جــامعة عــزوز بـ خصـوص حجمك الهآآئل والمهول ~ واشنطن مثلا ~

[امجاد الحجاز]

الســلام عليــكم
دآ الموضوع يــخص كل المنتسبآآت للسنة التحضيرية فنفس الجامعة ,, خطة " أ "
<<<< يعني اللي مواصفاتو مو كدة برآآآآآآآآآآ
لا لا بـا امزح <<< خافت
المهم حا ادخل في الموضوع من غير لف ودوران وكلام فاضي << واللي فوق ايش,,! كلام مليان
عارفة بايخة
اليوم رحت الجامعة ويااااااااااااااعيني على الجامعة المزبهلة
جدا كبيرة ,, جدا مليانة ,, جدا وضروري تلاقيلك رفقة وما ينفع تكوني لحالك ,, جدا مليئة بالمباني والأبواب والبنات والــ
sunglasses
<<< الأخيرة اهم شي لأنو بجد الشمس تفقع فعيوننا الين ما تطفش
وبس يا حبيبتي رحت ولقيت كراسي بيضة وعينك ما تشوف اللا النور من قوة الفرحة كنت شوية واسجد سجدة شكر
وجلست عليها و شوية كدة جا وقت المحاضرة ,, و وقتها حسيت اني أتنكبت
فين اروح ؟ فين المبنى ؟ فين البنات اللي معايا حيحضرو ؟ وزححححمة اسئلة جات فبالي
بس طنشتها ورحت ولفلفت وجاتني وحدة وسألتني " لو سمحتي من فين اقدر اضيف مادة يعني فين اروح " ,,,, قلت فعقلي " آآآآآآآآه انا اللي المفروض اسألك عن مبنى 2 , ما تدري اني ضايعة ".
بس اتزكرت وقتها انو ما يسير اهز صورتي قدامها وقلتللها بكل جرئة وحزم واندفاع << ارحمي نفسك
قلتلها : تقدري تروحي مبنى شطر الطالبات أو مبنى العمادة وهناك حتعرفي كل حاجة , بس لا تحرجيني وتسأليني عن اماكن دي المباني . ابتسمتلي وقالتلي " طيب ممكن تقوليلي فين مكان شطر الطالبات ,, وضحكت " ... انا ما قدرت اضحك لأنها كانت بايخة
المهم <<< كتري منها
ما حطوول << اخيرا
بس نصائح مهمة لكل اللي يبو يحضرو الجامعة وهم منتسبين
1 - وانتي داخلة انتبهي تغلطي وتجيبي سيرة لموظفة الأمن انك انتساب لأنها حتحقق وتقللك ليش جيية وفلسفة ,, يعني ادخلي وانتي واثقة وريها بطاقتك بسرعة وخلاص .
2 - حاولي انك ما تروحي لوحدك أو روحي واتعرفي على بنات ,, يعني ضروري تلاقي صحبة معاكي
3 - روحي الجامعة بدري عشان تلاقيلك مكان في القاعة و لازم تسـتازني من الاستازة عشان ماتحرجك فنص المحاضرة.
4 - ابدا ابدا لا تروحي وتقولي انك حتجلسي بالعباية لأنو الجو << ما يحتاج اقول كللنا عارفينو
5 - ضروري تلبسي Sunglasses مو شكل ولا حركات بس من جد الشمس مرة قوية والجامعة ولله الحمد مو مضللة ,, يعني المسافات من مبنى لمبنى طويلة شوية و مافيش تضليل.
6 - ابدا لا تلبسي كعب , يعني اوصيكم بالــflat shoes لأنها اريح في المشي واسرع.
وبس هووة دا

اعرف اني كنت خفيفة عليكم ,, بس استــرو ما واجهتو
ودي الاشياء ضرورية فـ اول يوم ,, وكل دقة بتعليمة وإن شاء الله الأيام الجيية احسن و أفضل و أبررررررررد
يللا Cu

[امجاد الحجاز]

نسيت آخر دعوانا ان الحمدلله.
=)
بالتوفيق للجميع ,, ويارب الكل يوصل لهدفو

[امجاد الحجاز]

=)
<<<< لا يا جماعة مايسير كدة
=q

[كل هالدنيا تناقض]

امجاد ياعسل الحمد الله ع سلامتك منجد هالجامعه متاهة....
عند مين حضرتي رياضيات....؟؟

[امجاد الحجاز]

المشاركة الأصلية كتبت بواسطة كل هالدنيا تناقض امجاد ياعسل الحمد الله ع سلامتك منجد هالجامعه متاهة.... عند مين حضرتي رياضيات....؟؟

ربي يسلمك ويسلم قلبك حبيبي ,, الجامعة دي من جد متاهاااااات بس حلوة
لسة ما حضرت رياضيات بوكرا بإذن الله

[Rose7]

تسلمي ياعسل على النصايح وانا متردده اروح الجامعه خايفة أضيع هههههههههههههههه

مع انو عندي صحبات انتساب زيي بس برضوووووو

[امجاد الحجاز]

المشاركة الأصلية كتبت بواسطة rose7 تسلمي ياعسل على النصايح وانا متردده اروح الجامعه خايفة أضيع هههههههههههههههه مع انو عندي صحبات انتساب زيي بس برضوووووو

لا حبيبي لازم تتشجعــي وتروحي الجامعة ,, و شوفي طالما انو حيكون معاكي صحباتك فا إن شاء الله
ما حتضيعي ومرة حتنبسطي
بس بجد نصيحة مني روحي
موفقة

[ورد الانصاري]

امجاد جدولك فيه الثقافه 3 ساعات لييييييييييييييش ؟؟؟

[امجاد الحجاز]

المشاركة الأصلية كتبت بواسطة ورد الانصاري امجاد جدولك فيه الثقافه 3 ساعات لييييييييييييييش ؟؟؟

هووة كدة نـــزل الجدول ,, معنديش خبر
منورة

[هنووووو]

أنبسطت في موضوعك ياطعمة بس من جد لاتنسي السن قلاسس أهم شي مو برستيج أو كذا لا بس مهمة لأنه أنا صار لي كذا السمستر اللي فات عيوني اتفقعت وصارت بيض مسلوق خخ

بالنسبة لمتاهة الجامعة الحمدلله أنا حفظتها من أول يوم يعني لازم تكوني من النوع اللي يحفظ وعنده دقة ملاحظة عشن مايضيع ..