اسفسار ضرووووووووووري >>>ابغا اتخصص في كليه الاعمال برابغ بس معرف ولا شئ عنها ....

[إن غدا لنظيره قادم...]

سلاام للكل
الحين انا لسا ماتخصصت بس ودي بكليه الاعمال برابغ
اول شئ ابغا اعرف التخصصات اللي فيها ؟؟
ثانيا ابي اعرف وين اختير بجده ولا برابغ واذا بجده هل في رسوم للاختيار ؟؟
وثالثا لو ابي اروح استفسر عن شئ عن كليه الاعمال برابغ اروح لمين هنا يعني مالكم فرع في جده ؟؟

[abdullah albahli]

اول شي لحد الحين ما احد يعرف التخصصات كلها


المعروف حاليا ان مالنا الا تخصصين هما التسويق والموارد البشرية
ويقال عن مصادر الزملاء انه هناك اقسام اخرى سوف نتمكن دراستها والعلم عند الله.



اما سالفة وين نختبر حاليا الترم الرابع اختبرنا في مناطقنا كالسنه التحضيرية الترم الثالث والرابغ لكلية رابغ برسوم
واذا كانت الاختبار في جده فـ بدون رسوم


اتمنى ان اجابتي وافية لك
ابو معن

[حسان السراقبي]

المشاركة الأصلية كتبت بواسطة إن غدا لنظيره قادم... سلاام للكل الحين انا لسا ماتخصصت بس ودي بكليه الاعمال برابغ اول شئ ابغا اعرف التخصصات اللي فيها ؟؟ ثانيا ابي اعرف وين اختير بجده ولا برابغ واذا بجده هل في رسوم للاختيار ؟؟ وثالثا لو ابي اروح استفسر عن شئ عن كليه الاعمال برابغ اروح لمين هنا يعني مالكم فرع في جده ؟؟

التخصصات المتاحة حاليا هي التسويق والموارد البشرية
والاختبارات والدورات حتكون في الوقت الحالي في جده بسبب عدم جهوزية المباني في رابغ
بس لمى تجهز المباني قلنا حننقشط على هناك
هههههههههههههههههههه
والاختبارات لو كانت بجده ببلاش , ولو كانت في المناطق حتكون رسومها 1000 ريال لكل ترم

أما لو تبغي تفتسري عن أي شي
مالك غير ربك سبحانه وتعالى ثم الناس يالي هنا في المنتدى
لا تروحي جامعة ولا أي مكان تاني

فاسدحي يالي تبغي تسألي عنو هنا وإن شاء الله بنجاوبك على كل حاجة
ههههههههههههههههه

بالتوفيق ومنورة مقدما ^_^

[ابو خلــود]

إجابة على أول سؤال

انا الحين خلصت من المستوى الرابع ولا حدد مسار ولا عندنا خطه الدراسية لجميع الاترام ولا ندري عن التخصصات الموجوده في كليه الاعمال برابغ

الاجابة على السؤال الثاني

إلى المستوى الرابع تقدرين تختبرين في جده والرياض والدمام وأبها والقصيم

الاجابة على السؤال الثالث

عندك في نظام الادويس ايقونه اسفل على اليمين ( إرسال معاملة الكترونية ) ويقون الرد سريع خلال تقريباً 24 ساعة

[إن غدا لنظيره قادم...]

ماقصرتووو فيكم الخير ماكنت اظن تردوو الا قبل ساعتين عالاقل بس طلع فيكم الخير
بس مافهمت كيف الين المستوى الرابع اختبر هنا ؟
يعني لمن اتخصص اخبتر برابغ؟
انا ماقدر اروح رابغ في اي حال من الاحوال؟
بس لو اختبرت في جده ليش مافي رسوم مو اختبار مناطق حيكون ؟؟
تعتبكم معايا عارفه بس زي ماقلتو مافي اي احد اسفسر منو هنا
المفروض يكون لهم فرع في فرع الجامعه الاساسي هنا ونروح عشان تستفسر >>> الله يعين

[حسان السراقبي]

