ضرووووري لبنات خطه "ب"

أمووول · #1 15-01-2009, 04:44 PM

سلام صبايا.....
اخباركم ؟؟
وكيف استعدادكم للامتحانات... انا صراحه باقي مافكرت ابدأ
المهم بدخل في الموضوع على طول...
زي ماتعرفون احنا عندنا الترم الثاني ماده الحاسب وصراحه اللي اعرفهم واخذوا الماده يقولوا بالمره صعبه وسمعت انه تجيبين شهاده لهم من اي معهد
وتكون مطابقه للشروط اللي عند الجامعه ويعادلونها بالماده اللي عندنا وتنشال عنك
بس ما ادري هو الخبر صحيح والا لا
وانا قلت مايفيدني الا انتم....
تكفون اللي عندها اي خبر ترد
صراحه انا رحت العماده وسألتهم قالوا صحيح......

*clever *girl · 15-01-2009, 09:23 PM

اختي امول والله هذا السؤال ببالي من زمان بس كلما سالت مافي جواب اكيد قالولي صاحباتي ناخذها بمعهد الفنار بس ماادري اخاف نضيع وقتنا ع الفاضي ولا بصراحة يقولو صعبه الله يعينا ياقلبي ويوفقنا

أمووول · 15-01-2009, 09:29 PM

تسلمين اختي الغاليه على المرور
انا كمان قالوا لي بالفنار
بس معقوله يعطونا الشهاده بسبوعين؟؟

Miss lo0olo0o · 19-01-2009, 03:43 AM

يالله يالييييييييييييييتكم تتأكدو من الموضوع وانا كمان ححاول اتاكدلكم بكرا

فرفوووشة · 19-01-2009, 01:35 PM

الحاااااااسب ؟؟؟؟؟؟؟
وحده اعرفها قالتلي الحاسب زي المويه للي عندهم خلفيه بسيطه عنو
حكايه الشهاده اول مرا اسمعها
ربنا يعيييين

لحظة ألم · 20-01-2009, 01:12 PM

انا من طالبات الخطة "ب" حكاية الشهادة هذي صحيحة لانه استاذة الحاسب نفسها قالت لنا اللي عندها شهادة يعادلوها لها وينحسب انها اخذتها

°•°•NaNa BaNaNa•°•° · 20-01-2009, 09:44 PM

بنات خلوها أحسلكم ماده سهله وأكيد دحينا مافيه أحد ما يفهم ف الحاسب

فخلوها ترفعلنا معدلنا

حتى أنا كونت خلاص مقتنعه بالدوره بعدينا بطلت

صحبتي خطه أ قالت للأستاذه حقتها بايش تنصحيني آخد الدوره والا ؟؟؟

قالتلها خليها أحسلك ترفع من معدلك

خاصة أنهم يقولو الترم التاني الانجلش حيكون أصعب أعتقد حيعطونا حق العلمي الله يستتتر

روووني · 21-01-2009, 01:14 AM

من سابع المستحيلات انهم يعطونا كتب الانجلش للعلمي لانو كتبهم تتكلم عن الاشياء العلميه واحنا عن الاشياء الادبيه

تـذكـار · 21-01-2009, 10:27 PM

مين قال ان الحاسب صعب والله كنت ادخل الامتحان وماأفتح الكتاب إلا الصباح المادة تاافهه بس البنات معطينها أكبر من حجمها
تدري ايش هو المنهج الوورد والاكسل والبوربوينت والاكسس والاسئلة اختيارات وجزء العملي كلمة تافه قليل عليه
لاتقعدوا تسمعوا كلام البنات اللي تعرف للحاسب بتاخذ a+واللي تعرف شوي أو ماتعرف بالتعلم والممارسه بتاخذ بعد a
الماادة سهــلة جدا

والله يوفقكم

وحكاية المعادلة بالدورات ماتوقع لأني إلى يومك هذا ماشفت بنت تعادلت المادة بسبب دورة

أمووول · 22-01-2009, 05:47 PM

تسلمون كل اللي ردوا عليه بالموضوع
بس بجد كنت شايله همها وخاصه انهم قالوا ان الدوره في الاجازه
وماني متهنيه فيها...
واشكرك اختي تذكار والله حيل طمنتيني والله يوفقك يارب

ضرووووري لبنات خطه "ب"

ملتقى المسار الإداري و الإنساني إنتظام