طلاب وطالبات د.سامي مادتي(تطوير تنظيمي+إدارة الأداء)صيفي 2013

[RHF]

السلام عليكم

يا جماعة ( بنات و اولاد )

الي منزلين مع د/سامي خان ، تطوير تنظيمي و ادارة اداء ،،

اليوم شايفة الاولاد مبسوطين ويتكلمو معاه مني عارفة يعني هو مرااا كويس لدي الدرجة ؟؟

لمن سألت عنو محد مدحو للأسف ، بس ممكن اازا احد درس معاه مادة يقولنا كيف اسئلتو و الدرجات عندو ؟

كمان ما فهمت يعني ضروري اشتري الكتاب ولا السلايدات تكفي ؟ لأأني سمعت ولد يسألو ازا كان البوربوينت يكفي او لا ، وجاب انو مش مصدر ، بس ما قال ازا كان ينفع نزاكر منها او لأ

مممممممم يعني لو الوضع ما يطمني يسير ( نسحب من بدري )


ولكل اللي ما حضرو ، أكد يوم الاتنين انو في محاضرة ( تطوير تنظيمي وادارة اداء )


* ممكن كمان احد يكتبلي الملخص المفيد الي قالو اليوم ، لانو الشبكة كانت زي الزفت بس بتقطع ربع الكلام نسمعو ، وتلات ارباعو يكون معلق

وشكرا :)

[girl.k.s.a]

وعليكم السلام ورحمة الله وبركاته

ربي يوفقكم ويسهل اموركم جميعاً

ملاحظة صغننة :
أكتبوا جنب الموضوع صيفي 2013 عشان بعدين ما يلخبطوا الطلاب والطالبات

[باور هورس]

يعني اليوم بدأت محاضرة إدارة الأداء ؟؟؟
والأسبوع هذا فيه محاضرات ؟؟؟

[adnans]

أوهوووه أنتوا بديتوا والله على بالي بعد أسبوع أو أسبوعين حسبي الله قالوا بس حذف وأضافه ..

بالتوفيق + سامي خان يخوف بس لو أخذتيها عنده اجتهدي وأول بأول ذاكري وصدقيني والله لو تاخذيها عند أسامه طيب حتفلحي بالدرجه اللي تتمنيها أن شاء الله .. فمان الله

[Ana 39beya]

المشاركة الأصلية كتبت بواسطة adnans أوهوووه أنتوا بديتوا والله على بالي بعد أسبوع أو أسبوعين حسبي الله قالوا بس حذف وأضافه .. بالتوفيق + سامي خان يخوف بس لو أخذتيها عنده اجتهدي وأول بأول ذاكري وصدقيني والله لو تاخذيها عند أسامه طيب حتفلحي بالدرجه اللي تتمنيها أن شاء الله .. فمان الله

يخوف كيف؟

[girl.k.s.a]

^
لا ويييييييييييين اسبوع اسبوعين
بعد اسبوعين أو 3 بالكتير حيكون الدوري الأول
لأنو الصيفي قصير جدا مافي وقت
وحيجي فجأة الدوري 2 بعدو

بعد كم يوم يقولوا يلا فاينل

أنتبهوااااااا تضيعوا الفرصة عليكم في الصيفي

[Kapitano]

درست معاه موارد بشرية
شرحه سيء وما ينفهم وكل اعتماده عالسلايدات بالشرح وكان يكرفنا تكاليف وبروجكت
الاختبارات صعبة شوية عبارة عن اختيارات وسؤالين مقالي
بس حاولي تجتهدي معاه وتعصري نفسك

[noreeman]

المشاركة الأصلية كتبت بواسطة kapitano درست معاه موارد بشرية شرحه سيء وما ينفهم وكل اعتماده عالسلايدات بالشرح وكان يكرفنا تكاليف وبروجكت الاختبارات صعبة شوية عبارة عن اختيارات وسؤالين مقالي بس حاولي تجتهدي معاه وتعصري نفسك

بالعكس لما اكون معاه بالمحاضرات ما اتمنى المحاضره تخلص
دكتور رائع وفاهم في تخصصه تمام
الي تحتاجه فقط يا عزيزي هو انجليزي ممتاز عشان تحل في اختبارته
وهذا الي يحتاجه أساساً كل طالب دخل هذا التخصص

[مجهول الهوية 007]

والله شهادتي مجروحة في الدكتور ذا خلال احترامه للطلبة ،، جدا جدا محترم الدكتور ويتعاون مع جميع الطلاب ،، انا احد طلابه اللي اخذت عنده مواد وبصراحة فرحت كثير انه بياخذ مادتين في الترم الصيفي ..

الشرح / رجل يحاول يبذل جهده ، ويحاول وشرحه يعتمد اعتماد كبير جدا على البوربوينت ...
الدرجات / كل ترم اخذ مع معه مادة بصراحة درجتي حلوة معاه وخصوصا يحفظ الناس اللي تشارك معه .
الانظباط / من اشد الدكتاترة في الانظباط والتحضير يعتمد عليه كثير في رصد الدرجة النهائية.

اما بالنسبة لاستفسارك اخت رهف اليوم بخصوص موضوع الكتاب ، هو قال فيه درجات على تواجد الكتاب معك داخل الكلاس فاساله واحد من الشباب ، وقال : هل الكتاب لازم اصلي ولا مصور ..!!؟؟ ( بعض الناس عليها اسئلة غريبة ) فأجابه الدكتور انه يعتذر على الاجابة على هذا السؤال والمقصد منه انا مالي شغل وافهم يا فهيم ..!!

__ ( خارج النص ) __ توقعت التزام البنات اكثر من الشباب ولكن تفاجات اليوم بحضور طالبتين فقط ..!! :)

[محمديكو]

درست معه hr اخذت 60 مرة سيئ بالدرجات وكنت اشارك بس الله بالخير ما درى عني الحمدلله فكيت منه واعرف 2 شباب اخذو f والله يوفقك