جدولي وحوسته !!!!!!!!!!!!!!

[Rana Hesham]

السلام عليكم

أول شي باركووووووووووووووولي أنقبلت دراسات طفولة , ثاني شي أبغاكم تساعدوني في جدولي أنا نزلت 5 مواد إلي هيا

السبت + الإثنين = ثقافة اسلامية - من 1 إلى 1.50 مع زينب حبيب الله السبت + الإثنين + الأربعاء = علم نفس عام - من 9 إلى 9.50 مع هيفاء هزازي / رياض أطفال - من 10 إلى 10.50 الأحد + الثلاثاء = أسس تغذية - من 8 إلى 9.20 مع منى خليل / طرق تدريس 1 من 9.30 إلى 10.50

فأبغاكم:-
1- تقولولي جدولي كويس ولا لأ؟؟؟ من حيث الأوقات + الأستاذات.

2- جدولي 14 ساعة بس وهما طالبين أقصى حد 18 ساعة فإيش ممكن أضيف مواد ترفع معدلي وماتكون مره حفظ مع العلم إني حأضيف ارشاد الطفل وتوجيهه بس مانزلو لها شعب .

3- في قائمة الشعب الدراسية في شعب حمرا وشعب زرقا ايش يعني؟؟؟

4- في الحذف والإضافة منزلين شعبة أو شعبتين مع إن الشعب كثيره طيب ليش؟؟

5- الثقافة مانزلتلي غير شعبة وحده مع الأستاذة زينب عبيدالله عبد القادر حبيب الله ايش رايكم فيها؟؟؟؟؟؟ وممكن بعدين تفتح شعب جديدة؟؟؟؟؟


ملاحظة كل مواد الchs في جدولي أنا منزلاها بس كذا ع حسب الأوقات لأن مافي أسماء أستاذات ... عارفة طولت عليكم بس قلت أكتب كل شي هنا أفضل من إني أسوي 5 مواضيع
وشكرا

[أم رومان]

وعليكم السلام ورحمة الله وبركاته
حبيبتي عندي أجوبة لبعض أسئلتك
*الشعب الحمراء يعني أكتفت بعدد الطالبات
*منزلين شعبة وشعبتين على حسب أوقات الشعب المناسبة لجدولك يعني الأوقات الفاضية عندك علشان ماينفع يكون محاضرتين في وقت واحد.
وهذه مساعدتي لكِ بقدر إستطاعتي..
دمتِ في حفظ الله ورعايته عزيزتي..

[Rana Hesham]

طيب كيف الشعب أكتفت ولسه الحذف اليوم نازل يعني مامداهم ؟؟؟؟؟؟؟؟!!!!!!!! غريبه

مرررررررررررررررره شكرا

[Rana Hesham]

بناااااااااااااااااااااااااااااات الله يسعدكم ردو
ساااااااااكنة فينك؟؟؟؟؟؟

[المخلصه]

الشعبه ممكن تكون مقفله لانهم في البدايه يضيفو البنات بشكل عشوائي تقريبا
وبعدين لو وحده حذفت او غيرت شعبه حتلاقي على طول الرقم نقص ورجعت الشعبه للون الازرق
وحتقدري تضيفيها
وجدولك انا عن نفسي من ناحية عدد المواد شايفتو مررره كويس <<بس استخيري برضو
وربي يكتبلنا جميعا الي فيه الخير
لو منتي حابه تتأخري في التخرج لازم تمشي مظبوط عالخطه لانو اي عك فيها يحوس
بالتوفيق ياقمر

[Rana Hesham]

مشكووووووووووره يالمخلصة أنا خايفة بس أنضغط وقت المذاكرة

[Twix~}..]

السلام عليكم

وعليكم السلام ..

أول شي باركووووووووووووووولي أنقبلت دراسات طفولة , ثاني شي أبغاكم تساعدوني في جدولي أنا نزلت 5 مواد إلي هيا

ألف ألف مبروووووووووووووووووووك والله يووفقك يارب ..

