هاااام جداً .. تجمع للمظلومين في إدارة محلية

[Power.166]

معالي مدير جامعة الملك عبدالعزيز حفظة اللـه

أ.د. أسامــة طيـب

السلام عليكم ورحمة الله وبركاته وبعد


نحن طلبة الشعبة b1 في مادة الادارة المحلية 341 و بالاخص النموذج ( ج ) وقد تم رصد رسوبنا جميعا لحدوث خطا أثناء عملية الترصيد الالكتروني و بمراجعة مدرس المادة سعادة الدكتور : عيدروس الصبان حفظة الله ، تم اعادة التصحيح بشكل يدوي فجعلة الله في موازيين حسناتة و حفظ له ذريته , و اصبحت نسبة النجاح 90% ولكن حتى الان لم تعدل الدرجات و تم رصد الرسوب و حسابة في المعدل مما اثر على الجميع بلا استثناء ، و خاصة المتوقع تخرجهم .

نأمل من معالكم التكرم بالنظر في موضوعنا هذا وتوجيه من تشرفون عليه بحل مشكلتنا بصفه عاجله

,, والله يحـفـظـكم ويـرعاكـم

[Power.166]

المشاركة الأصلية كتبت بواسطة power.166 معالي مدير جامعة الملك عبدالعزيز حفظة اللـه أ.د. أسامــة طيـب السلام عليكم ورحمة الله وبركاته وبعد نحن طلبة الشعبة b1 في مادة الادارة المحلية 341 و بالاخص النموذج ( ج ) وقد تم رصد رسوبنا جميعا لحدوث خطا أثناء عملية الترصيد الالكتروني و بمراجعة مدرس المادة سعادة الدكتور : عيدروس الصبان حفظة الله ، تم اعادة التصحيح بشكل يدوي فجعلة الله في موازيين حسناتة و حفظ له ذريته , و اصبحت نسبة النجاح 90% ولكن حتى الان لم تعدل الدرجات و تم رصد الرسوب و حسابة في المعدل مما اثر على الجميع بلا استثناء ، و خاصة المتوقع تخرجهم . نأمل من معالكم التكرم بالنظر في موضوعنا هذا وتوجيه من تشرفون عليه بحل مشكلتنا بصفه عاجله ,, والله يحـفـظـكم ويـرعاكـم

شاركت في منتدى الجامعه الرسمي بهذا الموضوع بغرض ايصال اصواتنا الى معالي المدير ولكن للاسف حدث ما يلي :.
1- حذف رابط منتدى (سكاو ) وخصوصا موضوع ( هاااام جداً .. تجمع للمظلومين في إدارة محلية ) وسبق وان ادرجت الرابط في صفحة المنتدى الرسمي للجامعه لايصال اصواتنا الى المعنين بحل مشكلتنا
2- اغلاق الردود في الموضوع المذكور اعلاه
3- لم ينقل الموضوع الى صفحة المدير الشخصيه علما بأن العنوان ( بيده شخصيا ) دون سواه !!

[alenssan]

شباب اعتقد دكتور الماده في اجازه وما بيكون هناك اي تعديل قبل عودته واعتقد الي يردوا على البريد هم سكرتارية القسم ، لأني اتذكر في احد الاخوان في بداية الموضوع ذكر ان الدكتور في اجازه وانا لما رحت الجامعة ما حصلت الدكتور موجود ( اكثر من مرة ) .
اخر مرة رحت لسكارتارية القسم صراحة وبدون اي تحامل عليهم ظلمهم الي خلاهم يقابلوا جمهور والله .

صراحة ما تزعلوا مني يا اخوان إحنا المخطأين في حق انفسنا نطالب بحق من حقوقنا ونعتبر هذا تنازل من الجامعة ونعتبر هذه ميزه اعطت لنا يعني الخطأ في التصحيح عادي جدا وتعديل الدرجة وتصحيح هذا الخطأ نعتبره مجاملة لنا وتنازل من الدكتور والقسم والكلية والجامعه ولازم نشكرهم شكرا مادمنا احياء الله اكبر يا جماعا ، يعني تاخذ حقك ببوس الخشوم !!

