تخصص دراسات اسلاميه ...!! ضروري الدخول

[showg@h]

السلام عليكم ......


بنات انا حابه اسال عالمواد السهله عشان ابغى ارفع معدلي وبالنسبه للمواد العامه ياليت تفيدوني

وشكرا

[غيم تايه]

عليكم السلام ورحمة الله وبركاته

انتظر رد البنات عليك ، وفي حالة رغبتي المساعدة من غير بنات جلدتك ابشري بالتوفيق .

[showg@h]

مششكور,,,,,,, ياجماعه ليش محد رد الان انا سالت البنات على شان يفيدوني فالاستاذات

[سـمـرـرـر..!]

السلام عليكم ..

اختي .. شفت موضوعك من امس.. وكتبت لك كل شي عن كل المواد اللي درستها في 3 سنين .. ونبذه عن كل ماده.. وعن الإستادات اللي درسوني هيا.. بس ماظهر معايا.. حصل خلل وماظهر..

لاكن بكرا الصباح الفجر.. بإذن الله .. رح اعيد كل شي لك..

ولاتخافي المواد جدا ممتعه.. لانو ماعندي وقت خارجه من البيت دحين ..

زي ماقولت بكرا الصباح .. اكتب لك كل شي . لمن تزهقي ههههه

الله يوفقك..

الموعد اليوم الفجر ..

..~

[سـمـرـرـر..!]

بااااك...صبآآح الهنا .. كيفك البو يارب مبسوطه.. اسمعي انا احاول انزلك بسرعه على بال مايجي السواق .. حاروح الجامعه ..


.................................................. ..................

شوفي البو .. انا رح ارتب لك المواد من الأسهل الى الأقل سهوله.. لانو مافي مواد تصعب عالشطار..

مابغى اسمع منك كلمه صعبه .. كلها سهله بس بعضها تحتاج حفظ وترتيب وتنظيم ووقت مرتب ..

شوفي ..

رح اقسم لك المواد .. على حسب سهولتها او صعوبتها .. 3 مجموعات ..

1~ السهله.... 2~ الوسط.3~ الأقل سهوله..


.................................................. .................

بسم الله .. يارب سهل ...

(((المجموعه الأولى..)))

هدي المواد جدا جدا جدا سهله.. اي وحده تنجح فيها وبدون مجهود جبار ..عني حتى لو تقري لك كم كلمه رح تنجحي وبإمتياز كمان.. مرا سهله ..

اولا..1~ (( فقه الدعوه الى الله..))

من اسهل وابسط المواد اللي مرت عليا.. كلها تتكلم عن صفات الداعيه ..وطرق الدعوه الى الله..يعني وسائل لنصح الناس باسلوب حلو.. هدي كانها منشوره دعويه .. الملزمه فيها 7 ورقات وبس .. تصوري ..

لأنها مرا ماتنفع ماده .. كانها دوره لمده يوم واحد..رح تتبسطي ..

ثانيا..2~((الإقناع.))

ماده ممتعه .. المحاضرات ممتعه.. لانو محتواها مرا لزوز.. يتكلم عن كيف تستخدمي اسلوب حلو عشان تقنعي ناس بفكرتك.. المنهج ملزمه كلها ماتتجاوز 20 صفحه..

حتنجحي صدقيني..

ثالثا .3~(( فقه السيره))

هدي كمان كلها قد عرفناها من واحنا صغار.. كل المعلومات اللي براسك عن الرسول بالضبط هيا دي اللي رح تدرسيها ..

الماده (قراءه) الأستاده بس تقرا من الكتاب .. مافي ولا شي تفهميه .. بس حفظ .. هدا ادا احتاج كمان..نجاحها مضمون..
100 في الـ100

رابعا ..4~(( مهارات تفكير))

أما دي الماده تحفه بصراحه..هدي عن طرق التفكير الإبداعيه ..يعني يشرحولك كيف تفكري بحياتك بطريقه الناس ماتفكر فيها.. يعني يخلوكي ذكيه وتنتبهي لاشياء الناس متجاهلتها ... يعني تصيري ..كوول هههه

وهيا كمان يدوها دورات خارج الجامعه .. وياخدو عليها فلوس برا .. يندرج تحتها القبعات الست .. ادا بتعرفيه..

المحاضره كلها لعب وفله.. تتقسمو مجموعات ..ومسابقات بين المجموعات .. خديها بس للتسليه ..

نجاحها في جيبك..

خامسا..((حاسب الي))

هادي انا ابعرف مين اللي حطها ماده..!!
تعرفي ايش يدرسوكي..؟؟

الوورد .. البوربوينت .. اكسل.. كيف تسوي ملف .. وتغير يخلفيه سطح المكتب ..

الكل عارفها .. مرا مالهم داعي في منهجهم البايخ.. حق بزوره..رح تنجحي بجداره .. اصلا الإستاده رح تستحي ترسب اي طالبه فيها ..

خديها اضمنها لك..

سادسا.. ((الحديث.))

تصوري يدوكي احاديث عن حسن الخلق .. وحقوق الجار .. ويشرحولك المستفاد من الحديث .. ومعاني الكلمات .. ونفس الأحاديث الل يدرسناها زمان.. هيا باللهي ماكأننا برابع ابتدائي..!!

مررراااا سهله .رح تنجحي بإمتياز كمان..

سابعا..[/

[سـمـرـرـر..!]

برب السواق جا..

حاكمل بعدين ..

..~