مالحل للرسوب في مواد التحضيري!

[sweet rehab]

السلام عليكم وحمة الله وبركاته

بدخل بالموضوع على طول,,,,

انا وحده بالتحضيري علمي انتظام موازي .

وحصل وقدر الله وماشاء فعل, ان رسبت بكل المواد العلميه بالتحضيري(رياضايات- فيزيا-احصاء-كيميا -احياء)

ونجحت بالمواد الباقيه . ومعدل الترم الاول كان 3.23 الحمدالله المعدل كويس وبحدود المعقول

, اول ترم لي كانت خطتي أ و وتهت كثير في رياضيات والفيزياء اساسا لما جاء الاختبار النهائي ماذكرت قلت بس خلاص انا راسبه , مااخفيكم اني ندمت لاني بعدين شفت الاسئلة سهله وانا مو مذاكره

الترم الثاني استقبلته بكل بقوه وعزيمة واصرار لان قلت خلاص انا عرفت مشاكلي باالترم الي راح وبصلحها , ويعلم الله اني بذلت قصارى جهدي , لاحد يقولي انتي مو وجه علمي مفروض ادبي ومن هالكلام !

انا ابدا ما اواجه مشاكل كثيره اثناء الدارسه او المحاظرة , وبالعس ما اغيب كثير من المحاظرات ودايم مع دكاتره حتى قبل الاختبار انا فاهمه كل شئ وحاله اسأله , حتى اطلع من الاختبار اقول 30 من 30 خلاص لاحد يكلمني

بعدين انصدم اني جبت نص 30 بالظبط يعني 15 هنا والله العظيم شعور اعجز عن وصفه , الي يعرف اخطائه هذا شئ كويس , بس الي مثلي يحسب انو على الصراط المسقيم وهو على شفا حفره

وللاسف مراجعة اختبارات الدوري دايم تتضارب مع توقيت الانقليزي والمحاظرات الي عندي فما كان يمدي احضر واشوف وش فحطت انا فيه!

ولا احد يقولي انتي تظغطي نفسك قبل الاختبار ووتتلخبطي , لان انا افهم مع دكاتره وقبل الاختبار باسبوعين اذاكر . ليلة الاختبار بس اراجع

للاسف انا للحين ماني عارفه وش مشكلتي ووش الخطأ الي اسويه وذي اكبر مشكله , عشان كذا , تنصحوني اسحب من الجامعه ولا اكمل بعض المواد صيفي والباقي ترم جاي!

وتعرفو احد صار له نفس الحماقه الي صارت لي وعدا؟ ولا اخذها براسي واسحب !

[Dina jubran]

وعايكم السلام ورحمة الله وبركاته
الرسوب في مادة علمية او اكثر يكون له اختيارين
اما انك تدرسين صيفي او تدرسين بالسنة الجديدة
التخصص يبدأ بعد انتهائك منها، حتى لو كان انتهائك بنهاية الترم الاول من السنة الجاية، تقدرين تتخصصين بالترم الثاني
وبالتوفيق لك 3>

[picasso]

وعليك السلام ورحمه الله
اقدر واشعر بما تعانيه ، والحمد لله على كل حال
لسى الطريق امامك لا تستسلمي والقادم أجمل إن شاء الله
ومو انتي بس كثير من الطلاب يتعثر بمادة أو اكثر .

الفصل الصيفي يسمح للطالب ان يضيف 9 ساعات اي ثلاث مواد
والخيار لك تشوفي الي يناسبك تضيفي 3 مواد او مادتين او مادة
والفصل الاول السنة الجديدة تدرسي باقي المواد المتعثره بدون محاضرات الانجليزي :)
وبعد نهاية الفصل الاول يتم تسكينك بالكلية وتتخصصي بإذن الله

الله يوفقكم .

[Azzoz1996]

شوفي.. حاولي تسجلين بالصيفي وبالترم الأول..(الاثنين)
لأن الهرجة مو ان يمديكي تسجلي بترم واحد فقط.. لا.
الهرجة ان آخر ترم لكي بيكون الترم الاول السنة الجاية..
فيمديكي تسجلين بالترم الصيفي، وبعد ماتخلصين منه تسجلين بالترم الأول.. فلا قدّر الله، الله لا يقولها.. انك رسبتي مرة ثانية بالصيفي، يمديكي تاخذين المادة (للمرة الثالثة) بالترم الأول الجاي اللي بيكون آخر ترم لكي ولازم ما يخلص الترم الأول من السنة الجاية إلا وانتي ناجحة بكل المواد..
الله يكون في عونك.