اوديس_سنترا_شعب وغيره كثير تعرفوو عليه بهالموضوع

[طموح جامعيه]

السلام عليكم ورحمة الله وبركاته
طبعا هالموضوع راح يكون شامل كل شي يخص الانتساب مساعدة مني لجميع الطلاب ان شاء الله تستفيدو منه انتم واخواننا المسجلين ان شاء الله سنوات قادمه
طيب بدون مقدمات يلا نجاوب على الاسئله المعتاده اللي راح تمر ببال كل منتسب ونتعرف على الاشياء اللي لازم نكون ملمين فيها
أول شي وأهم شي
الأوديس
الأوديس ملفك الشامل لكل شي باختصار يعني أول شي تحطوه بمفضلتكم الاوديس راح نلاقي فيه جداولنا وشعبنا ونقدر نتواصل فيه مع الجامعة عن طريق المعاملات الالكترونية راح تنزل فيه نتائجنا راح نعرف متى السداد راح نعرف بعدين ايش تخصصاتنا منه
لاني استغرب بنات بموضوعي الاول يسالو ايش الاوديس؟
طيب بتسألوني طموح كيف افتح الأوديس؟
أقولك بسهوله روحو موقع الجامعه
اتبعو الخطوات التاليه
1- نضغط ايقونة خدمات الكترونيه

2- نضغط على الخدمات الاكاديميه

3 - فوق نكتب الرقم الجامعي
تحت نكتب رقم الهويه والي يواجهه مشكله ابد اتصال بالعماده او مراسلتهم وراح يحلون لكم المشكله بكل سهوله

نصيحه مني كل واحد يفتح الاوديس تبعه ويشيك على كل ايقونة وكل كلمه موجوده كل شي فيه واضح
داخل الاوديس فيه التقويم التقويم التقويم
الي كل البنات يسالو من وين وايش فيه ومتى
التقويم هو يحدد كل شي راح تلاقوه داخل الاوديس فيه مواعيدكم
المهمه

كذا خلصنا حبيبنا الاوديس وفهمناه

جدولنا شعبنا يالله طموح مو فاهمين ؟؟
طيب تعالو نفهم مع بعض لان البنات بالقسم مره ماقصرو وهذا موضوع اخذت منه الصور بعد اذن صاحبته ان شاء الله ماتزعل اننا اخذنا الصور
شرح جدول خطة (ب) والجدول بشكل عام / يالمحتارين تعالوا
وهذا رابط ثاني لعسوله ثانيه شرحة لخطه أ
شرح كامل لجدول خطة "أ" .. ^^

هذا هو رابط حبيبتنا الي نزلت كل شي كل شي بس برضو حارجع اشرح عشان يكون هنا مرجع كامل

الجدول
الجدول ينزل لكم بالاوديس زي ماقلنا اول مره مقسم لخانات
تعالو نعرف ايش يعني هذي الخانات نخلي الخانه الأولى اهم شي نعرف الشي الي يفيدنا
رمز الماده هذا بنتعامل معه بالجداول وبالسنترا وبالاختبار
بالجدول راح نعرف من خلاله احنا ايش المواد الي راح ندرسها
بالسنترا راح يكون موجود قدامنا رمز الماده عشان نعرف ايش المحاضره الي عندنا
بالاختبار راح يكون فيه خانه نعبي فيها رمز الماده
لهنا تمام حلو الكلام

الخانة الي بعد كذا الشعب وماادراك مالشعب الي البنات كثير ملخبطين فيها وتبغو الصدق انا كمان تلخبطت معاكم بس الحين استرجعت الهرجه وفهمت من موضوع اختنا مدري وش احط
الشعبه هيا الكلاس هيا الفصل هي القاعه الي راح تختبري فيها
يابنات مهمهم همه مهمه تنتبهي ايش رقم شعبتك لانه يترتب عليها اشياء كثير(الشعب تخص مكان الاختبار واسمك راح يكون بالشعبه الي وجوده بالجدول)
فيه تنبيه (الجامعه غير مسؤله عن ورقة أي طالبة تختبر بشعبه غير شعبتها)

برب شوياات بلليز ماابغا ردود لين نخلص

[طموح جامعيه]

