بخصوص شهادة الخبرة لتخصص ادارة مستشفيات

[دلوله الدلوعه]

السلام عليكم اخواني واخواتي

زي ما هو مكتوب بالعنوان

الحين تخصصنا محتاج خبرات عشان نقدر نتوظف

سؤال بخصوص التوظيف مقابل الخبرة

الحين داخل الصيف وافكر استغل الاجازة واتوظف باي مستشفى مقابل شهادة خبرة ومو مشكلة براتب او بدون

انا بالمستوى الثالث فاللي عنده علم بالسالفة ياليت يفيدني

ومشكورين مقدما

[بنت ناس وقلبي ألماس]

وعليكم السلام ورحمة الله وبركاته

تم نقل موضوعك للقسم المناسب - قسم إدارة الخدمات الصحية والمستشفيات

والأعضاء ما راح يقصرون في إفادتك

[marro]

ايوا عادي روحي للموارد البشرية لآي مستشفي وقولي لهم آبغا اتدرب وهذا تخصصي
في المستشفيات الاهليه تدفعي عشان يدربوكي .. اما الحكومية ماعندي فكرة ..

[دلوله الدلوعه]

ليش ادفع
انا حشتغل من غير راتب
كمان ادفع لهم
انا ما رح اكون طالبه عندهم
حكون موظفة

[al---brens]

انا كنت افتكر مثلك كذا

يوم رحت مستشفى سلمان فقيه ومعروفه بجده

طلبو مني رسوم 1500 علشان اتدرب عندهم

بس للدكاتره يقولون بدون فلوس اما اللي بالتخصص حقنا بفلوس ليه مدري ودا كلام مدير القسم نفسه المسؤول عن التدريب

[ح سآم]

عليكم لسلام ..

انا ما ابغى اقفلها بوجهك

بس اقل شركه تعطي خبره تقريبا 4 شهور وفي مستشفيات لازم تخدم سنه ...

وانا قدمت بحث التخرج .. مدير الاكاديمي قال لي لاتداوم وتعال بعد اسبوعين خذ تقيمك
قسم بالله صرت اشكره الين ركبت السياره

طريقه التوظيف .. روحي قدمي على المستشفى بثنويه ...وتشتغلي في الاستقبال ... روحي مستشفى السامر اتوقع محتاجين استقبال
وكذا عملتي في منشئه صحيه..

بس الخبره مالها اي داعي ... لان قانون البلد ماشي على المعارف والوسطات

وهذا لايمنع من الاجتهاد والرزق على الله ...