لم تقبل في الانتظام فانهارت بالبكاء الحقوا اختي ياهل الانتساب

[بيتر جدة]

لمن طلعت نتيجه الانتظام ماقبلوها جاني (( لم يتم القبول لعدم تاكيد الطلب ))

مع انو التراكمي حقها 78.38

وهي قسمها ادبي

من اول ماقرتها وهي تبكي من الساعه 7 ونص تقريبا لين قبل شوي

وانا اقلها ادخلي انتساب وتقدري تحولي انتظام ومي راضيه

ابا رايكم الحين تقلي استني للسنه الجيه واقدم تاني انتظام

بس انتساب لا ماسجل فيه معرف هيا سامعه انو عيب ولا ايه من صحباتها

المهم انا عارف يمكن لو جلست للسنه الجايه ماراح تنقبل

فايش رايكم يا اهل الانتساب اخليلها تقدم انتساب وهل في امل تحول انتظام

بليز ردكم لانو يوم 30 يققفل الانساب

[حلمي أدخل جامعة]

أغلبنا طلع له مثل هالكلام
خليها تصبر لين ماتنتهي مدة فرز الأسماء
والله يفدم اللي فيه الخير ,,
لاتستعجل وتحول انتساب وإن شاءالله يقبلونا ..
المشكلة من عندهم مو من عندنا ,,

[بيتر جدة]

كيف يعني في امل تنقبل انتظام بعد ما طلع نتيجه الفرز ؟؟؟؟؟؟؟؟

ترى لو عرفت انو فيه امل ممكن تجن خخخخخخخخ

[حلمي أدخل جامعة]

إن شاءالله تنقبل لان فرز الأسماء لحد 15 خليها كل يوم تشيك مثلي
طيب سعودية وكم نسبتها الموزونة ؟؟

[بيتر جدة]

ايوة سعودية

تخصص ادبي

موزون 78.38

كيف ؟؟؟؟ في امل يعني انا شوي وابكي عليها <<مسوي حنون خخخخخخ

[المقبلة على الجامعة]

انا راي استني تلات ايام حق المفاضله وبعدها سجلو انتساب لانو الانتساب لاخر الشهر وبالعكس ترى الانتساب اسهل بالنسبه للسنه التحضيري عندك انا وااختي اختي اتقبلت انتساب وانا انتظام اخدت سنتين في التحضيري وهيا ماشاء الله جابت التحضيري بتفوق واخدت اول ترم التخصص اللي هيا تبغى ودحين ماشاء الله كسبت الانتظام والتخصص اللي تبغى ومعدل عالي مااشاااء الله .....لازم تقتنع ولو مااقتنعت مابتمشي ..انا اكلمها بس بعد المفاضله ..والله اخليها تقتنع وهيا تضحك

[بيتر جدة]

المقبلة اللله يعطيكي العافيه خلاص استناكي لو مانقبلت لاسمح الله تقنعينيها لانها مررررررره دلوعة ماترضى سريع

تقفع القلب على قولتهم هههههههههه

الله يوفقك ويسعدك يارب على لاقل تكسبي اجر فيها بدل الدموع اللي كل شوي تحطها

[بيتر جدة]

بليز اللي تقول خليها تروح العماده يوم السبت وتقدم هناك

ممكن توصفولي وين مكانها للبنات

واش الاوراق اللي تجيبها معاها

ولا الهرجه للعيال بس

[الصـــLOLOـــغيرة]

السلام عليييكم

الله يوفقها والله كللنا اتمنينا الانتظام بس مازا نفعل الله يعيننا يارب

المهم اخويا بيتر والله انا دخلت انتساب وان شالله في امل احول انتظام ويااارب احول انا وكل الي يبغا يحول

وتاني شي العمادة قريبة من بوابة غربية 2

وبالتوفيق يااارب للجميع وان شالله اكون افدتك

[فرح الدنيا من فرحي]

مسكينة زي أختي ونفس شي التراكمي أختي
بس أختي علمي وتحلف ماتدخل انتساب
طبعا بعد ماشفتني حيسه في الانتساب والكتاب
الاحجمه كبرالباب..تقول وانتساب بعد
لا والف لا...الله لايورك
لا للمخدرات لاللمخدرات
وانا أقوووله قولي
لا الانتساب لا انتساب
خخخخخخخخ