تجمع المتقدمات على ماستر علوم الاحياء لعام 1435

[سمو العلم]

المشاركة الأصلية كتبت بواسطة mss. السلام عليكم بلييييز مااقرب بوابة للمبنى السابع ؟؟؟؟

و عليكم السلام أقرب بوابة هي غربية 1

كيف توصلي لها؟

أولا/ فيه بوابة رئيسية كبيرة - بوابه 7 - ادخلي منها و بعدها تقابلك أول بوابة هي غربية 1 (طبعا بالسيارة)

ثانيا/ لو دخلت من هذه البوابة .. تلاقي صالة كبيرة و فيها باب عنده ضابطات الأمن (زي كل الجامعات) طلعي إثبات الاختبار للأمن عشان يسمحوا لك تدخلي

ثالثا/ بعد هذه البوابة أمشي على طووول (لا تروحي يمين و لا يسار) يجيكي زي المظلات أمشي تحتها على طووووول و بعدها يجيك فراغ تلاقي قدامك - جهة اليمين- كفتريا رابيس و على يسارك مبنى كبير - المكتبة المركزية - خليك على نفس الإتجاه و أمشي على طول في نفس اتجاهك

بعد هذه المسافة راح تلاقي على يمينك درج صغير عديه و بعده يمين برضو تلاقي درج و ممر العربيات

أطلعي الدرج تلاقي المبنى - مكتوب كلية العلوم 7 - أدخلي من البوابة و لفي يمين أمشي تلاقي باب زجاجي أفتحيه و أمشي على طول تلاقي مصعد

أدخلي و اضغطي الدور 1 و لما توصلي الدور الأول أمشي يسار و على طووول و على طووول تلاقي قاعة الاختبار رقم 79 (بابها خشبي كبير نسبيا)

و أكيد قبل هذه القاعة راح تكون قاعة 78 و إللي بعدها 80

لكن المهم توصلي للمكان الصحيح ..


معلومة بما أن الاختبار في قاعة 78b - 79b - 80b فهذه يعني أنها في الدور الأول - المبنى القديم

لأن قاعات الكلية بالرموز فحرف a يعني الدور الأرضي و b الدور الاول و c الدور الثاني

نصائح :

1/ توكلوا على الله أولا و أخيرا و سلموا أموركنّ له .. صلي استخارة و سيختار الله لك الخير في القبول أو عدمه .. فلا تقلقي من مابعد الاختبار
2/ و لا تنسوا الاثبات إما بطاقة الهوية أو جواز السفر
3/ إذا كنت من خارج جدة أو أول مرة تجي الجامعة أنصحك تجي قبل موعد الاختبار بفترة كافية عشان توصلي للقاعة و تراجعي معلوماتك بهدوء

تقبلوا الإهداء في المرفقات ..

وفقكنّ الله ...

[مـها العامدي]

المشاركة الأصلية كتبت بواسطة المرام 22 بما اني فاضيه راح احل لكم الاسئله الي بالاخضر وماابي منكم الا الدعاااااء

الله يسعدك ياعسل والله ماقصرتي

الله ييسرلك كل صعب !!

[مـها العامدي]

سو العلم


جزاك الله خير

وانا كنت محتاة كيف أوصل للمبنى

....


أبسألك .. عندك خلفية عن مركز الطفولة ؟؟؟ وكيف مستواهم ؟؟

[سمو العلم]

المشاركة الأصلية كتبت بواسطة مـها العامدي سو العلم جزاك الله خير وانا كنت محتاة كيف أوصل للمبنى .... أبسألك .. عندك خلفية عن مركز الطفولة ؟؟؟ وكيف مستواهم ؟؟

و إياك مها
للإسف لا ..
الله يوفقك

[سمو العلم]

المشاركة الأصلية كتبت بواسطة مـها العامدي سو العلم جزاك الله خير وانا كنت محتاة كيف أوصل للمبنى .... أبسألك .. عندك خلفية عن مركز الطفولة ؟؟؟ وكيف مستواهم ؟؟

و إياك مها
للإسف لا ..
الله يوفقك

[Mss.]

المشاركة الأصلية كتبت بواسطة سمو العلم و عليكم السلام أقرب بوابة هي غربية 1 كيف توصلي لها؟ أولا/ فيه بوابة رئيسية كبيرة - بوابه 7 - ادخلي منها و بعدها تقابلك أول بوابة هي غربية 1 (طبعا بالسيارة) ثانيا/ لو دخلت من هذه البوابة .. تلاقي صالة كبيرة و فيها باب عنده ضابطات الأمن (زي كل الجامعات) طلعي إثبات الاختبار للأمن عشان يسمحوا لك تدخلي ثالثا/ بعد هذه البوابة أمشي على طووول (لا تروحي يمين و لا يسار) يجيكي زي المظلات أمشي تحتها على طووووول و بعدها يجيك فراغ تلاقي قدامك - جهة اليمين- كفتريا رابيس و على يسارك مبنى كبير - المكتبة المركزية - خليك على نفس الإتجاه و أمشي على طول في نفس اتجاهك بعد هذه المسافة راح تلاقي على يمينك درج صغير عديه و بعده يمين برضو تلاقي درج و ممر العربيات أطلعي الدرج تلاقي المبنى - مكتوب كلية العلوم 7 - أدخلي من البوابة و لفي يمين أمشي تلاقي باب زجاجي أفتحيه و أمشي على طول تلاقي مصعد أدخلي و اضغطي الدور 1 و لما توصلي الدور الأول أمشي يسار و على طووول و على طووول تلاقي قاعة الاختبار رقم 79 (بابها خشبي كبير نسبيا) و أكيد قبل هذه القاعة راح تكون قاعة 78 و إللي بعدها 80 لكن المهم توصلي للمكان الصحيح .. معلومة بما أن الاختبار في قاعة 78b - 79b - 80b فهذه يعني أنها في الدور الأول - المبنى القديم لأن قاعات الكلية بالرموز فحرف a يعني الدور الأرضي و b الدور الاول و c الدور الثاني نصائح : 1/ توكلوا على الله أولا و أخيرا و سلموا أموركنّ له .. صلي استخارة و سيختار الله لك الخير في القبول أو عدمه .. فلا تقلقي من مابعد الاختبار 2/ و لا تنسوا الاثبات إما بطاقة الهوية أو جواز السفر 3/ إذا كنت من خارج جدة أو أول مرة تجي الجامعة أنصحك تجي قبل موعد الاختبار بفترة كافية عشان توصلي للقاعة و تراجعي معلوماتك بهدوء تقبلوا الإهداء في المرفقات .. وفقكنّ الله ...

الله يسعد قلبك

حابة استفسر إثبات الاختبار المطلوب نقدمه للأمن ما قصدك به؟
وألف شكر

[حنين البحر]

اشعار تسجيلك بالماجستير من الموقع

[Miss Ei]

يعني الطلب حقي أطبعه ولا كيف؟!

وبعدين حابه اسال عن الجوالات راح ندخل بها ولا لا؟! وطريقة اللبس عبايات ولا لازم نشيلها؟!

[airi]

بنات ممكن اعرف فين مكان الكلية فرع السليمانية لان من مكة و أول مره اروح لجامعة الملك عبد العزيز..اسفة حتعبكم معايا

[airi]

مكتوب عند الطلب (المركز الرئيسي - طالبات) هو نفسه فرع السليمانية..؟