والله اني ندمان اني ما اخذت بحوث العمليات مع الدكتور فهد الحركان في الصيف الماضي

[القادم]

السلام عليكم

من الاخطاء اللي انا ندمان عليها

والله اني ندمان اني ما اخذت بحوث العمليات مع الدكتور الفاضل / فهد الحركان في الصيف الماضي

واخذتها هالترم مع الادريسي وياليتني ما اخذتها انحست في الاختبار ولاحليت بسبب تعقيد الاسئلة

لاحول ولا قوة إلا بالله العلي العظيم .

[abu.hossam]

فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا

[ماجد عبد العزيز]

ولله وانا اخوك الاختبار كان صدمه بنسبه لنا كلنا بس ما نقول غير الحمد لله علي كل حال ولله مب مضيع تعبنا وحقنا

[ابو مقبل]

اللهم لك الحمد على كل حال
الخيرة خفية وانا اخوك قدّر الله وماشاء فعل

[ابومشعل222333]

المشاركة الأصلية كتبت بواسطة القادم السلام عليكم من الاخطاء اللي انا ندمان عليها والله اني ندمان اني ما اخذت بحوث العمليات مع الدكتور الفاضل / فهد الحركان في الصيف الماضي واخذتها هالترم مع الادريسي وياليتني ما اخذتها انحست في الاختبار ولاحليت بسبب تعقيد الاسئلة لاحول ولا قوة إلا بالله العلي العظيم .

صراحة أول ما شفت الأسئلة حسيت أني في كابوس ولكن المشكلة ليست هنا فقط !!!!! بل كان في أحد الاسئلة الجواب الصحيح غير موجود من ضمن الاختيارات وجاء الدكتور في أخر عشرين دقيقة وقال عدلو الخطاء بعد ما ضاع علينا الوقت بالتفكير وخروج الكثير من الزملاء..... وازيدكم من الشعر بيت عطيت الاسئلة احد المدرسين الخصوصيين وكان هناك بعض الفقرات ليس لها حل وأيضاً في احد المواضيع قراءات لبعض زملاء الانتظام بأنهم حاولو حلها ولكن لم يستطيعو وأخيراً وجدو اخطاء في بعض الاسئله...... اتمنى من الزملاء عدم سب الدكتور حتى لا ياخذ اجر منا ولكن نقول حسبنا الله ونعم الوكيل ..... داعياً المولى عز وجل ان يوفق الجميع ،،،،

[عيوني حزينه]

اخوي لا تندم على شي راح فكر بالجاي وان شاء الله الادريسي يساعدكم ... بالتوفيق

[farashdi]

اولا: الله يوفقكم ويعينكم وينجحكم في هالماده وتعدون فيها ياااارب

ثانيا: انا اخذت هالمادة في الترم الصيفي وكانت عند الدكتور الحركان،، صحيح اني حرمت نفسي في رمضان من اشياء واجد ومدرس وزحمه وقلق ومصاريف الجامعة والسكن والمواصلات واجازة على حسابي الخاص لان الترم الصيفي ما يعطوني اجازة اختبارات ولا لقيت حجز من الشرقية وجيت بر الى جده ولكن الله يسرها بأسئلة كانت في قمة السهولة وصدقوني يوم شفت الاسئلة تحسفت اني جبت مدرس حتى السمبلكس ما جابها بالاختبار الا بكم فقرة نظرية فقط والله اني دعيت للدكتور في الحرم على ما شفته من تسهيل بالاختبار

ثالثا: حنا طلاب الانتساب نعاني وكثر الله خيرنا ان عندنا الرغبة بمواصلة التعليم على ظروفنا الصعبة مسؤوليات اسره ومحكومين في عمل والراتب يالله يغطي مصاريفنا واخرتها نلقى هالمعاملة من بعض الدكاترة وبعدين مادة مثل بحوث العمليات مادة صعبة من الاساس يعني لو الدكتور صعب اختبار في مادة نظرية وقراءة يمكن امشيها لانها ما تعتمد على فهم بس بحوث عمليات الواحد ما يوصل لقاعة الاختبار يختبرها الا جته الوسوسة وصار راسه كله سمبلكس وشجره ويجي دكتور بكل برود ينسف مجهوداتك،، الاحتجاج اشوفه من كل الطلاب اللي اختبروا ودام الطلاب اجمعوا معناته فيه شي غلط يجب على عميد الجامعة انه يقف على هالمشكلة مهوب طالب او طالبين انت قاعد تتكلم عن 1700 طالب،،

رابعاً: دعواتي لكم الله يعديلكم هالمادة على خير ونصيحة من اخوكم المواد اللي زي كذا خلها ترم صيفي اذا بتقدر تضغط على نفسك وتفتك منها ترا الصيفي يالربع يفكك من بلاوي، وتكون الاسئلة سهله والدكاتره يبون يخلصون ويمشون مالهم بوجع الراس


اخيرا لا تندم على شي راح الحمد لله وان شاء الله انك تعديها وترا مكتوب لك انك تاخذها هالترم

دمتم بود والله يحفظكم ويرعاكم وينجحكم

اخوكم فايز

[القادم]

اشكر الجميع على المرور والله يوفقنا وياكم

بس اللي يضيق الصدر اني جايب فيها مدرسين وخسران خسارتين مادية ووقت كثير اهدرته في هالمادة
وبالاخير مااستفدت من اي شي من المدرسين .

[اقلاع اتحادي]

القادم رآح يكون خير بأذن الله , وجاهنا عقبآت كلنا في هالجامعه .

الله يوفقك ويوفق الجميع يآرب

[القادم]

المشاركة الأصلية كتبت بواسطة اقلاع اتحادي القادم رآح يكون خير بأذن الله , وجاهنا عقبآت كلنا في هالجامعه . الله يوفقك ويوفق الجميع يآرب

آميين يارب.