.ALMOT7]

شوف هذه الاداره

مادام الواحد بياخذ كيميا وفيزيا

ليش مايسمحو للواحد يخش حاسب والاشياء هذه

والله اداره معقده نفسين

[d3do3e]

بجد مررره محتاره , انا بالانجلش مييييييييييييح/ يعني تنصحووني بالفيزياء !سألت بنات العلمي قالوا الكيمياء اسههل , ؟؟

[lujain.alsagh]

على حسب ازا من نوع الي تحبي تعملي تجارب وشي يتفاعل مع شي خشي كيمياء

ازا تحبي تحسبي ارتفااع وسرعه طيران والهوا والضووء وسرعه ادخلي فيزيا

[violets]

أمير ماهي مصادر معلوماتك اللي خلتك تضمن انو الماده بالانجلش واختياري؟؟؟؟؟

[أمـيـر]

المشاركة الأصلية كتبت بواسطة violets أمير ماهي مصادر معلوماتك اللي خلتك تضمن انو الماده بالانجلش واختياري؟؟؟؟؟

اولشي شي اكيد انه فيزياء او كيمياء بكون بالانجليزي حتى لو اسهل من الي يدرسوه علمي

وثاني شيئ هذي بتكون ماده ماهي في التخصص نفسه اشان انه تجيك اسئله كتابه على ورق

هذي مواد عامه اختياريه مثل الثقافه الي ندرسه الحين والرياضيات وغيره ذولا كلهم مواد عامه

علينا بس انه نتجاوزهم.. والفيزياء والكيمياء بكونو اختياري شي اكيد لانهم مواد عامه وصعب ااصلاا انهم يجيبو غير كذا وانا سالت شخص له علاقه مع كم شخص في كلية الادارة والاقتصاد

وقاله نفس الكلام الا قلته لك..

[Alaa Al ghamdi]

طيب كويس انو رقم المادة غير رقم الماده اللي يدرسوها العلمي
معناتو المنهج معد خصيصا لنا طلاب الاداري <<تقولي ماحد سمع فيه
واكيد حيكون سهل وخفيف بالنسبة لمادة العلمي

بالتوفيق للكل..