باركوا لي ربحت ايباد 2 و بلاك بيري + بالصور

[سالم العمري]

السلام عليكم ياشباب كيف الحال

باااااااااااااااااااركوا لي ربحت ايباد2 و بلااااك بيري ياسلاااااااااام خخخخخخخ

خلني اقولكم القصة

بينما كنت اتمشى في المول لقيت اعلان عن جوائز ايباد2 وبلاك بيري ولاب توب و و و

سحبت عليه لللللللللللللللللللللكن سبحاااااااااان الله ربك اراد اني اشوفه (معجزة)

الفكرة هي من شركة بنده كانوا مسويين عرض اللي يجمع نقاط ياخذ الشي الفلاني

وكان على الايباد 9000 نقطة

النقاط تحسب على كل ريال تشتري به يعني لو اشتريت ب 3 ريال تجيك 3 نقاط

وهنا تكمن المشكلة

انا تحمست لأن المسابقة جوائزها مضمونة صراحة

اييييييييييييييييييييييييييييييش سووووووووووووووويت

بديت اقابل المحاسبين اتعرف عليهم وكيف حالك وكيف العمل معاك هههههه

من اليوم الثاني فاتحتهم في الموضوع عشان يجمعون لي فواتير والصراحة انهم ماقصروا صاروا يجمعون لي فواتير كثيرة عشان اخذ منها النقاط كل يوم بعد مايخلص دوامي ودوامهم

ويالله صرت اخذ الاوراق كل يوم بالاكياس حقت بنده كانت الاوراق كثيرة شوفوا الصورة



وكنت كل يوم ادخل الموقع واحط الرقم عشان اخذ النقاط

وكان الشباب شايفيني ادخل نقاط وصاروا كل مايشترون يجيبون لي الفواتير حقتهم

وهنا حصلت مشششششششششششكلة بل مصيبة

الناس عرفوا المسابقة وصاروا يجمعون عشان الجوايز وانا تورطت لدرجة اني كل ماصرت اروح
للمحاسبين صاروا يقولون الناس يطلبون الاوراق معد صاروا يبقون شي

والله صرت الاقي الحريم يقعدون عند المحاسبين اول مايخلص المشتري من المحاسبة يتجمعون عليه الحريم عشان ياخذون النقاط وشوف المضاربات على اللي معه مقاضي كثيرة

انقهرت والله وكان باقي لي 3000 نقطة واخذ الجهاز

وش اسوي وش اسوي وقلت مالك الا اخوك

وكلمت اخوي وقال ابشر بس بشرط تجمع معي حق بلاك بيري قلت ابشر

والله رحت العمل وجيت لقييته جاب لي 3200 نقطة ماشالله عليه وعللطووووووول دخلتها

علمني انه اشترى الف نقطة من واحد هندي بعشرة ريال خخخخخ

وكاااااااااااااااااااااااااااان باقي اخر جهاز واستبدلته علطووووووووووول في اللحظة الاخيرة شوفوا معي


والحمدلله استبدلت الجهاز في اللحظة الاخيرة وجاني بعد 14 يوم من تاريخ الاستبدال في فيديكس

ولكم ان تتصوروا الفرحة العارمة في البيت هههههه جبت لهم عشى على حسابي بروست البيك

بعد ماستلمت الجهاز تعالوا نشوف له بعض الصور



هنا اول مافكيت الجهاز






وهنا لما شغلت الجهاز







وهذي صورة الايباد وهو مع واحد من اخوياي





الحين جا دور اخوي على البلاك بيري وكان البلاك بيري عليه 7000 نقطة

اخوي جمع اخوياه وغداهم وقالهم الله الله بالفواتير ياشباب وماجا المغرب الا هو جايب 7000 نقطة

واخذ الجهاز بلاك بيري كيرف وهذي صورته






انا اللي قهرني انه فيه ناس اخذت 6 ايباد و 12 جهاز بلاك بيري وانا يالله وصلت للايباد ههههه


الصراحة كانت المسابقة ممتعة لشدة التنافس على الاجهزة وكانت تجربة رائعة تجعل الانسان يتعلم


أنه مافي شي تاخذه الا بمجهود

ايضا ستشعر باحساس رائع عندما ترى ثمرة جهدك بين يديك حتى لو ماكان شي يسوى اهم شي انك انجزت


تحياتي للجميع ياشباب واتمنى لكم التوفيق

[فاصل نهائي]

الله يرزقك ويرزق كل مسلم

تخبر ملخص لماده com313 ?!!

[سالم العمري]

المشاركة الأصلية كتبت بواسطة فاصل نهائي الله يرزقك ويرزق كل مسلم تخبر ملخص لماده com313 ?!!

اعتقد ان هذه المادة هي نصوص اعلامية

اسف اخي الكريم فقد تعديت هذه المادة الترم السابقة واتمنى تجد مرادك


اسال الله التوفيق لك وللجميع

[إعلامي المستقبل]

على البركه ... وأسعدك ربي دوماً :)

[فاصل نهائي]

طيب كيف كانت الماده سهله او لا ؟؟

وش كان اسم الدكتور ؟؟



ومبروك للمره الثانيه وعسا الله يرزققك بسياره

[سالم العمري]

المشاركة الأصلية كتبت بواسطة فاصل نهائي طيب كيف كانت الماده سهله او لا ؟؟ وش كان اسم الدكتور ؟؟ ومبروك للمره الثانيه وعسا الله يرزققك بسياره

اخي الكريم الدكتور كان علي القرني الان الدكتور تغير لهذا الترم

المادة عبارة عن ملخص اعطانا اياه الدكتور نحفظ منه وكان سهل للغاية والسبب انه كان حفظ الكلمات وترجمتها ومعناها وهي عبارة عن 30 ورقة تقريبا

لكن للمرة الثانية اقولك انتبه لازم تشوف من دكتورك لهذا الترم وهل حدد الكتاب او ملخص معين

اتمنى لك التوفيق

[الزهراااااني]

مبروووووك اخوي

وتكسرهـ بالعافيه

اتمنى لك التوفيق

[زحمة مشآعر]

بصراحة قصتك ممتعة وفيها نوع من المغامره ..
اللي اقدر اقوله (الله يبارك لك في الجهاز الايباد) بس البلاك بيري لو انك اخده من اخوك احسن ^^ وش تسوى المرمطة والانتظار عن الكاشير واخر شي ياخده منك عشان 3000 نقطة هههههههه

والف الف مبروك ..

[سالم العمري]

المشاركة الأصلية كتبت بواسطة زحمة مشآعر بصراحة قصتك ممتعة وفيها نوع من المغامره .. اللي اقدر اقوله (الله يبارك لك في الجهاز الايباد) بس البلاك بيري لو انك اخده من اخوك احسن ^^ وش تسوى المرمطة والانتظار عن الكاشير واخر شي ياخده منك عشان 3000 نقطة هههههههه والف الف مبروك ..

لم انتظر عند الكاشير اخي الكريم انا اجيهم اخر الدوام ويعطوني الكيس جاهز بالاوراق

هههههههههههههههههههههه انا اكثر واحد مرتاح في الناس الحمدلله والسبب ان الناس كانوا يجمعن من اللي يشترون المقاضي لكن انا اخذ الفواتير من المحاسبين جاهزة اخر الدوام

اخوي يستاهل بصراحة ساعدني وبيني وبينك مايصير انا اجيب جهاز واخوي ماجاب شي والله لو تشوف جواله تنسد نفسك (جواله قديم) الحين جاه البلاك فرحاااان

حياك الله حبيبي وشكرا لمشاركتك