استشارتكم في المواد جزآكم الله خير ..

[نورا ~]

السلام عليكم ..

باقيلي 9 مواد إن شاء الله للترم الجاي وألي بعده

وزعت الترم الجاي 5 وألي بعده 4 بإذن الله

إخترت مواد الترم الثاني , وأتمنى رأيكم فيها ولو هناك أي تعديل

* مباديء اقتصاد جزئي econ101
* محاسبة acct102
* نقود وبنوك econ310
* تحليل احصائي econ205
* لغة عربية 1 arab201

يسير باقيلي إن شاء الله :

* ثقافة اسلامية 2 isls201
* تحليل اقتصاد جزئي econ201
* مالية عامة econ312
* مادة حره

وإيش هيا المواد الحره ؟


أتمنى مساعدتكم ,
شكراً لكم ..

[Do0na]

* مباديء اقتصاد جزئي econ101
* محاسبة acct102
* نقود وبنوك econ310
* تحليل احصائي econ205
* لغة عربية 1 arab201

يسير باقيلي إن شاء الله :

* ثقافة اسلامية 2 isls201
* تحليل اقتصاد جزئي econ201
* مالية عامة econ312
* مادة حره


جدولك حلو ياعسل بس لو تاخذين نصيحة صغنونة

* مباديء اقتصاد جزئي econ101
* محاسبة acct102
* تحليل احصائي econ205

هذي المواد الثلاثة في الاغلب حتكون فيها عملي واقتصاد جزئي حيكون فيه رسوم وكلهم يبغالهم تركيز

محاسبة 2 اسهل من واحد بكثير
تحليل احصائي معاه دورة اسمها spss تاخذ جزء من المعدل الكلي للمادة يعني ضروري تاخذيها

فلو تخلين تحليل احصائي الترم الثاني لان اغلب مواده سهلة وتحليل اقتصاد جزئي تكرار في كل شي للاقتصاد الجزئي يعني حيكون مرا سهل


انتي شوفي

اما عن المواد الحرة فيه مادة صحة نفسية مرا سهلة مع دكتورة اقبال بس تقفل الشعب مرا بدري

النظام السياسي السعودي مع دكتورة امل عرب هاشم اذا غلطانة في الاسم العفو


وبالتوفيق

[نورا ~]

يعني قصدك أبدل بين التحليل الإحصائي وتحليل اقتصاد جزئي ؟
يسير الترم الثاني تحليل اقتصاد جزئي والترم الي بعده تحليل احصائي والمحاسبة كمان الترم الثاني ؟
المحاسبة لازم الترم الثاني لأنه بعدها باخذ مالية عامة ؟

وصحة نفسية إيش رمزها لو سمحتِ ..
لأنها على اساس اخذها الترم هذا , بس قالتلي الاستاذه انه المستوى مره كبير
لأنه كنت مختاره 424 مدري 402 شيء زي كذا
---------------------------------

بسألك بخصوص اقتصاد أعمال ..
إلى الآن موجود ولا قفل ؟
وكيف المسار حلو ؟ أديني نبذه بسيطه عنه جزآكِ الله خير

شكراً على ردك
وجزآكِ الله خير ..

[سمـــســـووم]

اقتصاد جزئي 101
ثقافة 102
عربي 201
نقود وبنوك 310
مالية عامة 312

لو كدا اول ترم كويس حيكون لأنه النقود والبنوك + المالية نظرية

والترم الي بعده نزلي

تحليل جزئي
تحليل احصائي
محاسبة 102
حرهـ

من نظري كذا حيكون كويس

بالتوفيق

[نورا ~]

^^
طيب أخوي سمسوم
مو الأفضل أخذ أول شيء محاسبه 2 بعدها مالية ؟
أبغى أفتك من شيء إسمه محاسبه ..

وأنا وزعت العربي على الترم الثاني والثقافة على ألي بعده
عشان على الأقل في ماده ترفع من معدلي لو شيء بسيط !!

وكمان مواد التحليل من إسمها أحسها صعبة شوية
عشان كذا ما أبغى أجمعها مع بعض

شكراً لردك ..

[سمـــســـووم]

المشاركة الأصلية كتبت بواسطة نورا ~ ^^ طيب أخوي سمسوم مو الأفضل أخذ أول شيء محاسبه 2 بعدها مالية ؟ أبغى أفتك من شيء إسمه محاسبه .. وأنا وزعت العربي على الترم الثاني والثقافة على ألي بعده عشان على الأقل في ماده ترفع من معدلي لو شيء بسيط !! وكمان مواد التحليل من إسمها أحسها صعبة شوية عشان كذا ما أبغى أجمعها مع بعض شكراً لردك ..

اذا بتفتكي من المحاسبة خديها قبل المالية انا اخذت الاثنين مع بعض المالية نزليها مع خالد ابراهيم بتضمني فيها a+ بسهولة والمنهج كله شي بديهي يعني لو نزلتيهم مع بعض مابتتأثر وخاصة انه مافيها مسائل المالية غير مسئلتين تقريباً والمحاسبة 102 اسهل من 101 بكثييييييير بس مع دكتور يكون يشرح شرح كويس وتفهمي

المواد العامة انتي وحريتكـ عاد

التحليل الجزئي دسم ويبغاله دكتورهـ تفهميلها وماتقصر بالدرجات ! والتحليل الاحصائي تقريباً شبيه بدروس الاحصاء حق التحضيري بس مطول شويتين

موفقة :)

[نورا ~]

طيب شكرا لك أخوي
ممكن إن شاء الله أرجع لإختياراتك
جزآك الله كل خير ورحم والديك

[أبــــرار]

محااااسبه اممممممممممم تجي الاسئله موحده على فكره .. و الدرجات كلها ع الاختبارات << ان ماغيرو النظام

استاذه ريم صقر شديده وكل شي بس شرحها حلو و لمن ماتفهمي وتروحي تسأليها تشرحلك اللي تبغي عادي

انصحك فيها و في د امال مصريه شرحها رهيب

[أبــــرار]

نقود و بنوك .. د حاجه الامام

طيبه مرره وتسااااعدك وكدا

[نورا ~]

تسلمي أبرار الله يسعدك ..
نقود وبنوك مقررة استاذة حاجة من أول
محاسبة كثير قالولي سحر كويسه , بس كنت خايفه إنه ماتعطي بالعربي الترم الجاي
وإن شاء الله أشوف استاذة ريم ..

شكراً لكِ