سؤال للبنات اللي راحوا يراجعوا ويغيروا كلياتهم

[solaaa]

السلام عليكم ...

كيفكم بنوتات ان شاء الله تمام ...؟

انا بكره ابا اروح الجامعة اغير كليتي انا دايماً اروح من البوابة الشمالية

بس سمعت انهم قافلينها اللي راحت تديني خبر هيا مقفله ولا مفتوحه ولو مقفله من ايت بوابة دخلت

ردوا بسرعة بليييييييييز ...

[علو الهمم]

وعليكم السلام ورحمة الله وبركاته

أنا رحت نفس الوضع أغير كليتي لما رحت بوابة شمالية 2 كانت مقفلة وجمبها شمالية 1 مفتوحة

وهي أقرب للعمادة وأنا دخلت منها

[solaaa]

تسلمي ياقلبي الله يعطيكي الف عافية :)

بس كانو في بنات كتير ولا لا اخاف اروح لحالي ويختطفوني <<<هعععععع مروقه

والساعة كم رحتي ؟؟

ادري قروشتك بس احب اطمن واعرف كل شي قبل مااسويه <<<قلق

[علو الهمم]

عادي قلبو أنا زيك في بنات كثير بس كان أكثرهم عشان وثيقة التخرج

وترا مرة ادوشوني عشان بس أحول ونصيحتي لك اصري عليهم

ومهما تعتبي من الانتظار استني ولاتسيبي معاملتك وتروحي

خليكِ وراهم لين يحولوك للكلية الي تبغيها

[solaaa]

مشكوره ياسكره بس ماقولتيلي على الساعة كم انتي رحتي ؟؟

والله معلييييش قروشتك :(

[علو الهمم]

اعذريني ترا نسيت ارد عليك عن الساعة كم لإني رحت من الجامعة اليوم على البنك

وتعب مررررة من الصباح بدري مرة للعصر وانا برا البيت

رحت على حوالي الساعة 9 صباحاً

والله يوفقك

[اموله الاموره]

^^
علو الهمم بسألتس حولتي لكلية الاقتصاد والاداره ؟؟ ولو حولتي عليها كم كان معدلك

[علو الهمم]

المشاركة الأصلية كتبت بواسطة اموله الاموره ^^ علو الهمم بسألتس حولتي لكلية الاقتصاد والاداره ؟؟ ولو حولتي عليها كم كان معدلك

انا اخترت اني احول من ادارة اعمال رابغ الى ادارة الاقتصاد والادرة بجدة
ومعدلي يسمح لي احول طالما اني انتساب

[kho0okha]

معليش حتى انا بسأل سؤآل =$

انفك بآب التحويل للـإنتظـآم ولـآ لسسـآ ؟!

يعطيكم العـآفيه يَ رب =)

[علو الهمم]

المشاركة الأصلية كتبت بواسطة kho0okha معليش حتى انا بسأل سؤآل =$ انفك بآب التحويل للـإنتظـآم ولـآ لسسـآ ؟! يعطيكم العـآفيه يَ رب =)

على ما اعتقد لا مافتح لسا على كلام إخواننا الي في المنتدى اننا نتابع من بداية رمضان

او بيكون من تاريخ 15-9