ترشيح رئيس لـ رابطة نادي الإتحاد

[Life as Game]

المشاركة الأصلية كتبت بواسطة بآسكن روبنز عسكريم مشوي .. مافي مويه مقليه النسور المحلقه اطلق فريق سعودي كابتن الفريق صاحب اخويا متخرجين من المتوسط سوى لا ياولدي يلعبو بدون حكم من قوة التزام مرا محد يرجع بيتو بيد مخبوطه ولا ضلعين مكسره بس بعضهم يحب يعمل زياره للمستشفى يتاكد من سلامة الجمجمه خبرك الحذر واجب خلي البطاقه موش عايزاها الا صحيح فيه نكهة باسكن بالعسل و لا مافي ؟!

موية مقلية ؟؟
انا عندي لك حركة مررة حلوة ..
اول شي اغلي الزيت لما يطلع صوت ,,<< على حسب الزيت في صوت بوري وفي صوت باخرة
بعدين صبي جواتو مويه ..يطلع طعمها احلا من البيك << بس لازم يكون عندك تأمين صحي ..اما ادا كان ابوكي عسكري اكيد حيكون عندك فرصة تتعالجي في المستشفيات العسكرية

بخصوص النكهة العسل ..ايوا بس للأتاويين .,كل المزايا الحلوة فينا ..
بس ما قد جربت النكهة ادا رحت المحل ما اطلب الا فراولة و فانيليا,,
اشتري عادة بـ 12 تقريبا ..بس ادا كان احد معاي في السيارة اشتري ليهم ارخص شي ولنفسي بـ30 ريال خخخخ
وادا احد صايح اقول احمد ربك لا ارجعو ,,الشرهة عاللي يشتري لك,,خخخخخ << طبعا في ناس معاه فلوس بس ما يبغى يدفع وادا تجملت معاه قام يتشرط
على فكرة ترى ما ادري ادا في نكهة عسل عندهم بس حبيت امزح

المشاركة الأصلية كتبت بواسطة واحد هادي أنا أسجل نفسي كعضو اتحادي وجاهز لخدمة النادي بخصوص رئيس الرابطة انا جديد بالمنتدى كمشاركات وما اعرف كثير لكن اللي تشوفوه أنا معاكم والاخ لايف ماعليه رجل حبوب ومحترم ولو انه مايعرف البيوس خخخخخخخ بالتوفيق أبو الجود

اهلا فيك ابو جود ..
حياك الله ..في اي وقت ,,
وشرفتنا ونورت ,,

تسلم على الاطرائات دي ...ترى اعرف البيوس اجالي كيف افرمت ..
بس اللي ما اعرفوا هوا برنامج بنت ابوها القوي الخطير ..مدري ايش الهرجة
الا صحيح فينها البت دي ؟؟ ترى هيا اتحادية ..

بالتوفيق لك ,,

المشاركة الأصلية كتبت بواسطة أُنْـثَـى مَلآئِكِيَـهْ يؤ يؤ الموضوع حماسي جدا جدا جدا اخر شي ^^ انا حكون بتاع كلو لو تحبو يعني اي شي للاتحاد بحطو هنا

اهنن فيك ..
نورتي ..كوني بتاع اي حاجة مو مشكلة ,,بس ودي تكوني بتاع الكركتيرات ,,لانو الكركتيرات اللي تجيبيها مرة كاااي ههههههه

على فكر الصور اللي نزليتيها مرة حلوة ..بس ما فيا حيل اقتبسها
شرفتي

[نوف18]

ارشششششششششششح ’’

Life as Game


بالتوفيييييييييييييق :)

[Life as Game]

المشاركة الأصلية كتبت بواسطة حلاوتي في شقاوتي ما شاء الله لايف ضارب ع السووووووووووق يلآ انا ارشح صاحب قبعة القش عميــــــــــد القراصنة ألـــــــــــــو ألــــــــــــــو ميـــــــــــــــن بيتــــــكلم الإتي يا معـــــــــلــــــــــم وبالتوفـــــــيق للجميــــــــــــع

