مهم لبنات قسم الاحياء

[ɠɛɳɛɫίϲЅ]

المشاركة الأصلية كتبت بواسطة ملاك الورد يعني لو ادرس ترم واحول يصير اعيد كل اللي درسته!! وش يحسون فيه؟؟!! والجينيوم ليه مايفتحوه عندنا وايش الفرق بيينا وبين بنات السلمانيه!!! جامعه عجيبه بكل شي

شوفتي كيف بس عشان اللغه
بس لو درستي المواد من البدايه انقلش حيحولوكي دايركت

[ɠɛɳɛɫίϲЅ]

المشاركة الأصلية كتبت بواسطة عالية بطبعي الاستاذة اللي تدرسني الاحياء قالت مو لازم تذاكروا من الكتاب .. قالت ذاكروا من السلايدات والكتاب ماراح تحتاجوه الا اذا كنتي من النوع اللي يحب الاستطلاع وكذا.. والسلايدات مو مترجمة ,, والشرح بالعربي .. يعني حوووووووووووووووووسه .. جيت ابغى اترجمه طلعت 85 شريحة هذي متى يمديني اترجمها؟؟؟

طيب ياقلبي سهله
بعد ماترجعي البيت في نفس اليوم اللي اخدتي فيه الماده
ترجمي الجزئيه اللي اخدتيها وزاكريها

سوا كانت بالعربي ولا بالانقلش لازم تزاكري اول باول ولا محاتفلحي
هوا صح بالانقليزي يكون الجهد مضاعف بس عشان مصلحتنا في الآخر

مين استاذتك واي شعبه ؟؟

[عالية بطبعي]

^^
وهو هذا اللي انا مسويته .. لما ارجع اترجم ..
بس طفشت .. من كثر ما اترجم ..
اسمها ندى ادريس ..
شعبة ga

[ɠɛɳɛɫίϲЅ]

المشاركة الأصلية كتبت بواسطة عالية بطبعي ^^ وهو هذا اللي انا مسويته .. لما ارجع اترجم .. بس طفشت .. من كثر ما اترجم .. اسمها ندى ادريس .. شعبة ga

حلو مرا الله يوفقك يارب
انا لسا مابديت بيو 202 بس ان شاء الله تجيني وحده تدرسني انقلش

[عالية بطبعي]

المشاركة الأصلية كتبت بواسطة ɠɛɳɛɫίϲЅ حلو مرا الله يوفقك يارب انا لسا مابديت بيو 202 بس ان شاء الله تجيني وحده تدرسني انقلش

جميعا يارب ..

[حربيه ودروبي ورديه]

أنا قريبتي تدرس دحين ماستر احياء
وهي البكالريوس درستوه بالعربي
وماشاءالله دحين هي تدرس الماستر
يعني ما اثر عليها بشي
المهم انه نجيب المعدلات أش ح نستفيد اذا ماكان عندك للغه
وانا مادة الاحياء العامه نأخذها بالعربي
ونفس الاستاذه تقول الأسئله ح تكون بالعربي و ح تكون الأسئله فيها جزئيه تشرحين
بالله كيف ح تجاوبون ع الأسئله

[ɠɛɳɛɫίϲЅ]

المشاركة الأصلية كتبت بواسطة حربيه ودروبي ورديه أنا قريبتي تدرس دحين ماستر احياء وهي البكالريوس درستوه بالعربي وماشاءالله دحين هي تدرس الماستر يعني ما اثر عليها بشي المهم انه نجيب المعدلات أش ح نستفيد اذا ماكان عندك للغه وانا مادة الاحياء العامه نأخذها بالعربي ونفس الاستاذه تقول الأسئله ح تكون بالعربي و ح تكون الأسئله فيها جزئيه تشرحين بالله كيف ح تجاوبون ع الأسئله

ياقلبي الله يوفقها يارب
ويوفقنا جميعاً

بس مو كل البنات بعقلية قريبتك ماشاء الله عليها
انا عن نفسي اجد صعوبه في الدراسه بالانقليزي
بس
افضلها عشان ناخذ عليها

وترا اغلب الاستاذات اللي يدرسو بالانقليزي
تكون اختباراتهم اختياري وفراغات وصلي مايصعبوها عكس اللي بالعربي يعقدوها

وعلى فكره
حتى لو درستي عربي الين التخرج
لازم تعملين بحث تخرج وغصب عنك يكون انقليزي عشان تقبله الجامعه
ايش حتعملي وقتها وكيف حتبحثي وتجهزي

ولا تعطيها مكتبه وهيا تعملك !
مايسير وين الابداع والمجهود الشخصي

[يااارب وفقنـــي]

أنا معاك في كل كلمة قلتيها يا ɠɛɳɛɫίϲЅ
فعلاً الدراسة بالانجليزي أحسن بكتييييييييير من العربي لأنه كل شي ساير بالانجليزي دحين ولا جيتوا تقدموا على بعثة
كيف بتسووا؟؟ كمان حتطلبوهم يدرسوكم بالعربي؟<<< قوية ذي
بس من جد ترى فكروا بعقلكم نحن مب أقل من بنات السليمانية...
أنا عن نفسي مررررة زعلت في البداية لمن عرفت انه حندرس المواد بالعربي مرررة انقهرت يعني بعدما درسناه بالانجليزي في التحضيري يرجعونا للعربي ليش!!! بس الحمدلله جاتنا دكتورة ندى وأول ماقالتلنا انه حندرس الاحياء بالانجليزي مرررة فرحت <<<عكس البنات
ودحين انا لحالي بدرس المادة دي بالانجليزي وصحباتي بالعربي..... بس مرتاحة الحمدلله

[يااارب وفقنـــي]

عالية بطبعي<<<انت معايا بنفس الشعبة ^_^
هي دكتورة ندووش ارسلت السلايدات؟؟؟! لاني ارسلتلها ايميلي بس مارسلتي حاجة !!!

[عالية بطبعي]

المشاركة الأصلية كتبت بواسطة يااارب وفقنـــي عالية بطبعي<<<انت معايا بنفس الشعبة ^_^ هي دكتورة ندووش ارسلت السلايدات؟؟؟! لاني ارسلتلها ايميلي بس مارسلتي حاجة !!!

ايه ارسلت لي هي بنفس اليوم ((شبتر 33)) اللي اخذناه..
اذا تبغيها انزلها لك هنا ..
انا خلاص ترجمته كله..