[ع ـبدالعزيز]

اتصلت في الدكتور أمس الظهر وقال إنه خارج المملكه
وقال يا ولدي درجاتكم تم إعادة التصحيح وتم توقيعها وأرسالها للشؤون التعليميه
إذا ممكن من أحد الإخوان اللي موجودين في جده يراجعهم من قرب
ويتأكد من هذا الكلام ونشوف نهاية المهزله اللي عايشين فيها والله شي يقهر
أخطاءهم ندفع عليها رسوم صيفيه عشان ندرس الماده مره ثانيه وثالثه
وأخطاء أجهزتهم في التصحيح نفس الموال نطلبهم ونترجاهم لأنا في أمس الحاجه
نخلص من همها ونطلع للمستوى اللي بعده ...

الله يسهل أمورنا ياشباب
وتكفون لاتنسون تراجعونهم وتشغلونهم في أنفسهم
وإن أمكن تمرون على عميد كلية الاقتصاد والادارة
يشوف الوضع بنفسه ويمكن يتفهم وضعنا المحزن ..!

[alenssan]

طيب يا شباب احد يشوف لنا واسطة لرصد الدرجة ! اي واسطة ليش مستغربين ... !
دحين انت لما تروح تطلع هوية وطنية ايش اول شي تساويه ؟ صحيح تشوف الواسطة بعدين تكمل اي شي ناقص او حتى مو مهم تكمله . يعني هي الهوية مو من حقك الا أكيد بس اذا كان عاجبك .
يعني من باب اولى شوفوا لنا واحد يرصد لنا الدرجات وبعدين خلوه يلحق لنا على الوثيقة الي الناس بتستلمها يمكن بعد اسبوع واحنا لسة ندور رصد درجة ماده اختيارية معطلتنا عن التخرج

[ALMOBDA]

شباب في واحد من اخوياي راح لجامعة يراجع باسمي واقالوله لزم تكتب اعتراض وتسلمه لهم بنفس الكليه
الي من برا جده يحاوبون يتصلون علي الجامعه وان شاء الله ابحاول اجيب الارقام اليوم من رفيزي بعد ما يراجعهم
وبالتوفيق للجميع
لا احد يسكت الكل يطالب بحقه

[ليلي طويل]

وبعدين مع هالجامعه0000يارب صبرك

[abosati]

ثاني موضوع في منتدى صوت الطالب في منتدى الجامعة و مطالبة لاحالته الى مدير الجامعة و يتم حذفه

و التعليق ان المرجع هو عميد الكلية بينما مادة الراي العام و لان المتضرر احد المشرفين تم تثبيت الموضوع في منتدى المدير و تم رصد الدرجات.

من لديه فاكس او ايميل مدير الجامعة يوافيني به و سوف اكتب له مرارا و تكرارا و لن نسكت حتى تتعدل

[feras222]

العمل عندي يصرف لي رسوم الجامعه في حال نجحت في كل المواد والحمدالله ناجح في كل المواد لكن الاداره المحليه واضحه في كشف الدرجات f فرفض العمل يعوضني لين تتعدل الدرجه
المشكله اللي انا فيها اني اخاف ماتتعدل لين ينتهي موعد السداد للجامعه للترم الصيفي وانا لازم اخذه عشان اتخرج السنه الجايه !!!

[eiiid]

ثاني موضوع في منتدى صوت الطالب في منتدى الجامعة و مطالبة لاحالته الى مدير الجامعة و يتم حذفه و التعليق ان المرجع هو عميد الكلية بينما مادة الراي العام و لان المتضرر احد المشرفين تم تثبيت الموضوع في منتدى المدير و تم رصد الدرجات. من لديه فاكس او ايميل مدير الجامعة يوافيني به و سوف اكتب له مرارا و تكرارا و لن نسكت حتى تتعدل

العمل عندي يصرف لي رسوم الجامعه في حال نجحت في كل المواد والحمدالله ناجح في كل المواد لكن الاداره المحليه واضحه في كشف الدرجات f فرفض العمل يعوضني لين تتعدل الدرجه المشكله اللي انا فيها اني اخاف ماتتعدل لين ينتهي موعد السداد للجامعه للترم الصيفي وانا لازم اخذه عشان اتخرج السنه الجايه !!!

شارك ف هذا الموضوع وإن شاء الله ينقل الموضوع لقسم المدير العام
لأني كلمت مشرف هناك وإن شاء الله انه طيب ومابيقصر
http://forum.kau.edu.sa/vb/cacaeeoce...aaeeucn-21123/