تجمع خريجي قسم الادارة العامة للفصل الدراسي الثاني 2010

[go2]

المشاركة الأصلية كتبت بواسطة المحافظ ابو تركي اتوقع انك تقصد هالموضوع حق سطام آخر اخبار استلام وثائق الخريجين المنتسبين للفصل الدراسي الاول

هلابك اخي الكريم

نعم هذا الموضوع الله يجزاك خير
ايضا الرابط الاول به معلومات مفيدة

شكرا لك بارك الله فيك

[أسيرها]

بارك الله فيكم جميعاُ ولا حرمنا منكم ووفقنا وإياكم لرضاهـ

[المحافظ]

بالخدمه ياعمده

ابن ادم يبي كل شئ سريع سريع.....هالحين ليش مايسلمونا الوثائق هالاسبوع...
واحد من الشباب قايلي ماراح احط عشاء تخرجك حتى اشوف وثيقه التخرج بعيوني يعني مافيه ثقه ابد :)

[أسيرها]

ههههههههههههههههههههههههههههههه

يا كافي

.
.

إي والله
حتى تاريخ 15 شعبان من جد مشوار

[ناصر2009]

المشاركة الأصلية كتبت بواسطة أسيرها صباحكم نور و سرور . شلون الغالي أبو تركي . . شباب من يجيب لنا خبر التوصيات المطلوبة في شروط التقديم للماجستير كيف نحصل عليها ؟ هل لها نموذج خاص ؟ كيف الصيغة ؟ نكتبها على ورق عادي ولا لازم تكون على ورق الجامعة ؟ من وين نطلبها ؟ كم تستغرق من الوقت للحصول عليها ؟

اخوي اسيرها ولايهونون الربع

التوصيات ياطويل العمر والسلامة فيه لها نموذج موجود بالكلية

توقع توصيتين من دكتورين وتختمها من القسم واحسن شئ توقع توصيه من دكتور مادة لها علاقة بموضوع الماجستير اللي تبغى تقدم عليه
يعني تبغى تقدم ماجستير موضوعه يدور عن الموارد البشرية حاول توقع من دكتور مادة الموارد البشرية وزي كذا والله يوفقنا واياكم وكل المسلمين باذن الله

[KhalnowiF]

والله سعيد لأجل جميع الزملاء.
مبارك تخرجهم وعقبال الشهادة العليا .


عندي استفسار صغير :
انا مجاوب ومتأكد من تجاوزي لمادة أجهزة التطوير الإداري، بس للأسف النتيجة راسب .
انا خريج ولم يتبقى لي سوى هذه المادة، ولا اعرف ماذا أفعل .؟
اغيثونا يازملاء .

[أسيرها]

أخي الحبيب الغالي ناصر 2009

بيض الله وجهك يالغالي ولا هنت

وتوصيتك بخصوص إختيار دكتور متوافق مع التوجهات في الماجستير ممتازة ومهمة جداً

.
.

أخي الحبيب الغالي KhalnowiF

الله يعوضك خير ، واوصيك بطلب مراجعة الورقة ومحاولة طلب الشفاعة من الدكتور نفسه أو من دكتور آخر ليتم إنقاذك منها

وإن شاء الله تبشرنا بتخرجك يالغالي

[الكسير -k]

ياشباب احس ان الموضوع كميرا خفية
انا متخرج هذا الترم ولله الحمد عديت كل المواد وانا الحين مخلص 128 ساعة زي ما هو مكتوب بالخطة الدراسية القديمة السالفة اني باقي لي 6 ساعات مواد حرة وزيها اختيارية استفسرت من الاخوان اللي بادارة الكلية وافادوني اني استطيع اضيف المواد على حسب طلبي بالنسبة للمواد الاختيارية تكون من نفس الكلية اما المواد الحرة تكون من اي كلية انت تبغاها حتى لو كانت من كليتك المهم اني ضبطت الجدول وجبته لهم وقالوا لي اوكيه خلاص انت موضوعك منتهي اهم شي تخلص 128 ساعة وتتخرج وانا الان احس اني في دوامة ووضعي الى الان متوقع تخرجه وما عدلوه وش العلم يارجال مالها داعي اخذ ترم كامل علشان مادة حرة

[go2]

المشاركة الأصلية كتبت بواسطة الكسير -k ياشباب احس ان الموضوع كميرا خفية انا متخرج هذا الترم ولله الحمد عديت كل المواد وانا الحين مخلص 128 ساعة زي ما هو مكتوب بالخطة الدراسية القديمة السالفة اني باقي لي 6 ساعات مواد حرة وزيها اختيارية استفسرت من الاخوان اللي بادارة الكلية وافادوني اني استطيع اضيف المواد على حسب طلبي بالنسبة للمواد الاختيارية تكون من نفس الكلية اما المواد الحرة تكون من اي كلية انت تبغاها حتى لو كانت من كليتك المهم اني ضبطت الجدول وجبته لهم وقالوا لي اوكيه خلاص انت موضوعك منتهي اهم شي تخلص 128 ساعة وتتخرج وانا الان احس اني في دوامة ووضعي الى الان متوقع تخرجه وما عدلوه وش العلم يارجال مالها داعي اخذ ترم كامل علشان مادة حرة

السلام عليكم
لا تخاف باذن الله تتخرج
انا بعد مكتوب لي نفس الشي وننتظر تعديلها
اذا كان مافهمت قصدك ارجو المعذرة

بالتوفيق
ابو تركي

[عازف الروح]

السلام عليكم

صبحكم الله بالخير يا عيال دفعتي << حلوه عيال دفعتي
تذكرت عيال فصلي


...

العلم انه .. النظام مفتوح ويطلع لنا متوقع تخرجه ... الى ان تطبع الوثائق
بعد طباعة الوثائق .. يقول لنا مستر اوديوس باي بااي .. الحاله بكالوريوس علوم لا يمكنك الدخول


يالله بالتوفيق يا عيال دفعتي