طلب مساااااعدة

[MIA]

لو سمحتوو في احد يعرف ولد ف سنه تحضيريه مادة الانجليزي مستوى اول يفيدنا اخوها ولد عمها اي شي لانو اختبرو النصفي قبلنا الاولاد ف الي يقدر يعطينا اسئله بلييييييييييييز يرد

[البتول 2010]

للاسف ما اعرف كان ودي اساعدك

[صوت الفجر]

اسفه ان شاء الله الاعضاء مايقصروا ..

[NicEror]

ماعرف اذا نظامكم زي نظامنا السنه الي راحت ..
بس حقلك ايش كانو يجيبو لنا ..

قطعه ( يجيبو فيها تقريبا 3 كلمات يكونو متأكدين مثلا انه 80% مايعرفو معناها ) وانتي تخمني ايش المعنى حقها وطبعا الاختبار كله اختياري .. وعلى القطعه اساله .. ركزي مره القطع يبغالها تركيز يعني احيانا يجبو اساله تحصلي لها اجابتين بس وحده منهم هيا الصح " معهد اللغه لسى ماتغير xD "

جزء الإستماع والتحدث

الإستماع راح يسموعكم محادثه او اي حاجه وعليها كم سؤال دايما يجيبوها واضحه الحمدلله ويعيدوها مرتين واصلا يقولو لكم اقرو الاسئله قبل ماتسمعو عشان على طول تحلو يعني ^^ .. جزء التحدث هوا عباره عن مهاراتك يعني مثلا اذا احد قلك كذا انتي ايش تردي ..

وجزء القرامر طبعا ..

السمستر الثاني كنا مره غير .. غيرو ترتيب الدرجات وسارو يجيبو لنا كمان بالدوري اسلئه عن مهارات الكتابه كمانا .. يعني مثلا تقلك ايش الجمله الي تنفع تكون topic sentence ?? ,لا مثلا يجيبو لك التوبيك سنتس ويحطو لها كذا خيار ويقولو يلا ايش من دي الجمل ماتناسب مع الموضوع ؟؟

وطبعا الرايتنج عليه 10 درجات ..
هذا احنا دفعة 2010 بس على العموم ماتخفيييييييش من الاختبار بإذن الله سهل ^^
موفقين ياااااااااارب ..