اهنن جزيلا نامي سان
يسلمو عالترشيح ..يديك العافية
عميد القراصنة ههههههههاي

المشاركة الأصلية كتبت بواسطة أم خالد2010 موجودة انت اللي مختفيلمن قفلت الوناسة صرت موجودة في الخيمة الرماضانية وقسم لها24 ساعة اناهناكويسلمك من كل شر تستاهل كل الخير’’’منورة بوجودك ياناسواعليك

اهاا ..لا اساسا من قبل رمضان بيوم انقطعت عن المنتدى عشان العبادات ..<< كداب طول رمضان نايم

وما رجعت الا الايام دي ..<< لما احد يقول فينك مختفي ..يسأل بنفس السؤال عشان يصرف الهرجة


مشكورة عالسؤال ..الله يوفقك ,,

[Tomy]

مشاء اللهـ عليكـ أخوي لآيف شكل
الكورهـ تسري في دمكـ

::

[Abdulrahman alqahtani]

المشاركة الأصلية كتبت بواسطة tomy مشاء اللهـ عليكـ أخوي لآيف شكل الكورهـ تسري في دمكـ ::

افضح يا لايف؟؟

خلاص ما بنتكلم عشان لا يبطلون ترشيحك

انا ارشح لايف

[Tomy]

المشاركة الأصلية كتبت بواسطة راقـ ي ورايـ ق افضح يا لايف؟؟ خلاص ما بنتكلم عشان لا يبطلون ترشيحك انا ارشح لايف

و أنآ مأ أولتش حآقهـ غلط و لا أنآ غلطآن
على العمومـ نرشح لآيف ...((

::

[Life as Game]

المشاركة الأصلية كتبت بواسطة م.عبدالله يييجيي اوك بكرة اديني المنصب تسلملي والله صدق انك تستاهل الرئاسة بس ماراحت بعيد باخوذها>>مسوي ماشاف اللي بالابيض لكن انا اوريييك اصلا بكرة مارح اداوم عشان ماعندي شي وانتا رووح داوم ولا تنسى تاخذلك من حليب الابل اللي بجنب الشارع على اليمين اخرتها مفك عججل اذا ناوي بشر فخذلك طفاية صدقني تجي بين العيووون مزبووطة

شوكرا شوكرا ..خلاص راح اعتبر ردك تنازل ليا عن الرئاسة ,,..
ههههه يا مسكين اتاريك ما داومت ,..تصدق حتى انا ماداومت خخخخ ..لكن لا تخاف حأصيدك في الثقافة الاسلامية,
قبل امس سمعتو ينادي اسمك ..جلست ألتفت ألتفت ولا في امل اشوف وجهك مندس في الزاوية خخخ
على فكرة فين حليب الابل دا اللي عاليمين ؟؟..يقولوا يسبب نزلة معوية ..عند اول استخدام ..
وانا ناوي اسوي مقلب في واحد خخخخخ
........
خلاص شبابين وبناتات ..تم تنازل عبدو عن المنصب ..

المشاركة الأصلية كتبت بواسطة واحد هادي life as game و م.عبدالله بالله ليش تزعلو نفسكم انتو الاثنين الدعوة حاسب وهندسة... طيب انا أكبركم في العمر ومعاي بكالوريس تقنية معلومات وحاسب الي وناوي ادخل ماجستير هندسة صناعية.... يعني أنا راح أسوي الوحدة الاشتراكية بينكم يصير لا مفك عجل ولا محلات بنشر أنا بصير الرئيس خخخخخخخخخخخخخخخخخخ

هههههههههههههه ,,
خلاص يا راجل ما عندك اي مشاكل ,,,
لكن حتلاقي في وجهك حاجتين ..طفاية عبدو ..ومفك عجل لايف ..واحتمال فزعة بطفاية من راقي ورايق
انصحك ما تستعجل في القرار

المشاركة الأصلية كتبت بواسطة ستأتي أيامي أدري متأخرة ، بس كنت وقفت من المشاركه في هذا المنتدى ، مدري حسيت إنو احنا البنات نضايقكم في منتداكم بس دامت الشغلة فيها اتحاد ورابطه والكلام الحلو اللي يفتح النفس أنا معاكم في رابطتنا بس .. أرشح أبو رايش ( لاااااااااايف وبس )

