تكوين أسنان كاملة من الخلايا الجذعية

[حبه سوكـرا..]

يسعد مسائكم / صباحكم
يآ الشعب الاسناني <<مدري زابطه ولا لا!!
والله انا مررة مبسوطة اني بنزل موضوع لاول مرةة بقسم كليتنا
وان شاء الله يعجبكم زيي ما اعجبني و تستفدون شي منها
يلا اتركم تقرأون الموضوع << ماتعرف تكتب مقدمات ابددا

قال علماء في اليابان يوم الأربعاء أنهم استطاعوا تكوين أسنان باستخدام الخلايا الجذعية للفئران وزرعها بنجاح في فئران أخرى ، على أمل أن تؤدي هذه الخطوة إلى إحراز تقدم في مجال أبحاث الخلايا الجذعية.

ولقد قام الباحثون بإدراج وحدة الأسنان بكاملها ضمن الفك السفلي للفئران وتثبيتها بنجاح بعظام الفك ، والفئران كانت قادرة على المضغ بشكل طبيعي و لم يكن هناك أي مشكلة مع العض و تناول الطعام بعد عملية الزرع


ويأمل الباحثون أن هذه الخطوة ستساعد في تطوير أعضاء بشرية جديدة تنمومن خلايا المريض نفسه.

كيف تمت عملية الزرع؟

لقد قام فريق تسوجي بازالة نوعين من الخلايا الجذعية من ضرس أحد الفئران وزرعها في المختبر وللتحكم بطول وشكل الأسنان ولقد تم وضع الخلايا في قالب حيث نمت إلى وحدات أسنان كاملة.
ثم تم زرع وحدات الأسنان كاملة في الفك السفلي لفئران تبلغ من العمر شهر واحد.
وقال تسوجي أنها انصهرت في أنسجة وعظام الفك بعد حوالي 40 يوم من الزرع.
ويمكن أيضا الكشف على ألياف عصبية في الأسنان الجديدة.
وشدد تسوجي على أهمية العثور على بذور الخلايا المناسبة للعلاج التعويضي.

يلآ عقبال مايطور طب الأسنان اكثرر و أكثرر و نطبقها بدراستنا
و انتظر تفاعلكم مع الموضوع ..

[~RAN~]

ماشاءالله اختراااع مرره حلوو

ويااارب يتطور ويطبقوه على الناس وينجح
ويوصل لنا بسرعه

[hadeel a]

تسلمي د. عبير على الموضوع الحلو ..أحس التعامل مع أسنان الفئران في التجارب مرره صعب يعني الفار مرره صغير كيف اسنانو يعني لو يستعملو قرود للتجارب يكون أحسن ..

[حبه سوكـرا..]

المشاركة الأصلية كتبت بواسطة ~ran~ ماشاءالله اختراااع مرره حلوو ويااارب يتطور ويطبقوه على الناس وينجح ويوصل لنا بسرعه

ان شاء الله ي رب
وثانكسس على المرور

[حبه سوكـرا..]

المشاركة الأصلية كتبت بواسطة hadeel a تسلمي د. عبير على الموضوع الحلو ..أحس التعامل مع أسنان الفئران في التجارب مرره صعب يعني الفار مرره صغير كيف اسنانو يعني لو يستعملو قرود للتجارب يكون أحسن ..

الله يسلمك ياقلبي
ايوه بجد مرة صعب يكفي يعني انه فار
وعجبتني حكاية القرد هههههاي

[Glamor Mada]

شكرا يا دوكتوره ..
العلاج عن طريق الخلايا الجذعيه تطور بشكل كبيييير في السنوات الاخيره .. ولسه في دراسات اكثر عليها وممكن بالايام الجايه يتوصلو لحاجات عمرنا ما كنا نتوقعها ..
انا قرات مره انهم وصلو لدرجه الحين في دراسات انهم يقدرو يعملو كيدني من خلال الخلايا الجذعيه وعن طريق ال اممممممم Amniotic Fluid اللي يكون مغلف الجنين وهوا فبطن امه .. لكن هالشي ياخذ وقت طويل عشان نمو الكيدني يكون بطيئ ويحتاج سنوات الين يصير حجمها بالحجم الطبيعي .. بيحفظوها بمواد خاصه وبتكلف ملايين
سبحان الله .. ( وما اوتيتم من العلم الا قليلا )

الله يعطيكي العافيه

[حبه سوكـرا..]

