مجرد استفسار للاخوات في هذا التخصص

[ابراهيم1403]

السلام عليكم باخش في الموضوع دغري

وهو سؤال بالاصح

ماهو افضل التخصص كمستقبل وظيفي للبنات دراسات اسلامية ام اقتصاد منزلي وخصوصا في التدريس

وشاكر لكم

[shnshn halawa]

وعليكم السلام

الصراحه انا ما اعرف عن الدراسات الاسلاميه شي

بس الاقتصاد المنزلي في تخصصات مره كتير لكن للتدريس مافي الا تخصص التربوي تقريبا

لانو التدريس حيكون تربيه فنيه او اقتصاد منزلي

عالعموم الفرق بينهم مره كبير الدراسات نظري

اما الاقتصاد اغلبو عملي ...

وبـــــــــــالتوفيق ...

[ساكنه في بيتنا]

وعليكم السلام و رحمه الله و بركاته

انا اعتقد كل مجال مهما كانت الفرص الوظيفية فيه قليله بما انو الشخص دخله عن اقتناع و حب راح يبدع فيه و يعمل على تطوير أداؤه و تطوير الشي اللي درسه ..

قسم دراسات اسلاميه احس اللي يدخلوه لازم يكون قد المسؤوليه و يطبق كل شي اتعلمه .. لكن اغلب مدرسات الدين اللي مروا في حياتي ما شفت فيه مشي مختلف عن ابله غيرها من المواد الا ابلتين

وحده في الابتدائي ووحده في الثنوي بسسسسسسسس !!!

الاقتصاد المنزلي أقسامه كتير و مجالاته مختلفه .. ليكون انت قصدك تدريس زي الطبخ و الخياطه و الكلام دا !!!!!

لأنو مررررررررررررررررررره المفهوم يختلف .. نحن ما ندرس كدا ابداااااااااا ..

في قسم عندنا اسمه تربوي .. حلو القسم و له مستقبل وظيفي في التدريس باذن الله ..

سوري على الكلام الكتير و يمكن خرجت عن الموضوع شويه .. بالتوفيق ..

[ابراهيم1403]

مشكورين حلاوة على المشاركة ولو انك قاعدة تغردين خارج السرب انا ما اقصد هل هو عملي او نظري ولا صعب ام سهل انا اقصد

مستقبل وظيفي يعني ايش الي بدري تتعين فيهم يعني على سيراميك احتياج المدرسات فيهم ايش اكثر

وبرضوا مشكورة سته شهور على المشاركة

[ابراهيم1403]

اهلين مشرفتنا العزيزة ساكنة في بيتنا


انا اقصد احتياج الوزارة للمدرسات ايش اكثر الدراسات ام الاقتصاد وايش الي يكون الفرص الوظيفية اكثر ورغم كذا فهمت من كلامك انه الاقتصاد مستقبله اقوى من الدراسات%%%%% خارج اطار الموضوع ( رائي شخصي اوافقكي موضوع المدرسات الدين ماعندك احد اغلبهم) واضافة الى معلومتك مدرسين الدين اغلبهم ضمهم لقائمتكي

مشكورة سته شهور على الرد

[shnshn halawa]

العفو اخويا...

انا فهمت انك بتتكلم على المستقبل الوظيفي بس القسمين فيهم فرق مره كبير هدا كان كلامي

ومن ناحية المستقبل الوظيفي فتدريس فانتا ادرى بالحال

الوظايف مره قليله في المجالين واكيد انك عارف انو التوظيف لمن رحم ربي يجي في القرى

والله اعلم هدا اللي شايفتو بعيني ...

عالعموم كل مين بنصيبو والله يوفق الجميع :)

[Roa'a]

من رأيي
سواء هنا ولا في الدراسات
في اكتفااااء وبالذات الدراسات اكتفاااء جامد كمان

دا رأيي والله أعلم
=)

[ليتني همك]

بصراحة اقسام الاقتصاد بشكل عام كلها حلوه

ومنها فائده وهذا لايعني انو الدراسات مامنو فايدة

بس في الدراسة بيكون هناك متعة لانو في عملي ونظري

ولا تخلي تركيزك كله ع التدريس لان مجال التدريس

حاصل في اكتفاء------

واخيرا الله يسدد خطاك لما فيه الخير ويخترلك الطيب

[ToOoDy]

انا اشوووف الاقتصاد المنزلي فرصو الوظيفية اكثر في مجال التدريس خصوصا قسم ذوي الاحتياجات الخاصة او((صعوبات التعلم))

والله يوفقك ويوفق جميييييييييييع المسلمين والمسلمات

ToOoDy

[ساكنه في بيتنا]

المشاركة الأصلية كتبت بواسطة tooody انا اشوووف الاقتصاد المنزلي فرصو الوظيفية اكثر في مجال التدريس خصوصا قسم ذوي الاحتياجات الخاصة او((صعوبات التعلم)) والله يوفقك ويوفق جميييييييييييع المسلمين والمسلمات tooody

من دي الناحيه انا ضامنه باذن الله الوظيفه لكل خريجه .. لأنهم محتاجين ..