باك
تقريبا هذا المهم بالجدول وطبعا في اشياء كمان مهمه راح تتابعوها بالرابط الي فوق نجي للسنترا حبيب الكل
السنترا والدورة التاهيله ايش محنا عارفين مره صعب نظام فاشل <كل هذا الكلام شفناه
بس انا أقولكم لولا الدوره التأهيله ونظام السنترا كان ماعرفنا أي شي يخص دروسنا عشان كذا شوية تركيز وشوية تفتيش وشوية تفتيح مخ ويكون كل شي تمام التمام
السنترا باختصار
نظام يتيح للطالب التواصل مع استاذة الكترونيا عن طريق ثلاث برامج يتم تحميلها لدعم النظام وتشغيله
باقي طيب ياطموح مافهمنا ؟؟
طيب أقولكم
راح يكون فترة السنترا ثلاث اسابيع مقسمين عليها المواد تقريبا يوميا مادتين لمدة ساعه ونص او ساعتين
انتي في هذا الوقت كانك تروحي الجامعه فضي نفسك
روحي لغرفة هادئه كليا اشبكي الهد فون سمي الله وابدائي محاضرتك مع وصول الاستااذه وسماع صوتها في سماعتك
لما نفتح السنترا حاتفكرو تقولو طيب كيف اكلم الاستاذه
ممره سهل لما تخشي على النظام تقدري تكلمي الاستاذه مايك او فيه مربع صغير تكتبي فيه إلي تبغي وهي ترد عليك
طططيب يلا بينا نشوف السنترا حبيبنا بشكل مفصل
اولا ادخلو هنا على هذا الرابط فيه شروحا تكثيره للسنترا
http://elearning.kau.edu.sa/content....www.kau.edu.sa

هنا كل البرامج اللي تحتاجوها لتشغيل نظام السنترا
http://www.skaau.com/vb/showthread.p...D3%E4%CA%D1%C7

وهنا شرح كاااااااااااامل من اخت لنا ماققصرت بشرح السنترا من والى
برنامج السنترا موضوع كامل متكامل

الدورة التأهيليه
الدوره التأهيليه هيا ايضا دوره تقيمها الجامعه لمدة ثلاث اسابيع تقام في مقر الجامعه بجده الي يقدر يسافر لجده هذي الفتره يكون افضل يحضرها والمتواجدين بجده طبعا
بتقولون لي يعني ملزومين نحضر
باقولكم لا الدوره ههذي غير ملوزمين بحضورها هيا فقط وضعت لخدمة الطالب في حالة قدرته على الحضور
وطبعا حابه اطمن الي مايقدرو يحضر وان اخواننا واخواتنا هنا مايقصرون ابدا ابدا راح تلاقون يوميا تقارير عن الدوره وايش صار فيها وايش قالو الاستااذه
طيب حاتسالوني متى تكون الدوره التأهيله ومتى تكون السنترا
هذي كلها احنا مانعرف الاا من خلال التقويم الجامعي الي تكلمنا عليه بداية الموضوع وقلت لكم هذا الموجه الخاص بيكم
عندي حاجه بسسيطه حابه اقولها لكم
روحو قسم الملخصات وحملو كم ملخص اقراؤه قراه فقط للاطلاع
واحنا بنفس الوقت الي انتم فيه الحين سمعنا كثير عن تغير المناهج وكثير من الهرج الفاضي ياريت ياريت ماتلتفتو لاي شي يشتتكم مافي شي يخلينا نتوتر لان التوتر حاياثر علينا
وباطلب طلب صغير اتمنى اتمنى من قلبي ماالقى المواضيع الي يكون عنوانه مصيبه والحقوني وانا بانجن وانا محبطه وانا وانا
طيب لما تكتبو كذا تلفتو نظر لموضوعكم بس بجد حرام عليكم الناس الثانيه الي تشوف كذا عناوين وتحبطو من معنوياتهم أحنا جامعيين وكبار على الكلام هذا لازم نكون ارقى بتعاملنا مع الاخرين وارقى بتواجدنا بمنتدى جامعي
واخيرا

ثقتنا بالله تعالى وبكل ماختاره لنا بالحياة يجعلنا راضين بالقدر خيره وشره
ثقتنا بانفسنا تجعل حياتنا أجمل
الصعود للقمه يحتاج ثقه وطموح وهمه وتركيزو اجتهاد وخطوات كبيره ونجاح والسقوط للهاوية فقط يحتاج منا السقوط
قمة الفشل أن تنظر للنجاح وأنت واقف بمكانك
وقمة النجاح ان تنظر له وانت تتقدم خطوط تلو الخطوه لبلوغه
نجاحنا ومانقدمه لأنفسنا وفشلنا لأنفسنا

اتمنى منكم فقط الدعاء لي ولاوالدي بالشفاء العاجل

[عـ,,,ـل]

جزاكي الله خير

على ردي المبادره الحلوه

[عـ,,,ـل]

جزاكي الله خير

على دي المبادره الحلوه

[رمز الحياء]