المشاركة الأصلية كتبت بواسطة glamor mada شكرا يا دوكتوره .. العلاج عن طريق الخلايا الجذعيه تطور بشكل كبيييير في السنوات الاخيره .. ولسه في دراسات اكثر عليها وممكن بالايام الجايه يتوصلو لحاجات عمرنا ما كنا نتوقعها .. انا قرات مره انهم وصلو لدرجه الحين في دراسات انهم يقدرو يعملو كيدني من خلال الخلايا الجذعيه وعن طريق ال اممممممم amniotic fluid اللي يكون مغلف الجنين وهوا فبطن امه .. لكن هالشي ياخذ وقت طويل عشان نمو الكيدني يكون بطيئ ويحتاج سنوات الين يصير حجمها بالحجم الطبيعي .. بيحفظوها بمواد خاصه وبتكلف ملايين سبحان الله .. ( وما اوتيتم من العلم الا قليلا ) الله يعطيكي العافيه

العفوو دكتور
من جدد العلم بيتطور و ان شاء الله نواكب ذي التطورات و نطبقها بدراستنا و وظايفنا ي رب
وشكرا على المعلومة

[Dr~NanoOok]

يا أحلى سوكرا ^_^

شكرا ليكِ ويعطيك العافية على الموضوع والمعلومات الحلوة ..

الخلايا الجذعية stem cells هي طفرة هذا الزمان.. وأغلب الدراسات والبحوثات عنه
أتذكر من سنة أولى طب واحنا بناخد مواضيع فيه.. وسبحان الخالق متمثل فيها
والسنة اللي فاتت أخدناه بتوسع أكثر.. وخاصة في مجال الأسنان
هنا حبيته أكثر وأكثر

~

واسمحولي أضيف سبب اختيار سن الجرذان كتجربة وما اخترنا غيره

وعموما.. اغلب بحوث وتجارب مجال طب الأسنان.. يكون على أسنان "الجرذان" وليست الفئران العادية
الجرذان احجامها أكبر وأسنانها أكبر.. وتركيبها نفس تركيب أسنان الإنسان ..
<< لسه قبل يومين قريت بالجريدة عن جرذان ضخمة وجدوها في الهند.. طولها يصل إلى متر ! وحجمها أكبر من حجم الأطفال بعمر 3 سنوات !!

نرجع لموضوعنا ..
المميز كمان في أسنان الجرذان انها كل لما تتآكل أطرافها او تنكسر.. ترجع تنمو من جديد
وهذا الشي غير موجود بأسنان الانسان للاسف

~

اهلا بيكِ بيننا .. وامتعينا دائما بالمواضيع الحلوة =)

[Kaira]

حبة سوكرا
موضوعك راااااائع جدا وشد إنتباهي إني أقراهـ ..
من جد العلم بحر لا ينتهي واكتشافات الانسان في دوام ومستمرة ..
سبحان الله =)

د.نــانوكـ
عجبتني اضافتك المفيدة مرررررررررررة تسلمي عليها يا قلبي ^^
سبحان الله الذي أبدع في خلقته ..

[amiwa]

تسلمي يا سوكرا عالموضوع ^^ ماشاءالله اليابان في تقدم مستمر، حتى بعد ما اخذتلها كم عين صاروخية وجاها زلازل لسة مستمرة
مو بعيدة يطلع مننا كمان،^^ ان شاءالله نتقدم ونكتشف ونخترع وكلوو

بس سؤال معليش، دحين جربوها عالفيران وزبطت.... طيب.... في احد حيتبرع ويجربها على نفسو؟ ولا كيف.. O_o
ويعطييييييكي العافية عبير عالموضوع الحلو