هل الترم الصيفي يدخل بالمعدل ؟

[كل الود]

السلام عليكم جميعا

احد الاخوان هبل فيني بالامس يقول الترم الصيفي لايدخل بالمعدل فقط تعدي من خلاله مواد باي نتيجه كانت لايهم

واللي اعرفه ان الترم الصيفي من الاشياء والخطوات التي تساهم باذن الله في رفع المعدل .. فكيف ماتدخل فيه !

اذا كان احد عنده معلومه في هالخصوص يفيدنا الله يعطيكم العافيه لاني بصراحه ذابح نفسي مذاكره ابي درجات حلوه ترفع المعدل

[ماجدالعراادي]

نفس الكلام ليً عندي
ياليت اي احد من الاعضاء يفيدنا
ولكم خلص الشكر
صيام مقبول وذنب مغفور

[Ro0oK]

اكيد يدخل بالمعدل

[عيوني حزينه]

يدخل في المعدل

[محمد الدوسي]

مايبغالها اكيد يدخل لومايدخل في المعدل كان الطالب وفر الـ 3000للترم العادي وبالله التوفيق

[Nephrology]

مواد الفصل الصيفي تحتسب من المعدل التراكمي
معلومة أكيدة

[زوم]

يدخل في المعدل وذا ماجبت درجات حلوة تروح فيه خذها مني

[الصقر2]

المشاركة الأصلية كتبت بواسطة زوم يدخل في المعدل وذا ماجبت درجات حلوة تروح فيه خذها مني

طيب ماهي الاسباب اللي تخلي الترم الصيفي يهبط بالمعدل اذا الدرجات مو زينه

في اعتقادي

مثله مثل اي ترم..اتمنى التوضيح

[super1]

المشاركة الأصلية كتبت بواسطة الصقر2 طيب ماهي الاسباب اللي تخلي الترم الصيفي يهبط بالمعدل اذا الدرجات مو زينه في اعتقادي مثله مثل اي ترم..اتمنى التوضيح

معروف اخوي عدد الساعات القليله حدود 6 ساعات الى 12 ساعه تلعب بالمعدل لعب سواء ايجابا بالدرجات المرتفعه او سلبا بالدرجات النازلة الترم الصيفي مثله مثل اي ترم يفرق عن اذا اخذت 15 او 18 ساعه المعدل يكون ثقيل في ارتفاعه او نزوله

ان شاء الله وصلت المعلومه ,, وبالتوفيق

[كل الود]

بارك الله فيكم جميع

اما لو ماجبت درجات حلوه في تسع ساعات (ثلاث مواد ) والمذاكره والكرف .. معناته " المخرج عاوز كده "
وش نسوي بعدها القوي الله هو على كل قوي