عاجل يرحم امك

[الطرفي]

بسم الله الرحمن الرحيم

كيفكم شباااب

المهم انا بنهي علاقتي من جامعه جده نهيئا بفصل فصل نهائي ويقدم السنه الجايه في جامعة ام القري هل يقبلوني ولالا ولا يقلون هذا مفصول من قبل او شي يعني بقدم تقديم جديد يعني كالطلاب مستجد هل يقبلوني ولالا؟؟

ولا واحد قدم عرف احد سوي كذا

[الحــــربيهـ]

اسمع أخوي كل نظام الجامعات مو حلووو نحنا كل شي
نبغاه ع كيفينا وهذا مايصر استخير قبل ماتسوي أي شي نصيحه ..
في كثير بنات درسوا بجامعة الملك عبد العزيز ترم بعدين سحوبا ملفهم
وع السنه اللي بعدها رجعوا قدموا وقبلتهم الجامعه ودحين يدرسونا يعني اسحب ملفك
إذا تبغى الكلام الاكيد شوف شروط جامعة أم القرى وأسئل أكثر ..
وبالتوفيييق يارب

[اماــل المستقبل]

شوف الجامعه اللي تبي تروح لها قبل كل شي

[MNMO0ONA]

اذا انتا من نفسك بتسحب ملفك فعادي ماتعتبر مفصول

[مالي لقب]

اذا حاب تحول اخوي ام القرى اسأل اي احد هناك ..
او اسأل فمنتداهم اذا عندهم ..
بس لاتسحب ملفك الا وانت ماخذ معلومات عن الجامعة اللي بتحول لها ..
ولاتنسى الاستخارة اخوي ..
الله يوفقك..

[زمردة 2009]

أقووووووول لا لا لا تضيع سنه من عمرك على شي مايسوى هذا حال الدنيا ماراح تجي على هواك كل شي وفيه عيوووووووووب وجامعتك هذه مليئه بالعيوووووب بس لاتتركها خذ الزين وإترك الشين أنا كنت نفسك بالضبط أول السنه قلت بترك الدراسه وأرجع للرياض ليش يحطون لي رياضيات وأنا أدبي وإنجليزي وأنا (تيس ) فيه من عرفت نفسي وكرهت السكن والدوام وكنت أقول بلعنه الدراسه ألي تضيق لي صدري والنتيجه حملت مادتين بسبتها صيفت بالجامعه وغيري واااااجد نفس حالتي وما استفادوا غير تحميل بهالمواد والترم الثاني لما شديت حيلي وقهرت ظروفي ألي أقوى مني بعون الله نجحت بكل المواد لازم تشد حيلك وتجبر نفسك على المذاكره أنا لا أخفيك في شروط بمعهد اللغه تعجيزيه سووها معنا والترم الثاني لما شافوا كل الطلبه ساقطين غيروا نظامهم وجابوا أسئله في النهائي الثور يجاوب عليها ..لا تتوانى عن الإستذكار ولا تفوتك الجماعه بالمسجد وادعي ربك يوفقك وييسر دروبك ويهون عليك الصعب ولاتنسى جميع الطلبه معك ..... تحياتي لغزه

[مالي لقب]

^
^
^
صادقة فكل حرف اختي ..
منجد اخوي ودام انك دخلت الجامعة ذي اللي محد يدخلها غير اللي نسبهم عالية اكيد انك قدها بس هي السالفة انك تتعود وتأخذ ع الوضع بس لا اكثر ولا اقل وتأكد انو فيه زيك كثير فكرو وبعدين رجعو لما اخذو ع الوضع ..
وطبعا القرار لك فالنهاية ..

[بنادوول]

ياعزيزي كلنا كنا نقول نفس كلامك العام ولو ترجع لمواضيع العام هنا راح تشوف ناس كانوا يقولوا بنسحب والان هاولاء متخصصين ومبسوطين
لازم تواجة واقعك والسنة التحضيرية عادية جدا فيها مواد لو تدخل الاختبار بدون مذاكرة تنجح وفيها مواد محتاجة جهد منك
والاسئلة كلها اختيارات يعني لو تذاكر كويس راح تحل لما تشوف الخيارات امامك
ترا كلنا مرينا بدا الموقف وبعد فترة راح تحب الجامعة وتضحك على سوالفك القديمة
ترا انا كنت اسمع من زملائي يقولو بنسحب ونروح ام القرى لاكن مافي احد سحب ابدا الا الى بيته جنب جامعة ام القرى ومن حقه دا وماتدري يمكن تنجح بتفوق هنا وترسب في ام القرى
انصحك شد حيلك قد ماتقدر وادعي ربك وراح تتيسر امورك

[تعابيرالم]

عادي يمديك تسحب من هنا وتسوي اخلاء طرف وبعدها تقدم بام القرى
بس معروفه عبدالعزيز افضل من ام لقرى بكثير لاتحسب هناك سهاله والله هناك كمان تعقيييد بعدين هناك مافي اداره واقتصاد
بالتوفيق

[الصابر على الامل]

اممممممممم
الاعضاء ما قصرو نصحوك وافدوك
بس بقولك شي
مافي شي سهل ومافي شي يجي بساااهل
لازم تتعب
تتعب


واسال الله ان يوفقك في الدنياء والاخره