موقف محرج

[بحار]

السلام عليكم
كيف الحال ؟ تمام؟
الحمد لله
المهم عندي موقف مريت فيه امس وياشيييييييينه من موقف عسى مااحد يمر فيه
طبعا صفحة المنتدى عندي ماكانت تطلع ماادري ليه ؟ اتوقع انه تحديث والعلم عند الله
مالكم في الطويله
جاني اتصال من واحد من الزملاء يقول النتايج طلعت وسريع سريع رحت اشيك على موقع الجامعه والحمد لله كانت حلوه, واول ماطرى علي واحد من زملائي ماعنده نت في البيت قلت خلني ابشره بالنتيجه ودقيت عليه وكان عنده انتظار.... وافصل وادق وافصل وادق نشبت له لمى رد قلت ابو فلااان ابشرك النتيجة نزلت عطني رقمك السري خلني اشيك على النتيجة قال سم وهو معي على التلفون ولما دخلت الرقم السري وضغطت على النتائج كانت الكارثه

اللغة العربية f
الحاسب f
الثقافه الإسلاميةf

قسم بالله هذا اللي صار امس لما شفت النتيجة سكت وغصيت بالكلام قلت ابو فلان بادق عليك شوي ماطلعت توها يمكن ...... وصرت اتعذر على الجامعة واصرف ووجهي الله لا يوريكم
وإلا الآن ماادري وش اسوي
تعرفون وش المشكلة الولد حبووووووووووووب وطيب مررررره لأبعد درجه ممكن تتخيلونها وانا احترمه واقدره ومنحرج اقوووله على النتيجة
وش باتسووون بالله لو أحد مر في الموقف ذا؟
ولكم التحيه

[يفوق الوصف]

اولاً: الف مبروك على نجـاحك في المواد الي نزلت
ثانياً:لازم تحطه في الأمر الواقع وتعطيه نتيجته الصحيحه
امس حصل معي نفس الموقف مع احد الزملاء في البداية كنت متردد لكن علمته بالصحيح وقلتله ان شاء الله تعوضها بالمواد المتبقيه

[ابو تركي 2]

لاتقول له شي خله هو يدخل بنفسه

[عبودي هلالي]

المشاركة الأصلية كتبت بواسطة ابو تركي 2 لاتقول له شي خله هو يدخل بنفسه

وانا مع ابو تركي

[رزان جده]

والله احراج ... عاد هو كمان f بـ الثقافه الاسلاميه هههههههه

[شــوق]

لاتقوله وخله يكتشف بنفسه عشان تهون الصدمه عليه

[رامي العبدالله]

وش اللي حدك تقوله راح اشوف لك نتيجتك ؟

إن لله وإن إليه راجعون .. بس وش مدريك يرسب في الـ 3 مواد هذه ، وحنا ننجح
وبالمواد الـ 3 الباقية ينجح هو ، وحنا نرسب .
من يدري ؟!

[خواطر مظلومة]

ابصراحه انا حصل لي هذا الموقف امس وصديقتي ماده وحده وانا والله لاادقيت عليها ولاا علمتها ميد نتيجتها والله صدمه بالنسبه لها بس في بنات ملااااااااقيف ارسلو لها مسج وقالو لها ان نتيجة العربي طلعت والله قهرر افتحت اولاادس وشافت نتيجتها تقول هذا العربي وانا امقدمه زين اجل باقي المواد شنو يطلع الله يوفقها ويوفقنا في اختبراتناا ان شاءالله
وابصراحه مدري شقولك قول لاا احد يعلمه بالنتيجه وانت تعذر بالنت او قول له هو يفتح صفحته ويشوف نتيجته انت تعذر بالنت

[نواف نت]

هههههههههههههههههههههههههههههههه عليك
وعليه هو ياخو اللقافة شينه وش اللي لقفك تقوله اشوفلك النتيجة نصيحتي لك خله هو يكتشفها
اخوك نواف نت

[مشوار طويل]

عندي لك حل حلو مره
دق عليه وقله انه نجح و انت الراسب بالثلاث مواد مو هو وشف رد فعله لك
اذا كان الرج
ال معاك اوكيه لاتصدمه واذا ضحك عليك اقلب علي وقله والله انت الراسب