محتاجه احد يفيدها

[جنون طفله]

السلام عليكم ورحمة الله وبركاته

انا طالبه في خطه ب ومدري متى الدوام ولاادري ولا شي ولما فتحت دحين الاودس اشوف الجدول لقيت
اعلان عن التسجيل في السنترا ماادري اش السنترا دي ولاادري متى دوامي وسمعت انوخطه ب تعليم عن بعد فاتمنى منكم اللي عندو اي معلومه يفيدني لان والله ماادري اي شي واش تنصحوني اسجل وإلا لا ويعطيكم الف عاااااااااااااااااااااااااااافيه اتمنى ماتبخلو علي في اجابتكم

[SARO0O]

مرحبا

ياحبيبتي اسمعي احنا خطة ب حولونا تعليم عن بعد زي ماأنتي عارفة واللي سار انو مالنا دوام في الجامعه الحضور عن طريق برنامج السنترا اللي هو غرف افتراضية عن طريق النت نأخذ منها محاظراتنا يعني حتكون دراستنا عن طريق النت اما عن بداية الدورة فاللي اعرفو انو زي ماهو مكتوب في التقويم يوم 18\12 وطبعا طريقة التسجيل انك تدخلي على الاوديس وتسوي اضافة للمواد اللي عندك واذا تبغي تحضري احضري ماتبغي براحتك الشي ماهو اجباري بس عشان تستفيدي واما اذا تبين النصيحة بخصوص انك تسجلي ولا لأ ففي بنات يقولو لاتسجلو وبنات يقولو سجلو انا سجلت وانتي سوي اللي يريحك

وهذا اللي عندي اتمنى اكون افدتك واذا احتجتي شي اطلبي

saroOo

[ابو جوزيف]

ما ازيد على كلام الاخت saroOo شي بصراحه كفت وفت دوره سنترا مهمه وافادتنا كثير.............تقبلوو مروري

[سكايو10]

مشكوره ساروو عالتوضيح ...

[هقاوي الجبيل]

سلمت يمناك أختي سارو على التوضيح
وجنون إن شاء الله تكون استفادت من كلامك
والله يوفقك الجميع

[جنون طفله]

يعطيكم الف عافيه ماقصرتو بس عندي سؤال تاني ادا جبت معدل عالي اقدر احول قسم علمي لان انا لما روحت الجامعه وسألتهم قالتلي دحين ارسي اداري وبعد كدا تخصصي اي تخصص لمدة اسبوع وإدا كان معدلك عالي في التحضيريه تحولي قسم علمي بعد اسبوع لو تبغي طب بس جيبي معدل عالي بس يقولو الجامعه كزززابين يعني بس يعشموكي وبعدين يقولو لا ومادري بس ادا كان صح كم المعدل المطلوب وسوري تقلت عليكم