كيف اوصل لطموحي

[غُربة]

يعطيكم العافيه على جهودكم وعساكم ع القوة

انا ارغب بدراسة القانون في المقام الاول وهدفي طموحي اني اكون ناشطة في حقوق المراة
ولكن ما فيه قانون بالمنطقة اللي انا فيها وبسبب ظروف ما قدرت ادرس بمنطقة اخرى... انا الان في جامعة الدمام - مسار علمي انتهيت من السنة التحضيرية
والمسار العلمي عندنا يعني (تخصصات الit , و تخصصات ادارة الاعمال) كانت رغبتي تخصصات ادارة الاعمال وانقبلت فيها الحمدلله بس اتخصص بالسنة ال3

اللي احتاجه هو التوجيه والارشاد.. كيف ممكن اوصل لطموحي باعتبار وضعي حاليا (اني ماقدرت اتخصص قانون)

وعندي بعض الاسئلة..
1/ هل يصلح اني ادرس بكالوريوس في واحد من هذي التخصصات (مثل محاسبة او ادارة مالية...) وبعدين ادرس ماجستير قانون واقدر امتهن المحاماه؟
2/ لو كان ممكن حصول المذكور اعلاه.. هل تعتبر دراستي للتخصصات الادارية اللي ذكرتها كبكالوريوس فايدتني كمحامية ولا لا؟
3/ لو اخذت بكالوريوس "قانون تجاري" هل راح اقدر كمحامية اني اتدخل بقضايا غير "تجارية" ومالها شغل بتخصصي يعني مثلا جنائية او دولية الخ...
4/ عندكم فكرة اذا فيه فيه مجال يسمحوا بمزاولة المحاماة للبنات بالسعودية؟ وكيف بيكون النظام؟ محكمة ولا شركات ولا ايش؟
5/ ابغا فكرة عامة عن الفرق بين تخصص القانون التجاري والقانون العام ومميزات كل واحد... والاهم اي واحد منهم بيخدمني في طموحي كناشطة؟

ادري ثقلت عليكم بس انا محتاجة المساعدة والله يجزاكم الف خير مقدما

[adnans]

ناشطه في حقوق المرأه ( تسميه هدف ) قسم بالله لو تلفي الدنيا كلها ما تلقي زي شرع ربي ثم السعودية فحقوق المرأة رحت أمريكا وأوربا وكله وشفت المرأه عندهم تشتغل برى البيت ويتحرشوا فيها فاليوم مليون مره لين تجيها ألف حاله نفسيه فوق ذا كله ما تربي عيالها ولا تهتم بشي أسمه شرف ولا ضمير يعني حياه حيوانيه قولي الحمدلله على نعمة الاسلام ورغم كل كلامي الظلم الوحيد للمرأه هنا فالشركات أن رواتب المرأه نصف رواتب الرجل رغم أنه المفروض يكون راتبها دبل رواتب الرجل لأنها تشتغل أكثر والشباب يقضوا دوامهم فجرايد ودخان فمواقف الشركه وزي كذا غير كذا هنا ما يقدروا لو المرأه متزوجه وعندها حالة ولاده بصراحه الا اذا كانت بايعه شرفها للمسؤولين فالشركه الوضع فالشركات عندنا بس هو اللي للمرأه حقوق مهضومه فيه أما المجتمع والقوانين ترى شرع ربي ما فيه أي خلل هو خالق الكون ومدبرأموره بعكس البشر ناقصين ومحد كامل غير الله سبحانه .. نصيحه لك خلي طموحك تفتحي مشروع يرفع دخلك أنتي وأسرتك الكريمه وتبني مساجد أذا ربي فتح عليكي فأفريقيا وأندنوسيا وتكفلي أيتام هذا الشي باذن الله يفيدك فدنياكي وآخرتك وترى حتى لو أهلك نصحوكي على طريق مو طيب القرار فيدك وما راح يتحاسب يوم الدين قدام ربي الا أنتي اللهم أني بلغت اللهم فأشهد والسلام ختام

[نواف النباتي]

هلا فيك اختي
اقدر لك الطموح .

بالنسبة للقانون مافيه شيء اسمه حقوق مرأة وحقوق رجل
اعتقد كله بالشرع يمشي وصاحب الحق دائم غلاب !

اقدر طموحك الكبير جدا الذي اسال الله العلي العظيم ان يسهل امورك يارب

بالنسبة للدراسة : قبل كم سنة كنا ندرس القانون بشكل عام بجميع تخصصات
تجاري ، مدني جنائي ، اداري ،،، إلخ
ولكن في هذه السنتين تم تخصيص مسارات للقانون وهذه تعتبر جديدة الان
جرى العمل عليها لها سنة تقريبا ولا يوجد احد متخرج من الجامعة بالطريقة هذه انه
متخصص في مسار معين / تحديد المسار كان لطالب الماجستير فقط ،
وحنا بشهادة بكالوريوس من كلية الحقوق
هكذا ما نصت عليه وثيقة التخرج .

بالنسبة لك تخصصك هو ادارة اعمال
لا اعتقد بامكانك دراسة الماجستير وتصبحين محاميه لانك خريجة ادارة اعمال
الا اذا كانت هناك مجال من مجالات الادارة فيه تخصص يتعلق بالتجاري
قد تتمكنين من ذلك بان تكون رسالتك عن القانون التجاري
هذي لو تسالين عنها افضل
لانه اعتقدلا يمكنك .


* لو اخذتي بكالوريوس في التجاري ؟

نعم تكونين محامية ولكن
تكون مقتصرة على الشركات البنوك وغيرها
ولكن لا يحق لك الترافع والمدافعة بالمحاكم ابدا
يعني نعم محامية ولكن باي مكان غير المحاكم والمدافعه فيها
يمكن ان تكوني مستشارة ف بنوك في شركات في مكاتب
اي كان هذا المجال ولكن لايحق لك التدافع بالمحكمة .

بالنسبة لمميزات القانون التجاري والقانون العام : ؟

حاليا جميع الخريجين من الجامعة كلهم وثيقة التخرج هي قانون عام
لان هذه المسارات هي جديدة ولها سنة من التطبيق
ولم يتخرج احد منها الى الان
لذلك فإن الاجابة جميعنا قانون عام والى الان لم يتخرج احد متخصص في مسار معين .


* ملااحظة : اقدر لك انك تسعين للحفاظ على حقوق المراة كما ذكرتي
ولكن احب اطمنك انتي واخواتي جميعا
انني ومن خلال تجربتي كمحامي ارافع وادافع بالمحاكم
ان الحمد لله المرأة بالنسبة لحقوقها الشرعية والقانونية الحمد لله حاصلة عليها
ونحن منهجنا الشرع ما يقولها الشرع نسير خلفه
والقران والسنة فصلها ونحن نتبع القران والسنة
لذلك من له حق بأن مهمة المحامي ان يدافع عن هذا الحق
والحمد لله سواء كانت مرأة او رجل من لديه الحق
بإذن الله سوف يحصل عليه
لذلك لاتقلقي من ناحية حقوق المراة .


موفقة يارب