من وين اشتري الكتب بالرياض اي مكتبه

[سنوات الضياع]

بنات الرياااض من فين اشتري الكتب من اي مكتبه بالرياض لان خوارزمي ودار الهدى يوم يرسلوا لي الكتتتب يتاخرو ابي من الرياض بليززززز

[GenEr4L]

انا عادة اشتري الكتب والملخصات من مكتبة المهندس في طريق الامام تركي الاول مقابل اسكان مدينة الملك عبدالعزيز للعلوم والتقنية

[عمر عبدالكريم]

مكتبة المهندس ولاتدور غيرهاااا

[ريم ريم ريم]

فيه وانت رايحه على اسواق نجد او المجد اتوقع فيه لفه يمين اجباري ...فيه الكتب المستعمله
يمكن حولي 6 مكتبات روحي يمكن تلقي عندهااا الكتب

قبل مسجد الراجحي


معرف اوصف زين

[نايف2013]

ممكن تشتري من المهندس الا بطريق الإمام تركي الاول أو في مكتبة ثانية في حي النسيم زي ماسمعت ومن زملائي يشترون منها ، ويمديك تدخل موقع الجامعة وتدخلي إسم الدكتور أو الدكتورة أو المحاضر وراح تلاقي شيى تستفيدي منه والله يوفقك ............اذا ماعرفتي في حلول

[star2010]

نصيحة من واقع تجربة شخصية ...
عليك بمذكرات وملخصات مكتبة ركن الهدى بجدة تواصل معهم ويرسلون لك اللي تبي مع دفع رسوم الشحن (50) ريال لانهم قربين من الجامعة وملخصاتهم ممتازة ويجي فيها اسئلة بختام الملخص تتدريب عليها ... ثم اطلع قبل الاختبار على ملخصات المنتدى من باب الفائدة او تبي تذاكر فصل معين ربما صعب عليك بالمذكرة لانه بالغالب ملخصات المنتدى ما تنزل الا قبل الاختبار بفترة بسيطة قبل الاختبار ...يعني الله يمديك تقراها وخصوصا لمن يعاني صعوبة بالحفظ أمثالي اما بالنسبة لمن يقول فيه فرق بالسعر بين مكتبة ومكتبة فانا وانت دفعنا 3000 ريال للترم الواحد و1000 ريال لاختبار المناطق يعني لو لوزدت مبلغ 15 ريال في كتاب ترا ماهو ذاك الغلاء اللي تتصور الدعوى وانا اخوك انه مستقبل وشهادة تحسن وضعك الوظيفي
وربي يوفقكم

[abu saqer2012]

يااللي بالرياض..بخصوص الكتب في مكتبة المهندس..!! عندهم شجع رفع الاسعار ..!!


ومنها خطة أ و ب...


وهذي خطة ب


كتاب الاحصاء ..سعره الاصلي 60 --- مكتبة المهندس 75 ريال..

كتاب مادة مهارات التفكير والبحث العلمي.. سعره الاصلي 42 ---مكتبة المهندس 52 ريال

كتاب مهارات الاتصال سعره الاصلي 38...----مكتبة المهندس 48 ريال

كتاب اللغة الانجليزية سعره الاصلي 190 ---مكتبة المهندس 210 ريال

[قلم مستمر]

فيه فرع لمكتبة دار الهدى بالرياض أنا أخذت منها ملخصات موقعها حي النسيم شارع الأربعين والي يبي رقم المكتبة ارسله له وبالتوفيق للجميع

[اقلاع اتحادي]

المشاركة الأصلية كتبت بواسطة abu saqer2012 يااللي بالرياض..بخصوص الكتب في مكتبة المهندس..!! عندهم شجع رفع الاسعار ..!! ومنها خطة أ و ب... وهذي خطة ب كتاب الاحصاء ..سعره الاصلي 60 --- مكتبة المهندس 75 ريال.. كتاب مادة مهارات التفكير والبحث العلمي.. سعره الاصلي 42 ---مكتبة المهندس 52 ريال كتاب مهارات الاتصال سعره الاصلي 38...----مكتبة المهندس 48 ريال كتاب اللغة الانجليزية سعره الاصلي 190 ---مكتبة المهندس 210 ريال

سعر الكتاب الاصلي + 10 ريال او 15 مصاريف الشحن , لانهم يجيبوا الكتب من جدة . (حقهم)

[نهى الخالد]

المشاركة الأصلية كتبت بواسطة abu saqer2012 يااللي بالرياض..بخصوص الكتب في مكتبة المهندس..!! عندهم شجع رفع الاسعار ..!! ومنها خطة أ و ب... وهذي خطة ب كتاب الاحصاء ..سعره الاصلي 60 --- مكتبة المهندس 75 ريال.. كتاب مادة مهارات التفكير والبحث العلمي.. سعره الاصلي 42 ---مكتبة المهندس 52 ريال كتاب مهارات الاتصال سعره الاصلي 38...----مكتبة المهندس 48 ريال كتاب اللغة الانجليزية سعره الاصلي 190 ---مكتبة المهندس 210 ريال

بالعكس انا شايفه اسعارهم عاديه
بس مزيدين 10 او 15 سعر الشحن
ولما طلبت من الخوارزم كتب السنه التحضيريه كامله
قالو ب550
بس من المهندس طلعت لي ب493

صح مو فرق كبير
بس اسهل في الاستلام وبدون تأخير وانتظار