أبغا أسألكم عن سالينا(( أحياء ))

[Bodor]

اتمنى تفيدوني اللي يعرفو أ. سالينا كيف شرحها .. وياريت تقولولي مين كويس في الاحياء وتقولولي اذا جربتو تدرسو عند الانسانه اللي بتتكلمو عنها ولا سمعتو البنات بيقولو دا الكلام ..


وشكرًا ..

[Haneen :)]

انا ماجربت سالينا بس حنان الشاذلي افضل وحده موجوده الكل بيقول وانا جربتها كويسه

[Meme599]

سالينا مررا عسل درستني وشرحها عادي مابو شي
وكانت تطلعنا قبل مايخلص الوقت
عموما بالنسبه ليا اﻻحياء مرا مايعتمد ع شرح اﻻستاذه
كلوو حفظ ، بالتوفيق

[Nouf*]

د. سالينا صح شرحها سريع و تخلص بسرعة
بس المنهج سهل نفس الثانوي لكن بالانقلش و اللي يركز معاها رح يستفيد من نطقها للمصطلحات لأن لغتها ماشاء الله ممتازة ، انا عني اشوفها كويسة

[Mirinoxd]

أنا كنت معاها وكتبت عنها أول, شرحها أغلبو انقليزي لكن تستفيدي من نطقها لأنو انقليزيتها مرا كويسة ماشاء الله فالكلمة كانت ترسخ في راسي سريع
محاضراتها تخلص بدددري, غير كذا محاضراتها ممتعه خصوصا في الدروس الي لها علاقه بتخصصها هي, لأنها تتعمق مرات وتحكينا وتعطينا معلومات زيادة
والبنات يسألوها وهي تجاوب في حاجات لها علاقة بالدرس بس مو معانا كمذاكرة واختبار, يعني كنت استمتع في محاضرتها صراحة اذا جلست تجاوب وتتناقش مع البنات وكذا, ومرات يجيني النوم يوم تشرح شرح عادي
اذا انتي انقليزيتك مو مرا تمام ممكن في البداية حتتلخبطي وماتعرفي تجاريها وتمشي معاها, بس في النهاية يعتمد عليكي وعلى حفظك, وانصحك في الفاينل تحضري عند حنان الشاذلي لأنو الشباتر حقت الفاينل عن الوراثة ودقيقة شويا
وتحتاج فهم قبل الحفظ, وهي ماشاء الله يمدحوها انها تفهم مرا وتضرب أمثلة تسهلك انك تفهمي وتتذكريها