نبذة عن قسم المختبرات الطبية

[عبوور]

السلام عليم ورحمة الله وبركاته
أسعد الله صباحكم | مسائكم
أولا بكتب ده الموضوع لانه كثير بيسأل عن الكلية وماهو معروف أقسام الكلية أنا راح أكتب عن مختبرات لانه قسمي وراح اتخرج منه قريب إن شاء الله
الكلية 3 أقسام للطلاب و 5 أقسام للطالبات
للطلاب والطالبات :- مختبرات – علاج طبيعي – أشعة
للطالبات فقط :- تغذية – تمريض
· المختبرات :- 4 سنوات دراسة وسنة تدريب الامتياز 3 سنوات الاولى دراسة محاضرات ومعاملها كلها في الكلية حسب النظام القديم النظام الجديد طبعا سنة أولى تحضيري وتبدأو من سنة ثانية في الكلية لترتيب المواد في أي سنة أرجعوا للخطة الدراسية في موقع الكلية لانها أتغير الترتيب شوية عن أيامي لانه في مواد كنا ندرسها سنة أولى مهمة للقسم وأتلغت مع سنة أولى زي مصطلحات طبية بالانجليزي أومعني أدق لاتيني وأساسيات الطب, السنة الرابعة كلها تطبيق في المستشفى بالاضافة لمادة ادارة مختبرات وضبط الجودة وبحث التخرج
· نبذة مختصرة عن المواد:-
§ أساسيات الطب :- تنقسم المادة لقسمين مهارات ومقدمة لباقي المواد الاخرى
في قسم المهارات تدرسي عن المهارات الحياتية يعني عن الثقافة الثقة بالنفس كيف تقرأ كتاب كيف تأخذ نوت لمحاضرة أشياء زي كده محاضراتها ممتعة
في القسم التاني مقدمة عن كل مادة زي التشريح الصيدلة الجينات
أخذناها في سنة أولى ما أعرف اذا اتلغت أو صارت سنة تانيه
§ مهارات مختبرية :- أول شيء درسنا رياضيات مختبر هذا الجزء جدا مهم وكل سنة تختبروا فيه هو مسائل أساسيات جدا في الرياضيات زي تحويل الوحدات النسب المئوية أشياء زي كده
بعدين جزء عن الامان في المعامل الامان مع الحريق الكهرباء المواد الكيميائية الاشعة باختصار كل شيء عن الامان .
واخر جزء عن جمع عينات الدم طريقتها والفرق بين الانابيب المخاطر باختصار كل شيء عن عملية سحب الدم.
§ أجهزة طبية :- ترسوا عن كل جهاز كيف يشتغل بحيث لو وقف المفروض تعرفي كيف تعمل عمل
§ وظائف أعضاء وتشريح
تشريح جزء جدا صغير بس تتعرفوا ع الاعضاء والشرايين والاوردة المهمة
وظائف أعضاء تدرسوا كل جهاز وظيفتة في الجسم يعني زي الاحياء
§ علم الوراثة و الجينات:- تدرسوا عن انتقال الجينات والنظريات بعدين جزء عن الاجهزة اللي نستخدمها مع الجينات طبعا في الكلية المادة جدا مختصرة لكن هذا المادة لها مستقبل جدا ف الطب لانهم بيحاول يطالعوا علاجات للامراض الوراثية تغي الجينات بحيث الامراض ماتنتقل للاجيال القادمة كمان الأمراض السرطانية " أجرانا الله وإياكم منها" أغلبها بسبب تغير في الجينات لو قدرنا نرجع نغير الجينات معناته كتير من الأمراض السرطانية راح تتعالج
§ أمراض الدم :- أول شيء نشأت كل خلية في الدم كيف تكون والعوامل المؤثرة عليها ومتي تزيد وبعدين لو أي خلية منهم أصيبت ايش راح يصير في الجسم وطبعا جزء منها الامراض الوراثيه في الدم
§ كيمياء سريرية :- مجداد رياضيات المعامل بعدين تتكلم عن الانزيمات الهرمونات الالكتروليات الفيتامينات في الجسم كيف تكون طبيعية ومتى تختل والامراض اللي تؤثر عليها
§ مناعة :- فيها جهاز الدفاع عن الجسم خلاياه وعمل كل واحد منهم وامراض المناعة زي الحساسية والامراض اللي الجسم يحارب نفسه فيها .
§ أحياء دقيقة تشخصية :- عن الفيروسات والبكتيريا والفطريات
بعدين عن كل العينات اللي تجي المعمل كيف تتعامل معاها والمتوقع انه يكون فيها والمضادات الحيويه اللي تستخدم فيها
§ طفيليات طبية :- "أو بالعامي ديدان " كل طفيل فين يكون وطرق الاصابة والعدوى والمرض اللي يسببه وطرق الوقاية منه
§ بنك الدم :- يتكلم عن فصائل الدم وعملية التبرع من البداية للنهاية حفظ الدم وتقسيمه ومين يحتاج كل جزء من الدم
§ تحليل البول وسوائل الجسم :- تتكلم عن كل سائل في الجسم باستثناء الدم يكون أهمها البول كيف يكون طبيعي وكيف كل مرض راح يلأثر على سوائل الجسم كلها ومتى نحتاج عينات من سوائل الجسم
§ تقنية الانسجة والخلايا:- جزئين نظري وعملي في الجزء النظري تتكلم بتفصيل أكتر عن خلايا الجسم وتركيبها والعملي كيف تتعاملي مع عينة عبارة عن نسيج في المعمل وتحولها لشرائح يمكن حفظها لعشرات السنين
§ ادارة مختبرات وضبط الجودة :- كيف تدير مختبر وكيف تراقب سلامته واداءه
§ بحث التخرج :- تختار الدكتور المشرف عليك وهو يختار الموضوع اللي يكون عن البحث
هذا باختصار عن كل مادة إن شاء الله راح أكتب عن كل معمل المرة الجاية أي أسئلة أنا في الخدمة وأخيرا دعواتكم

