رجاء من الاخ يلدرم

[روابي نجد]

الحين ابي اعرف النتايج متى والله حالتي حالة مهمله بيتي واعيالي وطايحه فيهم ضرب وتنتير من النفسية ومقبلة هالنت تكفى انت اكيد عندك خلفية

[أبوفهد1]

ربما تكون الان النتائج في صفحتك .. اختي روابي نحد لا تستعجلين ولا تضربين الاولاد استهدي بالله وعيني خيرا اعدادكم كبيرة جحدا ليس بالمئات بل بالألف يا أخت روابي وهذا يتطلب مراجعة للدرجات ويخذ وقت ... أطمئني

وأنا اسف جدا لتدخلي وإذا جاء اخونا يلدرم ربما يعطيك الخبر الاكيد ولكن اضفة هذه الاضافه للأطمئنان لك ولغيرك ... كل ما تخرت النتائج ربما تكون افضل واكثر مصداقيه .... بالتوفيق والنجاح

ابوفهد

[7oriah_ksa]

لا يا روابي لا تخلي شي يأثر على أولادك شوفي أنا في أيام الإختبارات كنت اصرخ على ولدي عمره سنة وشهر ماني عارفة امسكه وألاحقه ولا اذاكر ووقت النوم اكون خلاص نعسانة وهو لسه يبي اللعب اقوم اصارخ عليه من قلبي شوفي الحين كل ما سمع صوت باب يتقفل ولا احد يدخل من الباب ولا اي شي يصدر صوت يفرقز من الخوف وأنا عارفة أني السبب الله يسامحني..
والنتايج بتطلع بتطلع وإن شاءالله خير..

[روابي نجد]

بااااااااااااااااااااااارب توفقهم لخير الدنيا والاخرة ويصبرنا بس لا تلوني على هالاسلوب بلاكم ماتدرون وشلون حصلي ادرس وشلون جب قسط الجامعه من كذا انا لازم هالاشياء ما اضيعها برسوب

[عنيد بس عميد]

اللهم يهديكم
لاتخلون النتايج تأثر عليكم وعلى أبنائكم لأن النتائج تتعوض لكن الأبناء مايتعوضون

ولاتخافون الله معاكم ماراح يخليكم

أسأل الله لي ولكم النجاح والتوفيق

[rOoOoOs]

تدرون


ما لكم بهالدنيا الا ربي .. إدعووه و توكلوا عليه و بس

[ريــــم]

الله يعينك اختي


والله مليت من الساعه 2 وانا مسنترة بالمنتدى هنا وبصفحة كشف الدرجات وكل دقيقه اسوي تحديث
شكلي لازم اطلع عشان يرضوا ينزلوا نتيجة مادة ثانية

[ثامر البراق]

يا أخوان

يوم 20/3/1430هـ تسليم الاشعارات

ورح تنزل نتيجة المواد جميعها هالاسبوعين

ورح تبقى ماده واحده إلى قبل تاريخ10/3 بكم يوم

يعني لا تستعجلوا المكتوب

وبالتوفيق للجميع

[سليمان (أبو إبراهيم)]

المشاركة الأصلية كتبت بواسطة ثامر البراق يا أخوان يوم 20/3/1430هـ تسليم الاشعارات ورح تنزل نتيجة المواد جميعها هالاسبوعين ورح تبقى ماده واحده إلى قبل تاريخ10/3 بكم يوم يعني لا تستعجلوا المكتوب وبالتوفيق للجميع

لو سمحت أخوي ثامر مصدر معلوماتك ؟؟

[يلدرم]

النتائج تنزل قطرة قطرة

بأدت مادة مهارات الاتصال والباقي في الطريق

انا ذكرت لك في حدود 10 ايام الى اسبوعين وهذا الكلام من اول ترم للتخرج فهذا شئ عادي

اما اذا على الاعصاب فلحمكم لسع طري وماجت المواد اللي تخليكم على اعصابكم وخاصة اخر الاترام