بنات خطة ب سابقًا: أي وحدة نقصت درجتين بالغلط في الأحياء تدخل

[عزتي أجمل صفاتي]

بناات خلاص إن شالله بكره نتجمع من 11 عند مكتب أستاذه غادة غوث

[be the best]

انا كمان من 10 ما عندي شي ان شا الله كلنااااااااا بكراااااا لا تنسوو اهم حاجه ازا بكرا ما لقينا دي غوث نروح عند مين ؟؟ تكون غايبه عشان يصرفونا

[ms.moon]

اذا مالقيناها أنا بروح للعميده خلاص هي الحل الاخير

[No0o0oN]

المشاركة الأصلية كتبت بواسطة be the best انا كمان من 10 ما عندي شي ان شا الله كلنااااااااا بكراااااا لا تنسوو اهم حاجه ازا بكرا ما لقينا دي غوث نروح عند مين ؟؟ تكون غايبه عشان يصرفونا

لا انا سألت وحده كانت جالسه في غرفه أ.غاده غوث
قالت بكره ان شاء الله هي موجوده .

[ms.moon]

قال تعالى ياايها الذين امنوالما تقولون مالاتفعلون كبر مقتا عند الله ان تقولوا مالاتفعلون
مرة ثانية اذا انتم مو قد الشغلة ولاتقدروا تتجمعوا وتنظموا نفسكم ماله داعي تفتحوا جروح قديمة وخلونا الشيطان الأخرس الي سكت عن حقه
انا عشان ابري ذمتي كلمت الاستاذة وقالت وحدا ترأسكم تكتب خطاب وانتم توقعوا عليه وتجيبوه

[M!Šs JỏJỏ]

انا عن نفسي ان شاء الله السبت الي اعرفهم نقصو حاخليهم يكتبوا اسمائهم ونوديلها الورقة

الله يرضى ع الاولاد ما شاء الله يد وحدة وربي معاهم فدايما ياخدوا حقوقهم
بس احنا كل وحدة خايفة من ناحية وتبغى حقها وهيا جالسة وساكتة
^^ سامحوني بس دي الحقيقة

[Dania Mhammed]

انا روحت عند استاذة غاده اليوم وقالت وحده ارسلت لعميد الجامعة ايميل عن وضع درجات الاحياء وكلم عميد كلية العلوم وبعد كم يوم حيجيهم رد من العميد وانشاءالله حقنا مايضيع

وتمام اللي ارسلت الايميل للعميد فكرة حلوة ماجات ع البال
بس برضو لو تبغو نروح عند استاذة هناء عميدة شطر الطالبات بنفسها يكون احسن
أو نرسلها ايميلات عن وضعنا ؟؟؟؟

[ساكن بصمت]

السلام عليكم ورحمة الله وبركاته ....

اسف ثم اسف ثم اسف ع دخولي لموضوعكم المحزن ...

ولكن كنت بأقدم نصيحه لانكم خواتي اللي نتشرف فيهم ...

" بالمختصر المفيد " ...

صدقوني يا بنات .. ما حتاخدو حقكم الا لما تكونو يد وحده ... ما ينفع تروحو دفعات ...

روحو دفعه وحده .. وخلي اللي تتكلم بنت وحده فقط .. تكون هي الاكثر ضرر فيكم عشان تطلع الحره اللي فيها

وتوصل المعلومه بالشكل المطلوب ...

ومثل ما قالت الاخت اللي انا اتشرف فيها .. درجة وحده تفرق بالموزونة ...

هذا كلامي واسأل الله رد الظلم عنكم وعنا وعن كل المسلمين ... وفالكم التوفيق والتخصص المطلوب ...

ساكن بصمت

[be the best]

يا بنات انتو ليش تحبو تتضاربو كدا على طول انا اليوم رحت بدري الساعه عشره عند استاذه غاده غوث طيب قالتلي يا بنتي انا ماليا صلاح لا تكتبي اسمك عندي ولاشي قلتلها طيب البنات في المنتدى قالو راح يتجمعو هنا قامت اعطتني ايميل حق المرشدات مدري ايش وقالتلي اكتبي خطاب وارسيليلي هوا واكتبي اسمك ورقمك الجامعي وارقام صحباتك وهيا راح تكتب اسماء البنات الي راح يتجمعو الساعه 11 طبعا انا مشيت من عندها ورحت لهناء جمجوم وطبعا ما كانت موجوده قمت كتبت اسمي ورقمي في ورقه ولقيت في بنات تانين كاتبين وكلها مشكله في درجة الاحياء وبعدين رحت لرئيسة القسم مالقيتها كالعاده طيبببببببببببب ايش النهايه معاهم دول ترى محد يآخد منهم حق ولا باطل لو اتجمعنا الف بنت فاكرين اول الترم كيف كانو البنات بيتجمعو عند رئيسة القسم ومحد عمل ولا حاجه يا ربي واللله مراااااااااااا مقهوره

[be the best]

انا مرا زعلااانه وربي مني قادره ازاكر من القهر انا اقول لو نرسل للعميد مره تانيه كمان عشان يتآكدوو الي تعرف ايميلو تحطو هنا وانا اليوم راح ارسل ايميل للاستاذه غاده لعل وعسى يكون في فايده