مساعدتكم شبآب الصيدله

[اتحادي منتظم]

السلام عليكم
انا طبعن تحضيري
وابغا اعرف دي السنه كم اقل درجه احياء قبلوها ؟
لانو اعرف واحد معدلو 4 فاصله 4 وجايب 75 في الاحياء
وانقبل صيدله
يعني يطلبو نسبه خاصه لازم تجتازها وكم النسبه ؟
وشكرن لكم

[غريب عزيز]

أخي هم ما يحسبو كل مادة لوحدها

أهم شي يكون النسبة الموزونة حق مواد الأنقليزي مستوى 2 و 3 و 4 ومادة الأحياء والفيزياء والكيمياء كللها 80

يعني لو قصرت في مادة ممكن تعوض بمادة غيرها

مثلا أنا جبت بالفيزيا 60 لكن درجات المواد الباقية كللها عالية كده تمام

طبعا النسبة الموزونة هي درجة المادة x وزنها أو عدد ساعاتها

تجمع كل الدرجات مع الاوزان وتقسمها على عدد الساعات الاجمالية للمواد اللي حسبتها

لو جبت نسبة موزونة في المواد الخاصة 80 بيكون انت حققت شروط كلية الصيدلة

لكن مش كل اللي جابو 80 يقدرو يدخلو صيدلة لأن في منافسة على النسبة العامة اللي هي الموزونة حق كل المواد اللي درستها

مثلا هم يقبلو أعلى 60 نسبة عامة من الاشخاص اللي تحققت معهم النسبة الخاصة

البقية بيتحولو على الرغبة اللي بعد الصيدلة اذا تحققت معهم

تحياتي ،

[doodle]

سؤال ثاني لو سمحتو الحين انا تخصصت في كلية العلوم لو جبت 4,5 حانقبل اكيييد بالصيدله ولا لا لان صراحه مااتخيل نفسي ادرس شي غير الصيدله

[غريب عزيز]

على حسب علمي ان التحويل من كلية العلوم للصيدلة ممكن وكل ما جبتي معدل اعلى بتزيد فرصتك بالقبول

تحياتي ،