من فين أسجل؟!

[englishh student]

السـلآم عليكم

كيف الحال جميعا؟!

الحين انا سجت أختي في الجامعة عن طريق الموقع طبعاً


طيب لو أبغى اسجلها في الكلية كمان من فين أسجلها...لو من موقع اعطوني الرابط اذا ممكن...

[سعيد الغآمدي]

مافيه كليه
احنا في 2010
الكليه بعد السنه التحضيريه وعلى حسب المعدل

[MNMO0ONA]

اهلا ياعسل
دحين ماتقدري تسجليها في الكليه نسبتها الموزونه هيا اللي حتحدد ادا حتنقبل في الجامعه او الكليه
وبالتوفيق للجميع

[englishh student]

يعني كل اللي عليا اني اسجلها من موقع جامعة الملك عبد العزيز وبس؟؟؟

وهم يحددوا فين راح تنقبل؟؟ جامعة ولا كلية ولا ايش قصدكم

معليش ماني فاهمة هذا النظام الجديد

[سعيد الغآمدي]

المشاركة الأصلية كتبت بواسطة englishh student يعني كل اللي عليا اني اسجلها من موقع جامعة الملك عبد العزيز وبس؟؟؟ وهم يحددوا فين راح تنقبل؟؟ جامعة ولا كلية ولا ايش قصدكم معليش ماني فاهمة هذا النظام الجديد

ايه نـ ع ـم
اختك العزيزه تسجل في الجامعه وتحدد رغبتين بالترتيب
بين المسار العلمي والمسار الاداري
فبعد قبولها ان شاء الله في احد المسارين او المسار التي ترغب
في الترم الثاني وفي منتصفه تقريبا تحدد الكليات التي تريدها وبالترتيب

وحسب المعدل تدخل الكليه والقسم الذي ترغب به اختك


ها اتضحت الامور ولى لا؟

[MNMO0ONA]

المشاركة الأصلية كتبت بواسطة سعيد الغآمدي ايه نـ ع ـم اختك العزيزه تسجل في الجامعه وتحدد رغبتين بالترتيب بين المسار العلمي والمسار الاداري فبعد قبولها ان شاء الله في احد المسارين او المسار التي ترغب في الترم الثاني وفي منتصفه تقريبا تحدد الكليات التي تريدها وبالترتيب وحسب المعدل تدخل الكليه والقسم الذي ترغب به اختك ها اتضحت الامور ولى لا؟

اللي فهمتو منها انو البنت تقصد انو تبغا تسجل اختها في كلية التربيه مو في كليات الجامعه
وبالتوفيق

[MNMO0ONA]

ايوا انتي سجليها عاتي وبعدين نسبتها حتحدد ازا حتنقبل في الجامعه او الكليه

[LAYAN89]

انا اقصد الكلية بكبرهـا..

مو في ناس يدرسوا في جامعة وفيه ناس يدرسوا في الكلية؟؟انا اقصد الكلية

مو كليات الجامعة زي ادارة واقتصاد وعلوم والاداب والعلوم الانسانية

[MNMO0ONA]

المشاركة الأصلية كتبت بواسطة layan89 انا اقصد الكلية بكبرهـا.. مو في ناس يدرسوا في جامعة وفيه ناس يدرسوا في الكلية؟؟انا اقصد الكلية مو كليات الجامعة زي ادارة واقتصاد وعلوم والاداب والعلوم الانسانية

ايوا انتي سجلي عاتي على موقع الجامعه وزي ماقلتلك معدلك راح يحدد ازا حتنقبلي في الجامعه او الكلية
وازا معدلك قبلك في الكليه لما تطلع نتيجه الفرز وتدخلي موقع الجامعه
حتلاقي تحت اسمك كلية التربيه يعني قبلوكي بس في الكليه
واتمنى اكون افدتك
وسوري ازا كان الرد متاخر

[LAYAN89]

ياجماعة لما اكتب النسبة تبع الثانوية يقولوا لي تأكدي انها تكون من 60- الى 100

وانا كاتبة زي كذا مثلا 86,09

ولما اكتبه بهذي الطريقة مايقولوا لي شي 86.09

فين الطريقة الصــــــــــــح