السبت + الإثنين = ثقافة اسلامية - من 1 إلى 1.50 مع زينب حبيب الله
السبت + الإثنين + الأربعاء = علم نفس عام - من 9 إلى 9.50 مع هيفاء هزازي / رياض أطفال - من 10 إلى 10.50
الأحد + الثلاثاء = أسس تغذية - من 8 إلى 9.20 مع منى خليل / طرق تدريس 1 من 9.30 إلى 10.50

انا عجبني جدوولك مرآآ حلو ومريح .. إذا حابه تضيفي شي ضيفي عربي 2 ليوم السبت والاثنين والاربعاء من 8 إلى 8:50 ..

فأبغاكم:-
1- تقولولي جدولي كويس ولا لأ؟؟؟ من حيث الأوقات + الأستاذات.

لا كويسسس مئه مئه :D بس زي ما قلتلك اضيفي العربي لو حابه سته مواد سهل وما يبغالو شي مو زي المستوى الاول .. بالنسبه للاستاذات اعرف منى وهيفاااء جيداااااات ..

2- جدولي 14 ساعة بس وهما طالبين أقصى حد 18 ساعة فإيش ممكن أضيف مواد ترفع معدلي وماتكون مره حفظ مع العلم إني حأضيف ارشاد الطفل وتوجيهه بس مانزلو لها شعب .

مو شرط تاخذي الـ 18 .. وانتي كدا باقيلك ماده وحده بس .. وانا قلتلك على العربي .. او اختاري وحده من المواد الي انتي تستنى شعبها ..

3- في قائمة الشعب الدراسية في شعب حمرا وشعب زرقا ايش يعني؟؟؟

زي ما قلتلك الشعب الحمرا يعني اتقفلت واكتفت بعدد البنات .. والزرقا يعني باقي ..

4- في الحذف والإضافة منزلين شعبة أو شعبتين مع إن الشعب كثيره طيب ليش؟؟

برضو زي ما قالت الي قبلي الشعب الي نزلتلك ما تتعارض مع اوقات المحاضرات التاني الي انتي اخترتيها ..

5- الثقافة مانزلتلي غير شعبة وحده مع الأستاذة زينب عبيدالله عبد القادر حبيب الله ايش رايكم فيها؟؟؟؟؟؟ وممكن بعدين تفتح شعب جديدة؟؟؟؟؟

ايوا ممكن تفتح ليش لا .. ومعرفش دي الاستاذهـ ..وفي النهايه ترآ هيا ماده عامه يعني ما تفرق تاخذيها مع مين لانو الاسئله موحده للكل ..

ملاحظة كل مواد الchs في جدولي أنا منزلاها بس كذا ع حسب الأوقات لأن مافي أسماء أستاذات ... عارفة طولت عليكم بس قلت أكتب كل شي هنا أفضل من إني أسوي 5 مواضيع

وشكرا

العفو :)

[Rana Hesham]

Twix~}.. ياشيخه الله يسعدك دنيا وآخره ويجعل الفردوس مثواك من جد اجاباتك مرررررررررررررررررررررررررررره تريح ماشاء الله تبارك الله آخ لو إنك معيدة في الجامعة كان محاضراتي كلها عندك يسلمو قلبو

[Twix~}..]

Twix~}.. ياشيخه الله يسعدك دنيا وآخره ويجعل الفردوس مثواك من جد اجاباتك مرررررررررررررررررررررررررررره تريح ماشاء الله تبارك الله آخ لو إنك معيدة في الجامعة كان محاضراتي كلها عندك يسلمو قلبو


وهـ وهـ استحيت يسسسسسسلمو يا عسسله على الكلام الحلو .. :)

أميييييييين .. ويسسسسسسعدك يارب ويوفقك ياقلبو ..

لا ان شاء الله دكتورهـ مو معيدهـ << طموحها اعلى بس الله يسستر حيفضل دا الطموح ولا يروح بعدين .. :$

والله يسسلمك يارب ..

[المخلصه]

ماشالله تبارك الله ماقصرت زي عادتها تويكسايه

سوري نسيت اباركلك مبرووك القبول ياقمرايه وربي يوفقنا جميعا

انتي زي حالاتي مااحب انضغط لا في المذاكرة ولا الدوام ولا الواجبات ^_^ ماخليت شي

اهم شي يكون على كيفنا ومعدلنا كويس ومحد له عندنا شي صوووح