المشاركة الأصلية كتبت بواسطة إن غدا لنظيره قادم... ماقصرتووو فيكم الخير ماكنت اظن تردوو الا قبل ساعتين عالاقل بس طلع فيكم الخير بس مافهمت كيف الين المستوى الرابع اختبر هنا ؟ يعني لمن اتخصص اخبتر برابغ؟ انا ماقدر اروح رابغ في اي حال من الاحوال؟ بس لو اختبرت في جده ليش مافي رسوم مو اختبار مناطق حيكون ؟؟ تعتبكم معايا عارفه بس زي ماقلتو مافي اي احد اسفسر منو هنا المفروض يكون لهم فرع في فرع الجامعه الاساسي هنا ونروح عشان تستفسر >>> الله يعين

لا نحنا مالنا علاقة بالحكومة
خدماتنا فورية
ههههههههههههههههههههههههههههههههه
هو الموضوع بما فيه أنو نحنا للآن مو مره متأكدين إذا حنستمر في جده أو لا
بس كل يالي سمعناه أنو المباني حقت كليتنا في رابغ مو جاهزه , وبس تجهز رايحين عليها
وإذا رحنا عليها ما نعرف إذا حتكون جده فيها اختبار , ولو كان فيها ما نعرف إذا كانت حتحتسب مناطق أو لا
يعني معظم الأمور مبهمه بشكل عام

[إن غدا لنظيره قادم...]

اصلن احنا انتساب ايش نبغا بالمباني لانو نظامانا سنترا
يعني كليه الاعمال برابغ فيها الاقسام اللي نبغاها بس المستقبل والوضع مبهم ومجهول
والاقسام اللي هنا مافيها شئ عدل بس مضضمون الوضع وكل شئ واضح مو زي رابغ كل شئ مبهم
مالنا غير الله بس

[حسان السراقبي]

المشاركة الأصلية كتبت بواسطة إن غدا لنظيره قادم... اصلن احنا انتساب ايش نبغا بالمباني لانو نظامانا سنترا يعني كليه الاعمال برابغ فيها الاقسام اللي نبغاها بس المستقبل والوضع مبهم ومجهول والاقسام اللي هنا مافيها شئ عدل بس مضضمون الوضع وكل شئ واضح مو زي رابغ كل شئ مبهم مالنا غير الله بس

أنتي كده دخلتي شعبان في رمضان وحتخلينا نصوم في شهر محرم
ههههههههههههههههههههه
الانتساب غير السنترا
الانتساب بيكون فيها دورة عبارة عن محاضرات شرح للمادة في القاعات الجامعية لمدة أسبوعين للشباب وثلاثة أسابيع للبنات
وهذه الدورات مره مفيده ومساعده للاختبارات يالي حنقدمها بعدين
أما السنترا , فالمحاضرات بتكون عن طريق النت , وبهذه الحالة منتي محتاجه للمباني كثير
هو كل شيء مبهم حاليا علشان مالها غير سنة الكلية
وإن شاء الله كل حاجة حتبان خلال الترم الجاي
وربي يوفق ^_^

[إن غدا لنظيره قادم...]

طيب مو مافي انتساب في عزوز خلاص وقفوه
كلنا سنترا ممكن عشان انت من الدفعات الماضيه اما من دفعه 11 اللي هيا دفعتي واليي بعدها كلنا سنترا
انا لمن سوو برناامج التسكين كان في مسولين من رابغ مشيت من جنبهم وقالو خذي فكره قلتهم انتو برابغ مايمدني اجيكم
قالتي ليش انتي حتكوني بالسنترا محيضرك شئ
واقنعوني فيها وشرحولي كل شئ بس قالو قيد التنفيذ

[حسان السراقبي]

المشاركة الأصلية كتبت بواسطة إن غدا لنظيره قادم... طيب مو مافي انتساب في عزوز خلاص وقفوه كلنا سنترا ممكن عشان انت من الدفعات الماضيه اما من دفعه 11 اللي هيا دفعتي واليي بعدها كلنا سنترا انا لمن سوو برناامج التسكين كان في مسولين من رابغ مشيت من جنبهم وقالو خذي فكره قلتهم انتو برابغ مايمدني اجيكم قالتي ليش انتي حتكوني بالسنترا محيضرك شئ واقنعوني فيها وشرحولي كل شئ بس قالو قيد التنفيذ

والله ما ادري لو من جد وقفوه أو لا
علشان التسجيل في الانتساب ما زال متاح على النت فما أعرف ايش القصه
بس إذا أنتي تعليم عن بعد م جد ما حيضرك شيء
فخلاص سجلي واتوكلي على الله
علشان أنا ما أعتقد إطلاقا أنو حيخلو البنات تروح رابغ وتختبر هناك :)