ساعدوني ف الاون لاين تبع math202 يارب يحقق جميع امالكم تكفووون سااعدوني

[طموح طالبه]

السلام عليكم ورحمه الله وبركاته ...


كيفكم جميعا وكيفكم مع المذاكرره ..

المهم مابطول عليكم تكفون عندي لكم طلب تساعدوني ف الاون لاين تبع math202 والله لاعطيكم نفس المبلغ الي كونت بعطيه للمدرس بس اهم شي تحلونه لي ..
وهوة حيقفل يوم الجمعه يعني ماعندي الا يوم بس .. تكفون الله يرضى عليكم تساعدوني طلبتكم .. والله العظيم لاعطيه المبلغ الي يحله لي ...

يارب يوفقكم جميعا ويفرج همكم مثل مابتفرجون همي ..

[طموح طالبه]

الله يوفقكم ويرزق كل من يساعدني بالفردوس الاعلى

[طموح طالبه]

تكفووون ردوا علي الله يرضى عليكم وربي محتاجه لمساعدتكم وامل فيكم بعد رب العالمين

[طموح طالبه]

طيب حتى لو تعرفون رقم مدرس او مدرسه ويكونوا ثقه وبيساعدوني ف الحل لا تبخلون علي تكفووون

[الجنرال الذهبي]

فين الاون لاين

[الخلوق]

إذا تقصدين واجب الأون لاين .. أنا بعلمكي طريقة علمني إياها واحد وسويتها وضبطت وأخذت 100% :

إذا فتحتي السؤال اللي بتحلينه (على ما أعتقد لكي 3 محاولات في الحل) إذا جاوبتي مرتين وطلع الحل خطأ إفصلي الواير لس من عندكي من الكمبيوتر يعني إقطعي الاتصال (هذا كله وصفحة السؤال مفتوحة قدامك) ، إذا انقطع الاتصال وشفتي إنه مافي اتصال حطي الاجابة الثالثة إذا كانت خطأ راح يطلع لكي الاجابة الصحيحة (التصحيح) سجليها عندكي في ورقة واحفظي أو اكتبي السؤال اللي جاكي وقفلي صفحة الواجب والسؤال -كذا ما تسجلت لكي إجابة خاطئة يعني ما حفظت علشان مافي اتصال- ثم رجعي الاتصال وادخلي على الواجب والسؤال نفسه ، أحيانا (وكانت تحصل كثير معي) ألقى نفس السؤال الأول فتكون الاجابة الصحيحة موجودة عندي أحطها وبكذا أخذت درجة السؤال أو يكون سؤال شبيه للأول ............ أما إذا فصلتي الشبكة وجاوبتي الاجابة الثالثة وطلعت صحيحة أعيدي الاتصال بالشبكة (طبعا هذا كله وصفحة السؤال مفتوحة قدامك) إذا صارت الشبكة متصلة احفظي الاجابة وبكذا تسجل لك اجابة صحيحة

وبكذا ما خسرتي شي .... وهذي هي الطريقة اللي كانت مريحتني في الأون لاين

وتقدرين تسوين هذي الطريقة إلين ما يجيكي نفس السؤال وتحلينه صح


أتمنى يكون كلامي واضح .............

[بريد الاحساس]

بس مو كأنه طريقتك فيها غش !!

يعني كان المفروض تحتفظ فيها لنفسك عشان ما تأخذ ذنوب غيرك ..

الله يهدينا أجمعين ...

[الخلوق]

المشاركة الأصلية كتبت بواسطة بريد الاحساس بس مو كأنه طريقتك فيها غش !! يعني كان المفروض تحتفظ فيها لنفسك عشان ما تأخذ ذنوب غيرك .. الله يهدينا أجمعين ...

حياك الله أختي:
غش؟؟ ... ليش أنا غاش أو ناقل من مين ... فيها لعب في النظام صح ، لكن غش !! ..... لأن نظام الأون لاين لاعب فينا إذا حطيت الاجابة مثلا (7.1) يكون الجواب خطأ والتصحيح (7.10) ....وبكذا راحت درجات الطلاب .......فلا تلوميني على هذه الطريقة....... يعني كوني أروح وأعطي أستاذ خصوصي 100 ريال ويحل لي الواجب هذا اش يسمى؟؟ واش الأفضل؟؟

أصلا دكتورنا كان يقول لنا: أنا ماني مؤيد للأون لاين ، وكان يقول:أصلا الهدف من الأون لاين مو علشان يا طلاب تحلون واجب الدكتور يقدر يعطيكم واجب في المحاضرة الهدف مادي صاحب الكتاب يستفيد من هذا ماديا

تقبلي ردي ....
وجزاك الله خير ........