محتاجة مساعدة واستفسارات من حضراتكم

[Miss Bero]

السلام عليكم
كيفكم ياحلوين ان شاء الله تمام

انا زي منتو شايفين لسة طالبة بالسنة التحضيرية وطبعا قريب فتحولنا قصة التسكين

يعني كل واحد بيرتب رغباتو حسب الاولوية انا الحمد الله رتبت وحطيت اول رغبة صيدلة

وطبعا بعد الاستخارة انا عجبني دا التخصص وان شاء الله يقبلوني فيه وامشي فيه زي باقي الخلق

لكن عندي مشكلة صغنونة اني ما اعرف كل شي عن كلية الصيدلة قرأت نبذة صغيرة عنو واتوقع دا

مابيكفي عشان كدا حبيت انو طلاب وطالبات الصيدلة نفسهم يفيدوني من تجربتهم في المجال الصيدلي

بدي اعرف عن كل شي واكيد لمن اجرب راح اتعلم اكتر واكتر لكن بدي من حضراتكم تخبروني عن كل شي

وجزاكم الله الخير جعله الله في ميزان حسناتكم

[تركي4444]

انا كمان عندي استفسار

النسبة الخاصة المتعلقة بالصيدلة 80 ولا 85

لانه في اليوم الارشادي قالو انها85 والعام كانت 80 فما ادري ايش الصح ؟

[د.كيــف]

المشاركة الأصلية كتبت بواسطة Miss Bero السلام عليكم كيفكم ياحلوين ان شاء الله تمام انا زي منتو شايفين لسة طالبة بالسنة التحضيرية وطبعا قريب فتحولنا قصة التسكين يعني كل واحد بيرتب رغباتو حسب الاولوية انا الحمد الله رتبت وحطيت اول رغبة صيدلة وطبعا بعد الاستخارة انا عجبني دا التخصص وان شاء الله يقبلوني فيه وامشي فيه زي باقي الخلق لكن عندي مشكلة صغنونة اني ما اعرف كل شي عن كلية الصيدلة قرأت نبذة صغيرة عنو واتوقع دا مابيكفي عشان كدا حبيت انو طلاب وطالبات الصيدلة نفسهم يفيدوني من تجربتهم في المجال الصيدلي بدي اعرف عن كل شي واكيد لمن اجرب راح اتعلم اكتر واكتر لكن بدي من حضراتكم تخبروني عن كل شي وجزاكم الله الخير جعله الله في ميزان حسناتكم

بمـآ انك حـآبه التخصص وكرغبة أولى عندكـ

خلاص توكلي على الله .

وربنـآ حيوفقكـ .

نصيحة ( لا تستمعي الى كلام المثبطين والمحبطين - سواء ممن هم بنفس التخصص أو غيرهم - )

المشاركة الأصلية كتبت بواسطة تركي4444 انا كمان عندي استفسار النسبة الخاصة المتعلقة بالصيدلة 80 ولا 85 لانه في اليوم الارشادي قالو انها85 والعام كانت 80 فما ادري ايش الصح ؟

أخوي تركي .

اليـوم الارشـآدي للاسف , يهول الامور ويضخمهـآ . وبعض معلومـآتهم مغلوطه مثل مـآ قالت أختنـآ drug

أعطيكـ مثـآل /

في سنتنـآ ( 09 ) قـآلوا أنوا من شروط الالتحـآق بالكليات الطبية .
دخول اختبـآر التوفل , وتحقيق درجه لا تقل عن ( ..... ) للاسف نـآسيهآ

وفي الاخير طلع كلام ............................

[drug]

miss bero

سؤالك مفتوح جداً يعني لو كنت حددتي سؤالك كانت الإجابه حتصير أسهل!
يعني إنتي تبغي تعرفي إيش رأينا في الصيدله كدراسه و لا الصيدله يشكل عام كشغل و مستقبل؟
طيب أنا حأجاوبك على مجال خبرتي
الصيدله قسم ممتع جداً و مفيد كمان لأنك حتعرفي أشياء تفيدك لنفسك
ما أقولك صعبه و لا سهله لكن يبغالها طولة بال شويه
تعتمد إعتماد كبير على الفهم و الحفظ يعني الإثنين مهمين

آخر شيء بقولك لو حبيتي الصيدله و دخلتيها ماراح تندمي بإذن الله :)


تركي 4444

بالنسبه لسؤالك فإلي أعرفه و إلي مشي على سنتنا كان 80
أتوقع إنها هيا نفسها لأن في اليوم الإرشادي للسنه تبعتنا كان في معلومات عن النسب لبعض الأقسام و في النهايه طلعت مو صح


بالتوفيق لكم جميعاَ ^ــ^

[ميعاد]

ماقصرت درق , اذا في اسؤال لاتترددي ..

آخر شيء بقولك لو حبيتي الصيدله و دخلتيها ماراح تندمي بإذن الله :)

^^

[Miss Bero]

ميرسي مرة
بس انا كنت بدي اعرف بشكل عام بالاول زي ماقلتي كدراسة ووظيفة
وبنفس الوقت يهمني اعرف تجربتكم
وطمنتيني مرة صحيح انو الكل بيخوفني انو صعب لكن مالي في كلام الناس اهم شي ادخل الشي اللي انا بدي اياه
وان شاء الله ما اندم بقراري دا
وميرسي مرة تانية ياحلوين

[ابتسامة الزهر]

كم مادة تدرسوا في أول ترم وتاني ترم وكل الأترام d:

[pharm.d .s]

احنا نظام سنة يعني زي المدرسة مرا
فهمتي كيف بس في بعض المواد ناخدها اترام
اغلب السنوات تصفى على من 6 الى 8 <<< مومحسوب المواد العامة

[pharm.d .s]

بالنسبة للوظيفه ماراح اعطي رائي بشيء انا ما جربتوا
الدراسة بالنسبة ليا مد وجزر
في ضغط في كرف في مزاكرة في دراسة في ايام زي الزفت بس صدقيني لما تحصدي راح تكوني مبسوطة مرا
دراستنا فيها معامل كتير وخاصة 2 و3 و4 وهوا الي مخفف علينا الضغط شويا لانو جو المعامل مريح للغاية اغلب دكاترة كليتنا ممتازين

[ابتسامة الزهر]

يعني ممكن تدرسوا 10 مواد في الترم !!!!!!!!!!!!!!!!!!!!!!