جزاك الله الف خير ويكون بميزان حساناتك يارب ويشفيك ووالديك عاجل غير آجل

الديوس ياقلبي مافتح معاي ؟؟

كيف اشتري الملخصات .. اشتريها الحين ...تكفيني عن الكتب

خطه ا أو ب ايش هذي ؟؟؟

[طموح جامعيه]

المشاركة الأصلية كتبت بواسطة رمز الحياء جزاك الله الف خير ويكون بميزان حساناتك يارب ويشفيك ووالديك عاجل غير آجل الديوس ياقلبي مافتح معاي ؟؟ كيف اشتري الملخصات .. اشتريها الحين ...تكفيني عن الكتب خطه ا أو ب ايش هذي ؟؟؟

كيف مايفتح معاك ؟قصدك الحين هالوقت اذا هالوقت يمكن الجامعه تنزل جداول الانتساب او عندها شغل جربي بعد الساعه 3
اذا قصدك الرقم يطلع لك خطا قلت لكم كلمو الجامعه
كيف تشتريها ؟ روحي مكتبة خوارزم بجده
الملخصات لاتكفي عن الكتب وعندك قسم الملخصات هنا شيكي عليه
خطه أ وب غريبه ماتعرفي انتي اي خطه؟
اذا فتحتي الاوديس تبعك في ملفك ومعلومات عنك راح تشوف انتي اي خطه

[بنووته جامعيه]

يعطيكي الف عاافيه ماقصرتي تسسلم ايديك ,,
وان شاء الله الكل راح يستفيد ..
والله يوفق الجمييع ويسهلها عليناآآ ..

[متفااااااائله]

وعليكم السلآام ورحمة الله وبركآاته

يسعِد صبااحك

ألفْ شكر لِك يالغاليه

الله يجعله بميزان حسنآتك وربي يرفع قدرِك ويشفي وآلدك

صح كلآمك مرره مو ناقصين عبارات تحبطنا وتحطمنا اللي فينا يكفي

نبغى نتفاائل وإن شاء الله ربي بيسر كل شيء

وأتوقع عشانا في البدايه شويات مو فاهمين بس مع الأيام كل شيء ان شاء الله بيصير واضح

طيب حاتسالوني متى تكون الدوره التأهيله ومتى تكون السنترا هذي كلها احنا مانعرف الاا من خلال التقويم الجامعي

قصدِك الجدول ؟!

طمووح أبغى اروح الجامعه الأسبوع الجآي

طيب دحين عرفت جدولِي والمواد ... الخ

بالنسبه لموعدِ الدوره التأهيليه ..احنا نروح نسأل متى !.. وبالعاده متى تكون ؟

اممم

تنصحيني أروح الجامعه الأسبوع الجاي عشان ابغى أسأل كيف ممكن أحضر محاضرات مع الانتظام

سمعت انو ممكن نحضر ,, وإذا روحت أكلم ميين وأي مبنى أروح ؟

ربّي يسعدِك ويكتب لِك الأجر (:

ماقصرتِي

[طموح جامعيه]

المشاركة الأصلية كتبت بواسطة متفااااااائله وعليكم السلآام ورحمة الله وبركآاته يسعِد صبااحك ألفْ شكر لِك يالغاليه الله يجعله بميزان حسنآتك وربي يرفع قدرِك ويشفي وآلدك صح كلآمك مرره مو ناقصين عبارات تحبطنا وتحطمنا اللي فينا يكفي نبغى نتفاائل وإن شاء الله ربي بيسر كل شيء وأتوقع عشانا في البدايه شويات مو فاهمين بس مع الأيام كل شيء ان شاء الله بيصير واضح قصدِك الجدول ؟! طمووح أبغى اروح الجامعه الأسبوع الجآي طيب دحين عرفت جدولِي والمواد ... الخ بالنسبه لموعدِ الدوره التأهيليه ..احنا نروح نسأل متى !.. وبالعاده متى تكون ؟ والله ماعرف بالعاده متى يكون لاني مريت فيها مره وحده بس السنه الي فاتت ونسيت اممم تنصحيني أروح الجامعه الأسبوع الجاي عشان ابغى أسأل كيف ممكن أحضر محاضرات مع الانتظام سمعت انو ممكن نحضر ,, وإذا روحت أكلم ميين وأي مبنى أروح ؟ ايوه روحي دام فيه مجال وبصراحه ماني عارفه ايش المباني حبيبتي لاني ماقد زرت الجامعه ربّي يسعدِك ويكتب لِك الأجر (: ماقصرتِي

[رمز الحياء]

ليش غريبه وانا للحين مانفتح معاي كيف بعرف وانا الاديوس مدري وش فيه الا من موضوعك ..

ماقصرتي اختي ...

معليش ترى كثيييير مثلي لاتستغربون ..