استفسار عن تخصص ادارة الاعمال

[ام العريض]

ابي اسال عن ادارة الاعمال هل لها مسارات واذا لها ايش هي المسارات ومتى تتخصصين فيها

[حلم ماضي]

مساء الخير
ياهلا اختي
انا سألتهم من زمان وقالوا لي اداره اعمال لها مسار واحد عام
يعني مافي تخصص
هذا الي قالوه لي ..
موفقه اختي لكل خير

[fagh3969]

اختى مش لازم تسلى احد
ادخل موقع الجامعة ==الكليات == ادارة اعمال
راح تلاقين كل المسارات المتاحة وكل المواد لكل مسار
وبتوفيق

[حلم ماضي]

المشاركة الأصلية كتبت بواسطة fagh3969 اختى مش لازم تسلى احد ادخل موقع الجامعة ==الكليات == ادارة اعمال راح تلاقين كل المسارات المتاحة وكل المواد لكل مسار وبتوفيق

مساء الخير
كيف مو لازم تسأل !!!!!!!
لازم ونص بعد
لان التعليم عن بعد يختلف عن الانتظام وهالشئ مو مذكور في نظام التعليم عن بعد (مسارات كل مجال دراسي )
ولمن سألت شطر الطالبات قالوا لي التعليم عن بعد يختلف بس له مسار واحد عام
الله يغير الحال ويكون في تخصص يارب
ومن ضمنهم نظم معلومات اداريه

[raaz]

وانا بعد سمعت انهم راح يفتحو عدة مسارات والله كريم.

[حطام أنثى]

هلا أخوتي..

انا سألت كدا مرة وقالوا احتمال من الترم الجاي يعني السنـه الجديده يفتحوا كدا مسار يعني أنا أتوقع يفتحوا مسارين بس وهذا شيء مبدأي لما يسير أقبال على التعليم عن بعد .. والله اعلم...

[فاقدة أبوها]

أختي حلم ماضي وشو مسار نظم معلومات ادارية
أول مرة أسمع فيه!!

[حلم ماضي]

مساء الخير
اختي فاقدة ابوها (الله يسعدك ياختي )
انا لقيت مسار نظم معلومات اداريه في الانتظام مش التعليم عن بعد
وعجبني التخصص واريد ادرسه وكنت افكر انه يوجد في التعليم عن بعد لكن لمن سألت قالوا لي ان التعليم عن بعد له مسار واحد فقط لادارة الاعمال
ان شاء الله مثل ماقالوا البنات ان في مسارات ثانيه مثل الانتظام ماتكون دراسه عامه فقط ..
هذا رابط الانتظام شوفيه وشوفي الفرق بينه وبين التعليم عن بعد ..http://economics.kau.edu.sa/
ان مافتح عندي عند اختيار ادارة اعمال .. بس راح تلاقين المسارات مكتوبه ..

[سر الوجود]

السلام عليكم ورحمة الله

يعني أختي حلم ماضي ان الأنتظام والأنتساب له مسارات
بعكس التعليم عن بعد فقط ادارة أعمال ؟ واذا كان تخصص ادارة اعمال عامة ماراح يكون له مجال في التوظيف ؟

[حلم ماضي]

مساء الخير
انا مادري عن الانتساب
بس الي اعرف الانتظام والتعليم عن بعد الي قالت لي عنه شطر الطالبات ..
بالنسبه للتوظيف الله الرزاق
ادارة اعمال الي قالوا لي عنه مساره واحد فقط يعني ندرس فيه كل شئ ومن ضمنهم نظم معلومات اداريه ..
وان شاء الله يكون في تخصص ..
دراستنا راح تكون عامه يعني من كل شئ وهذا شئ طيب عند التقديم للعمل
مثل الدبلوم الي عندي دبلوم علوم الحاسب كل شئ درسته برمجه شبكات هندسه
عكس لمن اتخصص في البرمجه فقط او الشبكات فقط ..
والخيار للانسان بعد الدراسه انه يتخصص او لا ..
عرفت قصدي !!