اهنن فيك باش ,,لا عادي خودي راحتك ,,

اصلا حيكون في فراغ في الرابطة بدونك ,,
باقي مولان ..وبنت ابوها و مس خوخا وبحورة ,,فينهم دولا

يسلمو عالترشيح
شرفتي ,,

المشاركة الأصلية كتبت بواسطة ستأتي أيامي جماهير الإتي دول أحلى ناس إتحاد .. إتحاد .. أنا إتحااااااااادي إتحاد إتحاد أنا .. إتحـــــــــأإأإأإأإأإأإأإدي من ضمن ملايين عشاق عميد النوادي إتحاد .. إتحاد .. جمهورك يناااااااادي حبك يا إتي ملك فؤادي

الاتي في الملعب شوفوا يعطي دروس ,,
يعطيهم دروس ويكسر الروس ,,
نمر جداوي ..مرعب النفوس ,,
اصفر و اسود خطاف الكؤوس ,,
...


يسلمو عالتصميم والله روعة

[Abdulrahman alqahtani]

المشاركة الأصلية كتبت بواسطة tomy و أنآ مأ أولتش حآقهـ غلط و لا أنآ غلطآن على العمومـ نرشح لآيف ...(( ::

لأه دنته فاهم غلط

اصلو الواد لايف انتا أولت عليه انو الكورة بتسري فدمو .. وانا بأوول

>> وربي الكورة في وادي وهوه في وداي

بس يعشق الاتحاد حسيت كذا من نظرات الولد

وبرضو ارشح لايف

[Life as Game]

المشاركة الأصلية كتبت بواسطة قوربتشوف انا بطبع افكورس يالعبنو الاعنقليزى ذبحنا ارشح لايف بس عطينى نبذه عن الادوات الموسيقيه الى عندك وعلمنى منهو ماسك الطار ومنهو معه دربكه ومنو يصفر كدا

اهلا اهلا ..
السطرين الاولى عرفتها اما الباقي ..
بدوي على كويتي على مصري على يماني جمعت لهجات العالم في سطرين ماشاء الله عليك

المشاركة الأصلية كتبت بواسطة ستأتي أيامي

الله
مرة حلوة السمكة ,,
اكيد بيتها زي خلية النحل وتطلع صوت ززززز

المشاركة الأصلية كتبت بواسطة ستأتي أيامي الاتي مش أي حد

اكيييد اكييييد

[Life as Game]

المشاركة الأصلية كتبت بواسطة tomy مشاء اللهـ عليكـ أخوي لآيف شكل الكورهـ تسري في دمكـ ::

ههههههههههههههاي ,,ياواد لا احد يسمعك ..
برايفت وممنوع اللقافة ..ادا ما احد قال ليا انو في مباراة للأتي اعرف انها حتفوتني ,,واي نادي غير الاتي مستحيل اتفرج << عنصري متوحش

المشاركة الأصلية كتبت بواسطة راقـ ي ورايـ ق افضح يا لايف؟؟ خلاص ما بنتكلم عشان لا يبطلون ترشيحك انا ارشح لايف

تسلم على الترشيح ..
بكرة ان شاء الله حأديك مكافأة .. طفاية ماشية 280

المشاركة الأصلية كتبت بواسطة tomy و أنآ مأ أولتش حآقهـ غلط و لا أنآ غلطآن على العمومـ نرشح لآيف ...(( ::

يسلمو يسمو يديك الف عافية ,,
طيب ليش ما ترشح نفسك ,,اتكلم جد والله اللي يبغى ..يتفضل

المشاركة الأصلية كتبت بواسطة راقـ ي ورايـ ق لأه دنته فاهم غلط اصلو الواد لايف انتا أولت عليه انو الكورة بتسري فدمو .. وانا بأوول >> وربي الكورة في وادي وهوه في وداي بس يعشق الاتحاد حسيت كذا من نظرات الولد وبرضو ارشح لايف

الوعد في حصة البرمجة ان شاء الله
جيب معاك عبدو عشان اصيد عصفورين بمفك عجل ..