[$chocolate$]

اشكرك عالمجهود الرائع

بس عندي استفسار بسيط

دحين لو اخترت الكليه دي وابا ادخل قسم مختبرات ادرس كول اللي قولتي عنو ولاكيف بالزبط >>المخ شويا ضرب

[● ά7Ļά şùģάя ●]

^
^

يب رآح تدرسي كل الموآد دي
ع ثلآث سنوآت غير التحضيري
والخآمسة للتطبيق

[راسيه]

ماشاءالله شرح وافي ومختصر لكل الموآد ..

الله يكتب دا التخصص ليا بإذن الله ..

مره حبيته , وكل ماأقرا عنه احبه اكتر ..

يعطيك الف عافيه اختي عبورهـ ..

وربي يوفقك وتتخرجي بدرجآتـ عاليه إن شـآء الله .. ~

دعوآتكم ليآ انقبل مختبرآتـ .. !!

[عبوور]

العفو شوكلت وزي ماقالت احلى شجر راح تدرسيها كلها على 3 سنين
راسية بإذنه تعالي ربنا ييسرلك هو ربنا معاكي وشكرا ع الدعو بليز ماتنسيني من الدعاء

[shaima]

هل الي يتخرج من دا القسم يكون مؤهل لانو يشتغل في مراكز ابحاث متقدمة .؟

او مركز نانو مثلا ؟

ممكن تعطيني مثال على بحث التخرج ؟

[shaima]

كمان سؤال

ايش تعملوا في السيمينرز ؟

تدريبكم يكون مكثف بس في الامتياز ولا طول الدراسة؟

[عبوور]

مثال بحث التخرج بجثي عن محاليل جديدة جاءت تكشف عن مرض انفلونز الخنازير وطبعا قبل ماندخل اي شيء المعمل لازم نختبره فبحثي الان أتأكد أنه دي المحاليل جيدة كمان في بحث أخذ مسحات من أجهزة الكمبيوتر في العناية المركزة ونشوف ايش فيها
أيوة المفروض يكون مؤهل انه يشتغل في مراكز الابحاث وكتير من الموجودين في مركز أبحاث الملك فهد مننا
السيمنار برزنتشين لبحث التخرج تعرضي امام الدكاترة واهلك واهل صحباتك يعني حفلة عليكي
التدريب جيد المرة الجاية اتكلم عنه عدل بس دحين اجوبة ع السريع

[shaima]

اقدر اختار موضوع البحث بكيفي واستغل فيه مع قروبي ؟

سؤال ثاني مهم جدا ..... تتدربو على تقنية pcr او pvr .. ناسية اختصارها بس متعلقة بنسخ الdna ؟

كيف الطالب يتخصص في الدراسات او الهندسة الجينية بعد مايتخرج من تقنية المختبرات الطبية ؟

جزاك الله خير على اجابتك لأسئلتي

[AL-SULTAN K.A.U]

جزاك الله خيرا.....