فصل كلية التمريض عن المختبرات!!! )":

[Nice...]

السلام عليكم.. انا انقبلت تمريض ونسبتي 91.111 وطلبت تحويل بعد مانزلت نتايج التسكين على طول ورحت العمادة القبول و التسجيل وكتبت خطاب خطي عشان يحولوني للمختبرات وقالولي تابعي الاودس وماظهر شيء لي ولسى جنب الكلية التمريض!! واليوم داومت ورحت عند كل المسؤلات وماخليت استاذه الا وطلبت منها تحولني وكل وحده ترميني على الثانيه وقالوا صار التحويل صعب الحين لان فصلنا تخصص التمريض عن كلية العلوم الطبية التطبيقيه(مختبرات) وانو هذا القرار قبل اسبوع!!! انا قافله معايا الدنيا وماني قادرة اتقبل التمريض حتى اهلي مو عارفين اني انقبلت تمريض انا مو طموحي هالتخصص وكلامي ابداً مو تقليل فيه لكن انا طموحي وحلمي مو تمريض. انا تعبت والله تعبت ماني عارفه ايش اسوي قالتي الاستاذه او الدكتورة شاديه الوكيله حقت كليه التمريض اني اروح اقدم تحويل من عمادة القبول والتسجيل طيب انا روحت لهم اول وقدمت خطاب خطي ايش اعمل تعععبببت انا خايفه كمان انو التمريض يبدوا خلاص محاظرات وانا بين الممرطه بينهم عشان التحويل ):
افيدوني الله يجزاكم خير انا مالي غير الله ثم انتم محتاجه احد يدللني على الصح انا متحطمه والله وتايها. انتظركم :”(

[Dr.ReRo]

اااه وربييي نفس حاالتك تعبت منهم حسبي الله عليهم كل وحدة بتقول كلام غير عن التانية طيب المفروض ادا مايعرفوا يسكتو مو يفتو من رااسهم
واكترر شي قااهرني انهم فصلوو الكلية يعني ماجات يفصلوها الا دحيييين كان فصلوها من قبل التسكيين

ان شااءالله يجي احد ويساعدنا وادا ماحولونا اكييييد حتكون خيرة من ربناا ومين يدري امكن نحب التمريض

[Nice...]

المشاركة الأصلية كتبت بواسطة dr.rero اااه وربييي نفس حاالتك تعبت منهم حسبي الله عليهم كل وحدة بتقول كلام غير عن التانية طيب المفروض ادا مايعرفوا يسكتو مو يفتو من رااسهم واكترر شي قااهرني انهم فصلوو الكلية يعني ماجات يفصلوها الا دحيييين كان فصلوها من قبل التسكيين ان شااءالله يجي احد ويساعدنا وادا ماحولونا اكييييد حتكون خيرة من ربناا ومين يدري امكن نحب التمريض

الله فوقهم لو مانظروا لامرنا انا ماني عارفه طيب ارجع اقدم تحويل لعمادة القبول و التسجيل للمختبرات ولا ايش اعمل؟ لازم نتحرك هما يبغونا بس نستسلم.

[besho-1414]

و انا نفس حالتكم كلهم قالولي صعب التحويل لانو التمريض سار كلية لوحدو و على حكاية نغير من الاودس احسهم بس يسكتونا محا يشوفو حاجه ، انا جاني تبلد و افكر اتقبلو و ادرس التمريض والله يوفق الجميع

[Nice...]

المشاركة الأصلية كتبت بواسطة besho-1414 و انا نفس حالتكم كلهم قالولي صعب التحويل لانو التمريض سار كلية لوحدو و على حكاية نغير من الاودس احسهم بس يسكتونا محا يشوفو حاجه ، انا جاني تبلد و افكر اتقبلو و ادرس التمريض والله يوفق الجميع

على حكاية الاودس هيا قالتلي ادخلي وسوي التحويل وفتحته من عندها لكن ماحصلت ايقونه للتحويل ابداً!! انتي ايش قالولك بضبط لان انا مرا مرمطوني واخر حاجه قالو ممكن تتحولي اذا كلمتي العمادة حقت القبول والتسجيل وماني عارفه ايش اعمل! مرا انا مو متقبله التمريض ):

[besho-1414]

قالولي مدام انفصل التمريض صعب التحويل و فالادس حتا انا ما لقيت حاجه و لو رحتي عمادة القبول و التسجيل حيقولولك نحنا مالنا صلاح راجعي مسؤولة التمريض و كدا كل وحده ترميكي للتانية ، استغفر الله بس

[عذاري السمروات]

المشاركة الأصلية كتبت بواسطة besho-1414 قالولي مدام انفصل التمريض صعب التحويل و فالادس حتا انا ما لقيت حاجه و لو رحتي عمادة القبول و التسجيل حيقولولك نحنا مالنا صلاح راجعي مسؤولة التمريض و كدا كل وحده ترميكي للتانية ، استغفر الله بس

نفس الكلام اللي قالولي هو من السنه اللي فاتت ..
حسبي الله عليهم..
مع انو التحويل يتم كمان من عندهم ..؟؟
:")

بس حبايبي أتفائلوا ب الخير تجدوه ..
أو ربي يسهلكم أموركم و ان شاء الله تحولوا ..
عليكم ب الاستغفار و الدوعاء و صلاة الوتر ..

[Noor1]

الله يوفقكم كلكم
اعتبروني زي اختكم
لا تدرسي شي انتي مو متقبلاه ابدااً
لان الخكايه مو دراسه بس
الحكايه تخصص راح تكملي فيه عمر قدام
استخيروو ولا تسكتوو لازم تفضلو وراهم وراهم
في النهايه ماراح يجبروكم على شي اذا معدلاتكم حلوه
الله يوفقكم جميعااااً

[Dr.Shaikhah]

انصح كل وحده تخلي ابوها يروح قسم الرجال يمكن تطلعو بنتيجه

[Astronomer]

والله اانا مثل حالتك

انا من ثاني يوم رحت احول على كلية العلوم قسم فيزياء وبعدين قالوا خلاص قفل التحويل ..

هذي الجامعة ماتمشي الابالواسطات .. حسبي الله ونعم الوكيل

وانا مو متقبلة التمريض بتاتا ..

والافضل احد يروح لعمادة القبول والتسجيل عند الرجال

ولاتنسين الدعاااء ..